අයවැය අපේ නෙවෙයි !
අයවැය කියන්නෙ රටක ඉදිරි වසර සදහා කෙරෙන ආර්ථික පුරෝකථනය. ආණ්ඩුව මේ දවස්වල සුදානම් වෙන්න ඕන ඒ තීරණාත්මක කාර්යයට. ඒත් වෙන හැම අවුරුද්දකදිම වගෙ මේ පාරත් පොදු ජනයාට බර පැටවෙන ඉලක්කම් ගොඩක් පමණයි 2016 අයවැය විදියට දකින්න ලැබෙන්නෙ. මොකද ,පාර්ලිමේන්තුව අහලකවත් රටේ ආර්ථික ගමන ගැන කිසිම සංවාදයක් නැහැ. ඉස්සරත් නැහැ - දැනුත් නැහැ!
අපේ රට කෘෂිකාර්මික පදනමක් තියෙන රටක්. රට ණය උගුලක හිරකරලා තියෙන මූල්‍ය සමාගම්, හැම ආණ්ඩුවකටම උගන්වන්නෙ ඔය පදනම විනාශ කරන හැටි. ඊ ළගට බහුජාතික සමාගම් පොකුරක් ලංකා ආර්ථිකය අත්පත් කරගෙන. දේශිය මහා, මධ්‍යම හෝ සුලු පරිමාණ කර්මාන්ත කරුවන්ට රටේ ඉඩක් නැහැ .එක පැත්තකින් ඉන්දියාව, අනිත් පැත්තෙන් චීනය, ලංකාව තම කොලනියක් බවට පත් කරගන්න සැලසුම් දියත් කරලා.
ඉන්දියාව තමයි දැන් බලවත්. මේ සියල්ලට සමගාමිව ආර්ථිකයේ ගාමක බලවේගය වන අධ්‍යාපනය විකෘති කෙරෙනවා. සෞඛ්‍ය ප්‍රමුඛ සුබසාධන සේවාවන් සියල්ලමත් දිය කර හැරෙනවා. කොටින්ම අපිට කිසිම ආර්ථික සැලැස්මක් නැහැ. EPF - ETF කොල්ල කාලා එක එක විදියේ බදු ගහලා, සමාජ විරෝධී ව්‍යාපාර වලට බොරුවට බැන බැන ඒවායෙන් වැඩි බදු ඉල්ල ඉල්ල, විදේශ ගත ශ්‍රමිකයන්ගෙ දුක් ගැහැටවල නාමයෙන් තමයි 2016 අයවැයත් හැදෙන්නෙ. ඔය අතරෙ කැසිනෝ සහ ගණිකා (?) ජාවාරම් හරහා රට ගොඩගන්න පුලුවන් කියල හිතන ඊනියා බුධිමතුන් කට්ටියකුත් ඉන්නවා. රටේ එන්ජිම පුද්ගලික අංශය තමයි කියන, ඒ වගෙම තවත් කට්ටියක්, ඉතුරු වෙලා තියෙන රාජ්‍ය දේපොළ ටිකත් විකුණන්න කැසකවනවා.
ගෝලීයකරණය තුළ ලංකාව රටක් හැටියට පවත්වාගෙන යන්න මේ බොරු අයවැය වලින් නං කොහෙත්ම බැහැ. පාලකයන්ට කෙසේ වෙතත් රටේ ව්‍යාපාරිකයන්ට වත් මේ සරල යථාර්ථය තේරෙනවනං!!
kumara CHAPAbandara
No comments:
Post a Comment