Saturday, March 30, 2019

ගස් මරාගෙන ජීවිතය හොයන අපේ මිනිස්සු!

ගස් මරාගෙන ජීවිතය හොයන අපේ මිනිස්සු!
ඔය මැංගුස් ගහ උඩ ඇන්ටනාවක් හයි කරල තියෙන්නෙ ටිකකට කලින්!
උදේ පාන්දර ඔය ගහ, ඔය ඇන්ටනාවේ උසට වගෙ තිබුණා. අනේ දැන් ගහේ මුදුන කපා දාලා ඔය ඇන්ටනාව දාන්න.
ගහ දුකෙන් මැළවිලා ගිහිං!
මේ වටේ තියෙන වතුවල තව ලොකු ගස් සෑහෙන්න තිබුණා. ඉස්සරහ හිස් ඉඩමෙ රූස්ස කොස් ගස්, මහ පොළොව බදාගෙන අහස දිහා උද්දාමයෙන් බලාගෙන හිටපු ඒ සුන්දර දවස් ආයෙ කවදාවත් එන්නෙ නැහැ!
මං තනියම කල්පනා කරනවා.
අර දවසක් කීතු කීතු කරල විනාශ කරපු එහා ඉඩමෙ සුවිසල් දෙල් ගහ!
මගෙ හිත හිර වෙලා...
ගස් කියන්නෙ අපේ ජීවිතයෙ කොටසක් බව මේ කර්කශ මිනිස්සුන්ට කවදා කොහොම පහදා දෙන්නද?
මේ ගස් එක්ක බැදුණු සංකීර්ණ ජෛව පද්ධති?! ඒවා විනාශ කරනකොට අපට පවතින්න පුළුවං ද මිනිසුනේ?
මගෙ හිත කෑ ගහල එහෙම අහනවා. ඒත් ඒ හඬ ඇහෙන්නෙ මට විතරයි වගෙ.
මේ වටේ හිටපු වඳුරු රංචුව අතුරුදහන් වුණේ බලාගෙන ඉද්දි. දැන් ඉඳ හිට එක්කෙනෙක් දෙන්නෙක් කොහේදෝ ඉඳලා ඉඳ හිට එනවා, ඒ අසරණයන්ටත් මේ නරුම දෙපා සතුන් කොච්චර වද දෙනවද? උන්ගෙ බල්ලො? උන් හිතන්නෙ උනුත් මිනිස්සු කියල!
පාට පාට කුරුල්ලො, සමණල්ලු, ලේන්නු, එක එක කෘමීන්...එයාලා හෙමින් හෙමින් කොහේදෝ යන්න යනවා!
මෙහෙම ගියොත් අපි තනි වෙයි!
අර පැත්තෙන් සංවර්ධනය කියල මහ වනාන්තර විනාශ කරනවා. මේ පැත්තෙන් මිනිස්සු තම තමන්ගෙ බල ප්රදේශවල තියෙන ඉතුරු ගස් ටිකත් මරා දාලා ජීවිතය කියල මොකද්දෝ හොයනවා. ඒත් කෝ ඉතිං ජිවිතයක්?
ඔව්! අපට ජීවිතය අහිමි වෙලා, අප ට අපි නැති වෙලා...
ඒ අහිමිවන ජීවිත විළාපය ඔබ ට ඇහෙනවද? නෑ නේද?
මං දන්නවා, නෑ තමයි!
CHAPA, March 30, 2019

Tuesday, March 26, 2019

CHAPA against Sunday Island, part 2

I have already explained to you that a “black social media operation” had been implemented against me on my genuine attempt to develop an intellectual dialog at a global level focusing on the terrorist attack in the New Zealand. Accordingly FB imposed a 3 day prohibition on me; during that period the maximum liberty was given to tell anything for those who were insulting and attacking me. I explained this situation in my short video uploaded on the 20th March 2019.
In the meantime on 17th March the “Sunday Island” carried a distorted report in this regard.  I responded on the following day itself, and further spoke personally to the editor of the paper and sent my explanation via email.
Yesterday was Sunday; they have not published my explanation pertaining to the distorted report. Instead today’s Sunday Island carries only a short note with the title “Remarks ‘misinterpreted’ says TV anchor”.
In that coward move what they had done was to justify their erroneous and damaging report.
Accordingly the “Sunday Island” violated my right to reply. This is an unbecoming use of media against the norms of media freedom and human rights. If they behave like this for the benefit and on behalf of multi-national companies including the milk-powder producers, the country and the society will be placed in a detrimental danger.
A similar report was published in the economy-next website. I submitted my explanation to that also and still waiting until justice is done. We shall keep close attention on it.
In any event I, as a media person and a political activist, strongly condemn the behavior of Sunday Island. 
We shall develop this dialog further!
CHAPA,
March 25, 2019

Monday, March 25, 2019

CHAPA against Sunday Island! Part 1

Suresh Perera,
Editor of Sunday Island.

Dear Suresh,
Referring to our telephone conversation, I appreciate. if you could publish my response to the report published in Sunday Island on March 17, 2019!

Who justifies New Zealand massacre?
I vehemently deny the contents of the malicious report published on March 17 in the Sunday Island, with the heading “Backlash over Sri Lanka TV anchor justifying NewZealand Massacre”.
The entire report is nothing but a baseless and vicious personal attack on me to create public hatred against me.
The undisclosed and hidden author of the report completely distorted the message carrying in my post and blatantly misinterpreted it, apparently with ulterior motives.
It is to be emphasized that I, as an activist and a journalist, have always criticized and continue to fight against terrorism and violence. However, I extend the interpretation and scope of the term “terrorism” (in the modern context), to include different types of terrorism covering from international pharmaceutical to food industries (mafia).
From the beginning I criticized the acts of terrorism (in that sense) of the so called Developed and Western Countries, which build their prosperity and security by plundering the natural recourses, endangering the national security and sovereignty and destroying the economies and health of the developing or third world countries that are struggling in poverty and debt.
The basic message of my post is that such imbalance created by the globalized terrorism of those capitalist countries, cannot assure their domestic safety and stability, as they are always subject to the thrust and impact of the pressures of the countries victimized by poverty and debt.
The baseless and vicious statement of Dr. W. A Wijewardane seems to have sprung from my challenge to him made openly in a public newspaper on his wrongful and unbecoming views on the concepts of “knowledge, education and development”. That dialog is still pending.
Further the purported comments criticizing my post also seem to have initiated by the organized elements supporting such globalized terrorism.
Therefore I sympathize for the little understanding the hidden author of the said report - and also Dr. W.A. Wijewardane - have of the true global factors that truly govern the world and I reemphasize that I never justify the New Zealand Massacre as misinterpreted in the report. 
CHAPA

, March 18, 2019, 7.46pm ( sent via sureshisland@yahoo.com )


Mon, Mar 18, 7:46 PM

Wednesday, March 20, 2019

fb චණ්ඩින්ගෙ අත් අඩංගුව ට පත් වූ, ඒ භයානක මොහොත...

2019 මාර්තු 15 වැනිදා, නවසීලන්තයෙ සිදුවූ ත්‍රස්ත ක්‍රියාව, යම් පුළුල් සංවාදයකට ඔසවන්න හිතාගෙන දාපු post එක අන්තිමට නැවතුණේ දින තුනක fb තහනමකින්, ඒකත් පුදුම තහනමක්!
ඕන එකෙකුට මට බණින්න පුලුවං, මට ඊට ප්‍රතිචාර දක්වන්න බැහැ, යකාගෙ ප්‍රජා ප්‍රමිතියක්!
මට එන පණිවිඩය මේකයි;
''You recently posted something that violates Facebook policies, so you're temporarily blocked from using this feature. For more information, visit the Help Center.To keep from getting blocked again, please make sure you've read and understand Facebook's Community Standards.''
මොන තාක්ෂණික ක්‍රම වේදයකට අනුව වුණත්, fb Community Standards හෙවත් මූණු පොතේ ප්‍රජා ප්‍රමිතිකරණය හරහා එන අන්තිම උත්තරය වැරදෙන්න තියෙන පහසු ඉඩ තමයි මේ සිද්ධියෙන් ඔප්පු වෙන්නෙ, ඒ කියන්නෙ මොන සමීකරණයකින් හරි ඇවිත් තියෙන උත්තරය වැරදියි!
ප්‍රජාතන්ත්‍රවාදය පිළිබඳ ඓතිහාසික, ලෝක පරිමාණ සංවාදය තුළ ඕනෑම කෙනෙකුට අයිති ''භාෂණයෙ නිදහස'' සහතික කරන්න යෝජනා කෙරෙනවා. විශේෂයෙන් ම පිළිතුරු දීමේ අයිතිය! එය ජාත්‍යන්තර (?) මානව හිමි කමක්. අපේ රටේ මූලික අයිතිවාසි කමක්! එතකොට මේ වෙච්ච දේ හරිද?!
ඔව්! අපි ඒ ජාත්‍යන්තර අවුළ ගැන තව ඉස්සරහට විධිමත්ව කතා කරමු!
කොහොම හරි මේ වැඩේ සිද්ධ වුණේ, මෙරට කිරි පිටි සමාගම් සහ එවායේ ප්‍රචාරක යාන්ත්‍රණය ත් සම්බන්ධ වෙලා, විශේෂයෙන් ම ඒවාට සම්බන්ධ විවිධ හැඩවල ඒජන්තවරු set එකක් සංවිධානාත්මකව වැඩ කරපු නිසා. the Island ඉරිදා පුවත් පත සහ economynext මාධ්‍ය ඇතුළු තවත් මාධ්‍ය අවකාශයකට මේ කතාව තල්ලු වී තිබුණු ආකාරයෙන් ම ඒ බව පැහැදිලි කර ගන්න පුළුවං. අදාළ post එකට කිසිම සම්බන්ධයක් නැති, මං යම් වෘත්තීය සම්බන්ධතාවක් ඇති කරගෙන ඉන්න දෙරණ නාලිකාවත් පටළවලා, ඒ අවස්ථාත් නැති කරල, මූණු පොතෙන් මාව නෙරපලා, මේ හඬ මකා දාන්න තමයි ඔවුන් සැලසුම් කරන්නෙ. 
කොටින්ම නවසීලන්තය = පිටි කිරි! ලංකාවෙ අපට! 
ඒකනෙ නවසීලන්තය කියනකොටම කට්ටියකට ඇඬෙන්න ගත්තෙ. කොහොමත් ඒ කළු මෙහෙයුම තවමත් ක්‍රියාත්මකයි!
ඒ අස්සෙ, විවිධ පක්ෂවල වාටියේ කඹුරන set එකක්, විවිධ මානසික රෝග වලින් පෙළෙන සමාජ ලෙඩ්ඩු set එකක් සහ මේ කිසිම දෙයක් ගැන අදහසක් නැතුව රැළට උඩු බුරන අහිංසක set එකක් ''මූණු පොතේ චණ්ඩි'' බවට පත්වෙලා මට විවිධ මඩ ප්‍රහාර එල්ල කරන බව ත් හොඳින් නිරික්ෂණය කරන්න පුළුවං. ඒ සමහරු වැටී සිටින නීච මට්ටම හිතා ගන්නත් අමාරුයි. ඉතිං ඔවුන් ට අවශ්‍ය විදිහට ප්‍රතිචාර දක්වන්නත් මං වෙලාව හොයා ගන්න ඕන.
සමහරු මේ දවස් තුන පුරාම දුරකථන හෝ වෙනත් සන්නිවේදන මාර්ග ඔස්සේ කතා කර කර මං හිතේ අමාරුවෙන් ද ඉන්නෙ බලනවා. දුක් වෙන්න එපා! ඔයා කඩා වැටෙන්න එපා! ඕවා ඔහොම තමයි! අපරාදෙ අර පෝස්ට් එක දාලා කර ගත්තු දේ! ඔක්කොම ඔයාට ගහනවා නේ? ටිකක් ශේප් එකේ ඉන්න!..ඔය වගෙ කතා ඉවරයක් නැහැ. ජනප්‍රිය රූපවාහිනී නාලිකාවක නිෂ්පාදක යාළුවෙකුත් වරින් වර කතා කරමින් මං හොඳින් ද බලනවා. මං බැලුවෙ ඔයා බෙල්ලෙ වැල දාගෙනද කියල! කියලත් ඔහු ට කියවවුණා. 
ආසයි නේහ්? වගෙ ඒවා තමයි ඉතිං මං එයාලගෙන් ඇහුවෙ, එයාලට කිව්වෙ. 
මට ඔය කියන විදිහට මොකක් හරි වෙලා නං එයාලා ආආආආසයි! කියල දන්නවා.
මොකදෑ ඉතිං කරන්නෙ, මෝඩයි කියල මරන්නයැ?! 
ඒ අතර ඉතාමත්ම හොඳ අවබෝධයකින් යෝජිත සංවාදය තව දුරටත් ගොඩ නගන්න මැදිහත් වන විවිධ පුද්ගලයන් සහ කණ්ඩායම් සෑහෙන ප්‍රමණයක් නිරීක්ෂණය වෙනවා. ඔවුන් මේ සමාජයට ආශිර්වාදයක්!
මේ සියල්ලට සමගාමීව බුද්ධිමත් සංවාදයක් ගොඩ නගමින් මගෙ post එකට විරුද්ධ අදහස් දක්වන අයත් ඉන්නවා. ඒ සංවාදය තුළ මං කොහොමත් ඉන්නවා. ඔවුන් සමඟ මං  පුද්ගලිකවත් කතා බහ කරමින් ඉන්නවා.
දැන් තියෙන බරපතළ ම ප්‍රශ්නය ඒක නෙවෙයි!
fb වෙනුවෙන් ශ්‍රී ලංකා රාජ්‍ය නියෝජනය කරමින් වැඩ කරන්න set එකක් පත් කරල ඉන්නවා ලු! ඔවුන් තමයි එතකොට අපේ සමාජ මාධ්‍ය ක්‍රියාකාරකම් නියාමනය කරමින් fb සමාගම ට අවශ්‍ය උපදෙස් දෙනවා ඇත්තෙ. ලැබෙන ආරංචි වලට අනුව, කිසිදු වග විභාගයකින් තොරව සහ පුද්ගල සම්බන්ධතා පමණක් යොදාගෙන පත් කර තිබෙන ඒ කණ්ඩායම රටේ පාලකයන් ගෙ සහ ඒ ඒ සමාගම් වල උවමනාවන් සපුරාලමින් මේ සමාජ මාධ්‍ය තුළ වෙනම ක්‍රිඩාවක් කරගෙන යනවා.  
අපි ඒ ගැනත් අවධානයෙන් ඉම්මු!
කොටින්ම අපි හැමෝම හිට ගන්න ඕන සමාජ යුක්තිය වෙනුවෙන්, මනව ශිෂ්ටාචාරය වෙනුවෙන්, අවසානයේදි ජෛව ගෝලය වෙනුවෙන්!
එහෙම නැතුව අපි කාටවත් පැවැත්මක් නැහැ!
ම්ම්ම්...තව එකක්! මොකක් හරි හේතුවකින් යළි මේ මූණු පොත මට වාරණය වුණොත් 'නිදහස්' තේමාව යටතෙ පවත්වාගෙන යන YouTube චැනලයෙන්, www.nidahaslanka.com web අඩවියෙන් - Blogger අඩවියෙන්, ඕන නං Twiiter LinkedIn වගෙ තැන් වලදිත් අප ට මුණ ගැහෙන්න පුළුවං!
පුළුවං නෙවෙයි, එහෙම මුණ ගැහෙමු!
CHAPA
March 21, 2019

Sunday, March 17, 2019

අඬු කඩනවා ලු!


නවසීලන්තයෙ මුස්ලිම් පල්ලි දෙකක් ඉලක්ක කරගෙන එල්ල වුණු ත්‍රස්ත ප්‍රහාරය ගැන මං දාපු post එක නිසා බරපතළ සිදුවීම් මාලාවක් ඇති වෙමින් තියෙන බව පැහැදිලියි. ඒ සිද්ධිය ජාත්‍යන්තර මාධ්‍ය වාර්තා කරමින් ඉන්න අතර තුර, ඒ කියන්නෙ, 2019 මාර්තු 15, සිකුරාදා, උදේ 9.57 ට මං දාන post එකට මේ මොහොත වෙනකොට comments 2000 ක් වැටිලා, shares 399 ක්. සළකුණු 1100 ක්!
මෙච්චර වේගවත් සහ විශාල ප්‍රතිචාරයක් මීට කලින් මං දාන post එකකට වැටිලා නැහැ. ඒ ඇයි?
ඒ අතර මට දුර කථනයෙන් කතා කරමින් ඒ post එක ගලවන්න කියපු පිරිසකුත් ඉන්නවා. ඒ සමහර අය පිට රටවල ජීවත් වෙන අය. ඒ අස්සෙ ඊයෙ, සෙනසුරාදා, උදේ 11.36 ට Viber හරහා කතා කරපු, ෆ්‍රැන්සිස් නිමල් ප්‍රනාන්දු ලෙස Viber නම සහිත පුද්ගලයෙක්, ''තෝ නවසීලන්තය පැත්ත පළාතෙ එන්න නං එපා පරයා! තොගෙ අඬු කඩනවා, දැන ගනිං!'' කියල කිව්වා. මං කිව්වා, ඔබ ට මානසික ප්‍රශ්නයක් තියෙන බව පේනවා, වහාම ප්‍රතිකාරයක් ගන්න! කියලා. එතකොට ඔහු කුණු හරුප පේළියක් කියන්න පටන් ගත්ත නිසා කම්මැලි හිතිලා call එක cut කෙරුව. මං එහෙ යන්න හිතාගෙන නැති නිසා ඒකෙ නං අවුළක් නැහැ කියමුකො!
ඒත් මේ අමුතු විරෝධය මොකද්ද?
''ඔයා හිතන දේ හරි, ඒත් ඒ post එකෙන් කියවෙන්නෙ, අර මිනිස්සු මරපු එක හරි වගෙ එකක්නෙ, ඒකයි!'' 
අර ප්‍රශ්නයට ලැබෙන උත්තර අතර ඔය කතාව තමයි ටිකක් හරි වලංගු. 
ඒත් ඒක එහෙමද?
ඔබ වෙලාව අරගෙන හෙමින් හෙමින් අදාළ comments කියවන්න. ඒ පිරිස මෙහෙම වෙන් කරන්න පුලුවං!
1. සංවිධානාත්මක පිරිසක්, fake accounts කීපයක් ඇතුළුව.
2. පරණ පුද්ගලික තරහ වගේම තවත් පුද්ගලික හේතු මත ඇති වූ ද්වේශය පිරි මහ ගන්න හදන සහ විවිධ දේශපාලන පක්ෂ වලට අදාළ අවුල් නිසා අවුල් වුණු පිරිසක්. 
3. රැල්ලට සහ විනෝදයට විවිධ දේ කියන පිරිසක්.
4. ඇත්තටම ඒ post එක නිසා හිත රිදුණු පිරිසක්.
මගේ නිරීක්ෂණය අනුව, මේ විරෝධය දක්වන අති බහුතරය අයිති 1 වැනි කාණ්ඩයට. අඩුම පිරිස 4 වැනි ගොඩේ, ඒ ඉතා සුළු පිරිසක්.
අපි මෙහෙම බලමු!
මං ඒ post එකෙන් කියන්නෙ මොකද්ද? 
''නවසීලන්තයෙ දැන් දරුණු විවෘත වෙඩි තැබීම්! හිතේ ඇති අපට වස කවලා ෆන් එකේ ඉන්න පුළුවං කියලා! හහ්...''
මේ දිනවල මං මැදිහත් වෙමින් ඉන්න, මෙරට පිටි කිරි මාෆියාවට එරෙහි අරගලය මේ කතාවට කෙළින් ම සම්බන්ධයි. අදාළ පිටි කිරි බහු ජාතික සමාගම්, ප්‍රධාන වශයෙන් අයිති නවසීලන්තයට. එහෙම නං නවසීලන්තය රටක් විදිහට හිතන්නෙ, අනිත් රටවල් ශිෂ්ටාචාර පිටින් විනාශ කරලා තමන්ට පවතින්න පුළුවං කියලා. එහෙම පවතින්න බැරි බව තමයි මේ ත්‍රස්ත ප්‍රහාරයෙන් තව දුරටත් ඔප්පු වෙන්නෙ. 
මේ සංවාදය ඓතිහාසිකයි!
ජාතීන් අනෙක් ජාතීන් මරා දමමින් සහ දුර්වල කරමින්, ඊට සමගාමීව ස්වාභාවික තත්ත්වයන් විනාශකරමින් මානව වර්ගයා ප්‍රමුඛ සමස්ත ජෛව ගෝලය දැඩි අනතුරක හෙළමින් ඉන්න බව මේ මොහොතේ හෝ අප වටහා නොගත්තොත් ඊ ළඟ මොහොත කොහොමත් පමා වැඩි වේවි! 
නවසීලන්තය වටා ගොඩ නගන්න නියමිත සංවාදය ඔන්න ඕකයි! අර මරා දැමුණු අසරණ මිනිස්සුන්ට මල් පහන් තියලා, අඬලා දොඩලා හොටු හූරලා මේ අර්බුදය වටහා ගන්න බැහැ. මෙහෙම හිතන්න, ඔය ත්‍රස්තවාදය බිහිවෙන්නෙ සහ තවදුරටත් පෝෂණය කෙරෙන්නෙත් අන්න අර ගෝලීය නරුම ධනවාදී දේශපලනය තුළ!
කොටින්ම ත්‍රස්තවාදය විවිධයි. ඒ අතර ඖෂධ සහ ආහාර ත්‍රස්තවාදය ඉතා සූක්ෂමයි. අන්න ඒ නිසා තමයි, අපේ ම මිනිස්සු නවසීලන්තයෙ ඉඳන් මගෙ අඬු කඩන්න හදන්නෙ. එහෙ මෙහෙ ඉඳන් මට කුණු හරුපයෙන් බනින්නෙ!
ඔය කතා නං කමක් නැහැ, ඒත් මට මොකුත් කරන්න එපා, මොකද උඹලගෙ දරුවො වෙනුවෙන් සටන් කරන්න ඉන්න එවුන් අඩුයි, ඉතිං උඹලට දුක හිතෙයි, මට මොකක් හරි කෙරුවට පස්සෙ, මං ගැන නෙවෙයි උන් ගැන!
හරි! දැනට මේ ඇති! තව වැදගත් කරුණු ගණනාවක් තියෙනවා...
අද රෑ 8.30 ට සජීවීව ඇවිත් ඒ විස්තර කියන්නං!
CHAPA
March 18, 2019



Wednesday, March 13, 2019

එහා ගෙදර බබා!

එයාගෙ නම මට මතක හිටින්නෙම නැහැ, ඉතිං එයා එහා ගෙදර බබා!
දකින දකින වෙලාවට මං එයා ට එක එක ඒවා කියල අවුස්සනවා. 
''ඔයාගෙ තාත්තා මං බෑග් එකක දාගෙන අරගෙන යනවා, කඩේකට විකුණනවා!'' මං කියනවා. ''හීඊඊඊ...ඒයීඊඊඊ!'' වගෙ එක එක වචන පේළියකින් එයා මට සැර දානවා. තාත්තා එක්ක නං ඉන්නෙ එයා බදාගෙන මට පයින් ගහන්න හදනවා, එතකොට එයාගෙ සෙරෙප්පු ගැළවිලා උඩ වීසි වෙනවා. ඒකට එයාට තවත් තරහයි.
එයාට පුංචි අක්කලා දෙන්නෙකුත් ඉන්නවා.
''මං මෙයාලව අරගෙන යනවා...'' දවසක් මං ඒ පුංචි අක්කලා ළඟට ගන්න ගමන් කිව්වා, එතකොට ඒ බබා දකුණු අතේ ඇඟිලි කීපයක් කට ඇතුළෙ රවුම් කරන ගමන් ඔළුව වනමින් මට අනුමැතිය දුන්නා. ඒ, එදා ඒ වෙලාවෙ මොකක් හරි එකකට එයා අක්කලා එක්ක තරහ වෙලා ඉඳලා. වෙන දවසක නං එයා මට කෙළ ගැහුවා එහෙම අක්කලා ගෙනියන්න හදනවා බලං ඉන්න බැරුව. කෙළ ටික එහෙම්මම එයාගෙ නිකට උඩටම වැටිලා ඔන්න දැන් එයාට අමුතු පෙනුමක් ආවා.
දවසක් මං එයාගෙ නහය අල්ලලා මගෙ කටේ දාගත්තා වගෙ දෙයක් කෙරුවා. එයා ඉතිං තමන්ගෙ නහය අත ගාලා බැලුවා, ඒක එහෙමම තියෙන බව තහවුරු වුණාට පස්සෙ, ''ඒයීඊඊඊ....ඌඌඌඌ!''  වගෙ මොකද්ද එකක් හයියෙන් කියල හිචි හිචි කියල හිනා වුණා.
දවසක් මං ගේට්ට්ටුව ළඟ ඉන්නකොට පිටේ මොකක් හරි ඇවිත් වැදුනා. මං බැලුවා මොකද්ද කියල. '' බබා මොකද ඔය ගල් ගහන්නෙ? ඈ!'' එයාගෙ අම්මා එයාට සැර දානකොට තමයි මං වැඩේ දැන ගත්තෙ.
එයා එයාගෙ අම්මාට විතරද කොහෙද බය. හැම එකකටම ''අම්මා!' කියල කෑ ගහන්නෙ ඒකයි.
ආ! එයා දැන් බහ තෝරන ගමන්!
''ගලකින් ගානවාආආආආ...'' 
මොකක් හරි කියල දැන් එයා එහෙමත් කියනවා. ''අනේ එපා, මං පව්නෙ...එපාආආආ!'' මං කියනවා. එතකොට එයා, ''ගානවා ගානවා ගානවාආආආ...'' කියල මාව අවුස්සනවා. අවුස්සනවා කිව්වට එහෙම ගහනවත් එක්ක. එයාගෙ පුංචි ඇඟිලි වලට ලොකු ගල් අහු වෙන්නෙ නැති නිසාත් අහු වෙන පුංචි ගල් වලින් ගැහුවත් වැඩි ඈතකට නොයන නිසාත් ලොකු අවුළක් නැහැ ඉතිං.
දවසක් එයා ට අපේ ගහේ ජම්බු ඕන වුණා. ඉතිං මං ජම්බු කඩල දුන්නා. ඒවායෙ කූඹි ඉන්න නිසා එයාලට යන්න ටික වෙලාවක් ජම්බු බිම තියෙන්න ඇරියා. මං ගහේ තව ජම්බු හොයන අතරෙ එයා ''අම්මත තිරි!'' කියල හයියෙන් කිව්වා. බැලින්නං එයාට අර කූඹි යන්න තියපු ජම්බුවක් පෑගිලා. 
''ආනේ! මොනවද ඔය කියන්නෙ? කවුද බබාට ඒ නරක වචන කියල දුන්නෙ?'' මං නිකටෙ අත තියාගෙන ඇහුවා. එතකොටත් හෝදන්නෙත් නැතුව ජබ්මුවක් කටේ දාගෙන හිටපු බබා මගෙ ප්‍රශ්නය ඇහුනෙ නෑ වගෙ ඇස් ලොකු කරන් ගහේ ජම්බු හොයන්න පටන් අරං.
 ''අජීත්ත්ත්ත්ත්....'' ඒ, එයා හදිසියකට තාත්තාට කතා කරන විදිහ. ඒ තාත්තාත් එතකොට ''ඕඕඕ...'' කියල උත්තර දෙනවා, දුන්නෙ නැත්තං, දෙනකල් ම තාත්තගෙ ඒ නම කිය කියා බබා කෑ ගහනවා. 
ඔය දැන් ජනේලයෙ එල්ලිලා එහෙම අජීත්ත්ත්ත්....කියල කෑ ගහද්දි, මං ''ඕඕඕඕඕ,,,'' කියල හයියෙන් උත්තර දුන්නා.
''ඔයාද අජිත්...ඈඈඈඈඈ?'' 
එයා ඊට වැඩිය හයියෙන් කෑගහල ඇහුවා!
''ගලකින් ගානවාආආආආ....''
ඔන්න ඉතිං එහා ගෙදර බබා!
CHAPA
March 14, 2019




Saturday, March 2, 2019

ලාල් කාන්ත ට සුභ ගමන් ලු!

බීමතින් රිය පදවා අනතුරක් සිදු කළේය! යන චෝදනාව මත ජවිපෙ ලාල්කාන්ත, අධිකරණය හරහා රිමාන්ඩ් භාරයට පත් වීම සම්බන්ධයෙන්, විශේෂයෙන් ම සමාජ මාධ්‍ය ඔස්සේ ඇහෙන පේන විවිධ කතා නිසා මේ සටහන තියන්න හිතුවා.
කවුරු වුණත් රිය අනතුරකට මුල් වෙනකොට ඔහු හෝ ඇය, නීතිය ඉදිරියෙ වරද කරුවෙක් තමයි. තමන්ගෙ වරදක් නැති වුණත් අන්තිමට අනතුර වළක්වා නොගැනීමේ වරද හෝ ඒ පුද්ගලයා ට එල්ල වෙනවා. 
බීමතින් රිය පැදවීම නං නීතිය ඉදිරියේ විතරක් නෙවෙයි සාමාන්‍ය මනස ඉදිරියේත් බරපතළ වරදක්!
කොහොම වුණත් වැරදි වෙන්නෙ සහ වැරදි කරන්නෙ මිනිස්සු අතින්, මිනිස්සු එහෙමයි. ලාල්කාන්ත අතින් සිදුවූ බව කියන වරද තේරුම් ගන්න වෙන්නෙ එහෙමයි. 
ප්‍රශ්නය වෙන්නෙ ඔහු ජවිපෙ නායකයෙක් වීම. 
ඇයි ජවිපෙ ට වැරදි කරන්න බැරිද? කෙනෙක් අහයි. මොකද්ද ජවිපෙ ට විතරක් විශේෂයක්? එහෙමත් අහන්න පුළුවං. අනෙක් දෙශපාලන පක්ෂ සියල්ලට වඩා පරමාදර්ශී තැනක තියෙන බව කියන ජවිපෙ ට එහෙම වැරදි කරන්න බැහැ! කියන තර්කය අනිත් පැත්තෙන් ඔන්න එනවා. ඒ, වැරදි කරන අනිත් එවුන්ගෙ රෙදි ගළවන එවුන් වැරදි කරන්නෙ කොහොමද? කියන ජනප්‍රිය ප්‍රශ්නය.
ඔය සංවාදය ට ඓතිහසික මූලයක් තියෙනවා, ඒ නිසා අතිශය වැදගත්!
ඒ කියන්නෙ, ලෝකය වඩා යහපත් තැනක් බවට පත්කරන්න හදන මිනිස්සු සහ කණ්ඩායම් මුහුණ දෙන අභියෝගය. එවැන්නන් සහ එවැනි කණ්ඩායම් අනිවාර්‍යයෙන් ම පරමාදර්ශී වෙන්න ඕන කියල හැමෝම හිතනවා. එහෙම නං, එහෙම හිතන මිනිස්සු, එවැන්නන් සහ එවැනි කණ්ඩායම් වෙනුවෙන් පෙනී හිටින්න ඕන. කෝ ඉතිං එහෙමත් නැහැ!
අපි වැරදි කරන්නං, ඒත් උඹලා ට බැහැ! කියල තමයි ඒ අති බහුතරයට හිතෙනව ඇත්තෙ. 
අනිත් පැත්තෙන්, එවැනි මිනිස්සුන්ට සහ කණ්ඩායම් වලට තම අරමුණ සාර්ථක කර ගන්න නං විශාල කැපකිරීම් සහ දැරීම් කරන්න වෙනවා. තම පුද්ගලික ඕනෑ එපාකම් පැත්තකට දාල සහ දැඩි කළමනාකරණයකට යටත් කරල ඔවුන් ට එක තත්ත්වයකම පවතින්න වෙනවා. ඉතිහාසය පුරාම එහෙමයි. 'දැරීම', දේශපාලනය තුළ අනිවාර්‍යයි. එහෙම නං එහෙම දරන මිනිස්සුන්ට මොකද වෙන්නෙ? ඔවුන් ට වග කියන්නෙ කවුද? ඔවුන්ගෙන් යැපෙන්නන් ට වග කියන්නෙ කවුද? ඊළඟට, එහෙම පවතින්න තිරණය කරන කෙනෙක්, තවත් අය ඒ සඳහා පෙළඹවිම මොන තරම් බරපතළ තත්ත්වයක් ද? එසේ පෙළැඹී තමා පසු පස එන අනුගාමිකයන් ට වග කියන්න අදාළ නායකයන් ට පුළුවං ද? ඒ සඳහා සූදානම සහ වගකීම කුමක් ද? අනෙක් අතට එවැනි පිරිස් විශ්වාස කරමින් වටා රැස්ව සිටින පොදු ජනතාව ගෙ පැවැත්ම...  
සංවාදය සංකීර්ණ නිසාම බරපතළයි! 
ලාල්කාන්ත සම්බන්ධ සිදුවීම මෙන්න මේ මහා සංවාදය ට අදළයි. ඒත් දැන් ඇහෙන්නෙ පේන්නෙ ඊට වඩා ඉතා පහළ මට්ටමේ කතා ටිකක්. විවිධ හේතු මත ජවිපෙ විරෝධී ස්ථාවරයක සිටින්නන්, ''අන්න තොපේ මහලොකු නායකයා, ලාල්කාන්ත හොදට දාලා වාහනේ එළවගෙන ගිහිං ගෑනු දෙන්නෙක් හප්පලා!'' වැනි කතා කියමින් තම ප්‍රීතිය ප්‍රකශ කරන විට, ජවිපෙ පාක්ෂිකයන් පෙරළා අහන්නෙ, අර තොපේ කපුවා දේවාලෙ ඇතුළෙ දාගෙන දැරියකට අතවර කරපු එක හොඳද? වගෙ කතා. ඇයි ජවිපෙ ට බොන්න බැරිද වගෙ ඒවත් අහනවා. වෙන පක්ෂයක කවුද නියෝජිතයෙක් මාධ්‍ය කැමරා ඉදිරියේ කෑගහල කිව්වා, ජවිපෙ දැඩි නීති මාලාවක් තියෙන පක්ෂයක්, ඒ නිසා ලාල්කාන්ත වහා පක්ෂයෙන් නෙරපා දාන්න ඕන! වගෙ කතාවකුත්. 
සමාජමාධ්‍ය ඔස්සේ එහා මෙහා වන එක පෝස්ට් එකකින් නං, ලාල්කාන්ත ට කියන්නෙ, බන්ධනාගාරය දින දහ හතරක විශ්ව විද්‍යාලයක් විදිහට, කාලයකට පස්සෙ වෙනස් අත්දැකීමක් කරගෙන ඉන්න ලු, රැඳවියන්ටත් ලාල්කාන්තටත් සුභ ගමන් ලු! 
මෙච්චර සිල්ලර සහ බොළඳ අදහස් හුවමාරුවක්?!
අනේ මන්දා!
මං කවුද? මට අවශ්‍ය මොකද්ද?
ඕන නං එහෙමත් යෝජිත සංවාදයට ප්‍රවේශයක් ගන්න පුළුවං!
CHAPA 
March 3, 2019