Saturday, April 30, 2016
Wednesday, April 27, 2016
මැයි දිනය සමරන්න පටන් ගන්නෙ, 1886 ඇමරිකාවෙ, චිකාගො හි හේමාර්කට් චතුරශ්‍රයෙ සිදුවුණු පාලක කම්කරු ගැටුමක් මුල් කරගෙන. එත්, කම්කරුව පිළිබඳ කතිකාව 14 වැනි සියවස පහුකරගෙනත් ආපස්සට යනව, ඒ එදවස මහා බ්‍රිතාන්‍ය හැදෙන පොළොවෙ.ඊට පස්සෙ කම්කරුවා ගැන විද්‍යාත්මක විශ්ලේෂණය කරන්නෙ 19 වැනි සියවසේ මැද හරිය වෙනකොට කාල් මාක්ස්. ඔහු ලියන්න පටන් ගන්න 'දාස්කැපිටාල්' හෙවත් 'ප්‍රාග්ධනය' කෘතිය ධනේශ්වර නිෂ්පාදන සම්බන්ධතා තුළ කම්කරුවා සුරාකෑමකට ලක්වන ආකාරය විශ්ලේෂණය කරනව. එත්, ඒ විද්‍යාත්මක දේශපාලන සංවාදය වර්ධනය වෙමින් ඉස්සරහට එනව වෙනුවට, විවිධ ධනවාදී ව්‍යාපෘති සඳහා උපක්‍රමශීලී විදිහට යොදා ගැනෙනව. මේ අපි අද දවසෙ අත්විඳින්නෙ එහෙම මැයි සැමරුමක්. වඩාම භයානක දේ තමයි, දේශපාලන පක්ෂත් පෙරලගෙන රාජ්‍ය නොවන සංවිධාන නඩයක්, යෝජිත කම්කරු අරගලය අතට අරගෙන ධනවාදී වුවමනාවන් සඳහා ක්‍රමානුකුලව දියකරල දානව. කොහොම වුණත් මාක්ස් පෙන්වාදෙන විදිහටම, ප්‍රාග්ධන අයිතියක් නැති ශ්‍රමය ( බුද්ධිය?) පමණක් තියෙන, එය විකුණා පවතින කෙනා තමයි කම්කරුව, එත් අපිට ඒ වග තේරෙන්නේ නැහැ, අපිට දැනුම නැති නිසාම, අපි කීයටවත් පිළිගන්නෙ නැහැ අපි කම්කරුවො කියල, එහෙම වෙන කට්ටියක් ඇති කියල අපි හිතනව. එතකොට මේ සටන අපේ නෙවයි, වෙන කට්ටියකගෙ! ඔය අතරෙ, විදේශ රැකියා වෙළෙඳපොළක් ලංකාවට හැදෙන්න පටන්ගන්නෙ1977 සිදුවන ආර්ථික පෙරළියත් එක්ක. එය ඉතාමත්ම අයහපත් විදිහට මැද පෙරදිග කලාපයට සීමාවෙලා, ලංකාවෙ එක සමාජ තීරුවකට බරපතල අර්බුදයක් නිර්මාණය කරලා තියෙනව - විශේෂයෙන්ම එහි ගෘහ සේවයට යන කාන්තා ප්‍රවාහයක් නිර්මාණය වීමෙන්. ලිංගික හිංසනය ඇතුලු අසාමාන්‍ය වධ බන්ධනවලට ලක්වන ඒ අති බහුතරය රටේ ආණ්ඩු කරවන්නන්ගෙවත්, බොරු කම්කරු සටන් පාට කියන අයගෙවත්, පොදු ජනයාගෙවත් අවධානයට තවම යොමුවෙන්නෙ නැහැ. කම්කරු කතා පැත්තක තියෙද්දී, එසේ මැදපෙරදිග ගොදුරු බවට පත්වන්නන්ට අවම මිනිස් අයිති වාසිකම්වත් නැති මොහොතක තමයි, අපි මේ කම්කරු කතා කියා කියා මැයි දිනයක් සමරන්න හදන්නෙ! CHAPA
Sunday, April 24, 2016
Friday, April 22, 2016
අමුතු මිනිස්සු!
යුරෝපා රටක ඉන්න එක්කෙනෙක් මීට මාස කීපයකට කලින් එහෙම කතා කර කර ඉඳල ලංකාවට ඇවිත් මාව හම්බ වෙන්නම ඕනි කිව්ව. පෙරැත්තය නිසාම අපි හම්බ වුණා, කොළඹ Arcade - Independence Square කෙළවරක දී, පැයක් විතර කතා කරල දිගටම ඔහු කිව්වෙ මට පක්ෂයකින් චන්දෙ ඉල්ලන්න කියල. අන්තිමට ඊට විරුද්ධ මගෙ කතා අහල, මට ඔබේ ස්ථාවරය තේරෙනව...අපි අනිවාර්යයෙන්ම මොනවහරි කරමු! කියල වෙන් වුණා. ඊට පස්සෙ ඒ මුණ ගැහීම ගැන comment එකකුත් දාල අතුරු දහන් වුණා. ටික කාලයකට පස්සෙ දුර කථනයෙන් කතා කරල මෙහෙම කිව්ව; ඔබ කිව්වනෙ ඔය සංවාදය ඉස්සරහට ගෙනියන්න තව අලුත් media ඕනෙ කියල, ඔබ තුමා පිට රට ඉන්න අයගෙන් රුපියල් දාහ ගණනෙ වගෙ ඉල්ලන්න, ඒ සල්ලි වලින් media එකක් පටන් ගන්න පුළුවං! චි: ඒ මොන වැඩක්ද? මම නං ඒ වගෙ වැඩ කරන්නෙ නැහැ!! මම එහෙම කිව්වම, ඇත්තද? කියල ඔහු කතාව නැවැත්තුව, එච්චරයි, ආයෙ නං කතා කෙරුවෙ නැහැ. තව එක්කෙනෙක් යුරෝපයෙ රටක ඉඳල ඒ දවස්වල නිතර වගෙ කතාකරනව ලංකාව හදන හැටි. ඒ මැද්දෙදි අඬනව, ඔබ තුමාගෙ වැඩසටහන් බලනකොට මගෙ ඇඟට මොකද්ද වෙනව කියා කියා. ටික දවසකින් ඔහුම කිව්ව, වැරදියට හිතන්න එපා, මම මේ චුට්ටක් ගන්න ගමන්! කියල. එතකොටයි මට තේරුණේ, එයා බොන ගමන් මාව තමයි බයිට් එකට ගන්නෙ. ඉතිං, මම ඒ නොම්මරය මතක තියාගෙන ඉඳල ප්‍රතිචාර දක්වන්නෙ නැතුව හිටිය. දැන් නං කතාවක් නැහැ, වෙන මොකක් හරි බයිට් එකට හම්බවෙලා ඇති. තව මිත්‍රයෙක් මට කිව්ව, ඔබ තුමා මෙහාට එන්න සංචාරයක්! අපි වියදම් දරන්නං, අපි විමල් වීරවංශවත් ගෙන්නුව කියල. ' මම නං පිටරට එන්න බලාපොරොත්තුවක් නැහැ! ඔය එක එක්කෙනා ගෙන්නන්න බොරුවට සල්ලි නාස්ති කරන්නත් එපා! අපිට පුළුවං නුතන තාක්ෂණය හරහා සාකච්චා කරන්න, කට්ටියක් ලෑස්ති කරල...ලොකු screen එකකට skype හරහා මාව සම්බන්ධ කරන්න, අපි කතා කරමු, ඒ සාකච්චාව record කරල YouTube දාමු!' මම කියාගෙන ගියා. මගෙ උනන්දුව තේරිල ඔහු පොරොන්දු වුණා ඒ සතියෙම දවසක එහෙම වැඩක් සංවිධානය කරනව කියල. එච්චරම තමයි, දැන් මාස ගණනාවක්, එක නං නිකං fun එකට වගෙ කියන්න ඇති කියමුකො! ඒත් දවසක්, ඒත් අවුරුදු විසි ගණනක් යුරෝපා රටක වැඩකරනව කියන කෙනෙක් මට දුර කථනයෙන් කතා කරල කිව්ව, මම ඔබ තුමා කියන දේවල් සෑහෙන්න අහන කෙනෙක්, වැඩසටහනක් මිස් වුණත් කොහොම හරි හොයාගෙන බලනව, ලංකාවට ආපු ගමන් අනිවාර්යයෙන්ම හම්බ වෙන්න ඕනෙ කියල. මම අර තේරුමක් නැති මුණ ගැහීම් ගැනත් කියල, මේ මුණ ගැහීමත් තේරුමක් නැති වෙයි කියල කිව්වත් මගෙ හිත වෙනස් කරන්න ඔහුට පුළුවං වුණා. බත්තරමුල්ලෙ 'සෙන්සාල්' එකේදී ඔන්න ඉතිං අපි හම්බ වුණා. ඔහු, තමන්ට යුරෝපයෙ තියෙන හැකියාව ගැන සෑහෙන දේවල් විස්තර කෙරුව. 'ඔබ තුමා ඔය ඉස්කෝලෙ ළමයින්ට වැඩ සටහන් කරන එක නියමයි! අපි අනිවාර්යයෙන්ම මොනවහරි කරමු!' ජන සමාජය දැනුමෙන් සන්නද්ධ කළ යුතු බවත් පාසැල් යන අලුත් පරම්පරාව අතිශය වැදගත් බවත්, මම කියනකොට, ඔහු දැඩි හැගීමකින් කිව්ව. ඊට පස්සෙ, ඔහු හෝමාගම ප්‍රදේශයෙ විදුහලක විදුහල්පතිවරයෙකුගෙ දුරකථන අංකයක් දීල සම්බන්ධ කරගෙන ළමයින්ට වැඩසටහනක් කරන්න කියල කිව්ව, ඔහු ඒ විදුහල්පතිවරයට කතාකරල තියෙන්නෙ කියලත් කිව්ව. 'එතකොට කව්ද මේක සංවිධානය කරන්නෙ ? ළමයින්ට refreshment එකක්..එතකොට මේ වැඩ සටහන අඩුම තරමෙ video කරල YouTube එකට දාල තව ප්‍රයෝජනයක් ගන්න..වැඩසටහන කරන්න අවශ්‍ය sounds, screen එකක් වගෙ දේවල්..??' ඔහුගෙන් එහෙම මොකුත් කතාවක් නැහැ, ඇහුවට මොකුත් කියන්නෙත් නැහැ, ඉතිං මම ඒ විදුහල් පතිවරයට කතා කෙරුවෙ නැහැ. අය්යෝ! කතා කෙරුවේ නැද්ද? මම හිතුව කතා කරලා වැඩේ කරයි කියල, අපරාදෙ! මම අනිද්ද ආයෙත් රට යනව, පස්සෙ දවසක බලමුකො නේද!' ඔහු ඒ ළගම දවසක දුරකථනයෙන් කතාකරල කම්පා වුණ, ආයෙත් කතා කෙරුවෙත් නැහැ හැබැයි. තව එකම එක සිද්ධියක් කියන්නංකො, කොච්චර අත ඇරල වගෙ හිටියත් ආයෙත් මේ ළඟදි කෙනෙක්ව හම්බ වෙන්න මගෙ හිත වෙනස් වුණා. ඔහුත් යුරෝපයෙ බර කාලයක් ඉන්න කෙනෙක්ලු! දිනපොතක ප්‍රශ්න වගයක් ලියගෙනම ආව අහන්න, මගෙ උත්තර ඔහු පටිගත කෙරුව, බොහොම සීරියස් විදිහට තමයි ඇවිදින්නෙත්, 'මමත් ඔබ තුමා වගෙ, ජීවිතය තේරුම් අරං තියෙන්නෙ, මේ සමාජය වෙනුවෙන් මමත් සැහෙන දේවල් වගයක් කරනව! එහෙම කියපු ඔහු ලොකු වැඩ වගයක් plan කරනවා කියල ගියා, ඊට පස්සෙ ඇමතුමක් දෙකක්, ඊටත් පස්සෙ ring cut එකක්. එච්චරයි!
ඔය අතර, මේ දැනුත් අර කලින් කියපු ක්‍රම වලට කතා කර කර ලංකාවට අපු ගමන් හම්බ වෙන්න ඕනෙ කියන තවත් කීප දෙනෙක්ම ඉන්නව. ඉස්කෝලෙ ළමයින්ට වැඩ සටහන් කරන්න, අලුත් සංවිධාන හදන්න, නුතන තාක්ෂණය හරහා රටවල් අතර රැස්වීම් තියන්න, media හදන්න, පත්තර පටන් ගන්න..ඒ හුඟක් යට ඕනෙලු! මම මේ කර ඇර ඇර ඉන්නෙ, හිත වෙනස් වෙලා ඒ කාව හරි හම්බ වුණොත් එහෙම කියන්නනංකො! හැබැයි ඔය පිටරට ඉන්න යමක් කරන්න පුළුවං සිංහල - සිංහල කියල කෑ ගහන අයටයි මේ කියන්නෙ! වැඩක් කරන්න ඕනෙ විදිහ දෙමළ ඩයස්පෝරාවෙන්වත් ඉගෙන ගන්න!! CHAPA
Thursday, April 21, 2016
Wednesday, April 20, 2016
Tuesday, April 19, 2016
' අපි මේ රටේ මාධ්‍යය නිදහස අගය කරනව, කොහොමත් අපි පෙනීහිටින්නෙ ප්‍රජාතන්ත්‍රවාදය වෙනුවෙන්...ඒ නිසා ඔන්න අපි විද්‍යුත් මාධ්‍යය නියාමනය කරන්න, ස්වාධීන විකාශන අධිකාරියක් පටන් ගන්නව..මේක මේ බලධාරියෙක් යටතෙ මාධ්‍ය පාලනය කරන්න එහෙම නෙවෙයි, නියාමනය කරන්න..කොහොමත් මේක ආණ්ඩුවේ වැඩක් නෙවෙයි..' ජනමාධ්‍ය නියෝජ්‍ය අමාත්‍ය කරුණාරත්න පරණවිතාන, මද සිනහවෙන් මුව සරසාගෙන කියන්නෙ ඔහොම කතාවක්නෙ!? මාධ්‍යයටත් ඉතිං මේව ඇත්ත! ඇත්තටම මේ පරණවිතනලා තමයි අන්තිම භයානක, මර්වින් සිල්වා කියනකොට, විජිත් විජිතමුනි සොයිසා කියනකොට, නිශාන්ත මුතුහෙට්ටිගමගෙ කියනකොට...සාමාන්‍ය ජනයාට (?) පවා තේරෙනව, එත් කරුණාරත්න පරණවිතාන වගෙ අයව පොදු ජනයාට(?) ලේසියෙන් අහුවෙන්නෙ නැහැ, නිකං උගත් - වැදගත් - ගරුකටයුතු...වගෙ තමයි පේන්නෙ. ජනමාධ්‍ය මර්දනයට ආණ්ඩුව සුදානම් වෙන එක පරණවිතාන ජනමාධ්‍යයටම ඇවිත් කියනකොට මාධ්‍යයටත් නිකං fun වෙන්නෙ එහෙමයි. ලංකාව ගමන් කරමින් ඉන්න දිශාව අනුව, ප්‍රජාතන්ත්‍රවාදය - සමාජ යුක්තිය - මානව හිමිකම් - මාධ්‍ය නිදහස...මේවා නිකං විහිළු කතා! සිද්ධවෙන්නෙ, ආණ්ඩුව පියවරෙන් පියවර ජනයා පීඩාවට පත්කරමින් වර්ධනය වන වෙළෙඳපොළට පහසුකම් සලසා දෙන එක. බලන්න! මේ මාධ්‍ය මර්දනයට පදනම් කර ගන්නෙ යෝජිත තොරතුරු දැනගැනීමේ පනත. අවශ්‍ය නීති සම්පාදනය කරන්නෙ ඒ පනත සම්මත කරගත්තට පස්සෙලු! ඒ තමයි ඇත්ත!! හොඳට අහන්න ඔවුන්ගෙ ප්‍රකාශ, පරණවිතාන කියනකොට මේක මේ ආණ්ඩුවෙ වැඩක් නෙවෙයි කියල - ජනමාධ්‍ය ප්‍රතිව්‍යුහගතකිරීම පිළිබඳ ලේකම් කාර්යයාලයෙ සභාපතිවරය කියනව, ස්වාධීන පොලිස් කොමිසම, ස්වාධීන රාජ්‍යසේවා කොමිසම වගෙ ස්වාධීන ව්‍යුහයක්ලු මේ! අදාළ පත්කිරීම් ඒ වගෙ ස්වාධීනව කෙරෙන්නත් ඕනලු!! ඔය කියන සියළු කමිෂන් සභා පත් කෙරෙන්නෙ ආණ්ඩු ක්‍රම ව්‍යවස්ථා සභාවෙන්, එය කිසිසේත්ම ස්වාධීන එකක් නෙවෙයි. ඒ ගැන අපි දැන් ඇති තරම් කතා කරල තියෙනව. තමන් මේ කියන්නෙ පට්ටපල් බොරු කියල පරණවිතනල දන්නව. ඔවුන් මේ දේවල් කරන්නෙ තමන්ගෙ පැවැත්මට. මේ ආයතන පිහිටුවන්න පිහිටුවන්න මේ වගෙ රැළකට මහා වරප්‍රසාද ගොඩක් එක්ක රස්සා ලැබෙනව - මහජන දේපොළ කබසීනියා කෙරෙනව. ණය බර වැඩිවෙලා අය වැය පරතරයත් වැඩි වෙනව. දුප්පත්කම වැඩිවෙනව, රට ඉවර වෙනව, ඒ අතරෙ දවසක ආයෙත් නැගිටින්න බැරිවෙන්නම රටේ මර්දන යාන්ත්‍රණය මේ අත්වලින්ම සකස් කෙරෙනව. ඉතිං මිත්‍රවරුණි! මේ පරණවිතානලගෙ බොරු වැදගත් පෙනුමට රැවටෙන්න එපා! මේ තත්වයන්ට එරෙහිව හිට ගන්න!! හැබැයි හෙට නං පමා වැඩිවෙන්න පුළුවං!!! CHAPA
ඉනෝකා සත්‍යාංගනී දුරකතනයෙන් ඇහුව. ඒ, පහු ගිය මහා මැතිවරණය කිට්ටුව දවසක්. ' නැහැ! මම කවදාකවත් කිසිම පක්ෂයකට වැඩ කරන්නෙ නැහැ! ඡන්දය දාන්නෙත් නැහැ!!' මම කියාගෙන ගියා.
' එහෙමනං හරි! මං වගේම තමයි, අපිට ඕනෙත් එහෙම ස්වාධීන කට්ටිය!!' ඇය විශ්වාසනීය විදිහට කිවුව. ඊට පස්සෙ ඇය මෙහෙම විස්තරයක් කෙරුව;
' අපි මේ දවස්වල විද්වත් හමුවක් සංවිධානය කරගෙන යනව, කිසිම පක්ෂයකට නැති අය තමයි එකට එන්නෙ, චපාත් එන්න..' ඉතිං මම ගියා. තැන, ඇතුල් කොට්ටෙ හන්දියට කිට්ටු බෙනට් රත්නයකගෙ ගොඩනැගිල්ල. කීප දෙනෙක් ඒ වෙනකොටත් ඇවිත් හිටිය, ඉනෝකත් හිටිය. දන්න අය අතරෙ, මොහාන් රාජ් මඩවල, නවරත්න ගමගෙ..හිටිය. ' මල්ලි කවුද?' බෙනට් ගැඹුරු බැල්මක් එක්ක මගෙන් ඇහුව.
මට ඉතිං තව දුරටත් නිහඬව ඉන්න බැහැ!
මම ටිකක් උස හඬින් මෙහෙම කියන්න පටන් ගත්ත, 'මං හිතන්නෙ...මම ඇවිල්ල ඉන්නෙ වැරදි තැනකට..මම මෙතන ඉන්න එක සාධාරණ නැහැ, මම මේ කණ්ඩායමට අයිති නැති නිසා, ඉනෝකා කිව්වෙ ස්වාධීන විද්වත් හමුවක් ගැන...ඒ නිසා මම යනව..' මම නැගිට්ට. ' අපිට ඉතිං බොරු කියන්න බැහැනෙ...අපි රනිල්ට තමයි මේ කැම්පේන් එක කරන්නෙ..හරි! චාපා ගෙ මතය අපිට කියල යන්නකො..' බෙනට් සුහද හඬකින් කිවව.
' ම්ම්ම්..මගෙ අදහස වෙනස්...අපිට රටක් හැටියට ගොඩ එන්න ඇත්ත විද්වත් කතිකාවක් ඕනෙ, මේ එක එක දේශපාලන නායකයො අල්ලගෙන ඒක කරන්න බැහැ, ඇත්තටම...මේ..හර්ෂල ගැන..නවරත්න ගමගේලා ගැන මට තියෙන්නෙ කණගාටුවක්...මේ අයට ලොකු බලයක් තියෙනව, අපි රට හරි දිශාවට තල්ලු කරන ජනතා බලවේගයක් ගොඩ නගන්න ඕනෙ..මම පෙනී හිටින්නෙ ඒ වෙනුවෙන්...'
එහෙම කියාගෙන ගිය මං එතනින් එන්න අවා. අපි මේ මොනවද කරමින් ඉන්නෙ!?
මම මේ තවම කල්පනා කරනව.
CHAPA
Monday, April 18, 2016
මැයි මාසය පටන් ගන්නකොටම ජනයාට බදු බර වැඩි වෙනව!
ආණ්ඩුවෙ ආර්ථික විශේෂඥයො ජනයා මත බදු බර පටවන්න හැදුවොත් ඒකට මම ඉඩ දෙන්නෙ නැහැ කියල ජනාධිපති මෛත්‍රී ඔය කියන්නෙ බොරුවටද, නොතේරෙන අහිංසක කමකටද කියල දැන්ම කියන්න බැහැ.ඒක අපි පස්සෙ බලමු! එත්, මේ බදු වැඩිවෙන්නෙ ජාත්‍යන්තර මුල්‍ය අරමුදල එක්ක ගිවිසුම්ගතව ආණ්ඩුව ආයෙත් ණය ගන්න හදන නිසා.
'..meeting with the IMF director Minister emphasized the urgent need for increasing government revenue and simplifying country's tax administration with tax reforms...'
මේ, මුදල් අමාත්‍ය රවී කරුණානායක, ජාත්‍යන්තර මුල්‍ය අරමුදලෙ කළමණාකාර අධ්‍යක්ෂ Christine Lagarde සහ ලෝක බැංකු කළමණාකාර අධ්‍යක්ෂ Sri Mulyani Indrawati සමග සාකච්චා කරන වෙලාවෙ, යෝජිත බදු සංශෝධනය ගැන අවධාරණය කරන විදිහ. 2016 පෙබරවාරි 16, මේ, රැස්වීම වාර්තා කරන NEWS,lk නිල වෙබ් අඩවිය තව දුරටත් මෙහෙම සටහන් කරනව;
'..discussions will continue in the context of the next regularly scheduled post - program monitoring mission led by Todd Schneider..'
මේ කියන්නෙ, හරියටම ජාත්‍යන්තර මුල්‍ය අරමුදල ලංකාවෙ ආර්ථිකය හසුරවන විදිහ. අපේ ජනාධිපති, අගමැති, මුදල් ඇමති..නිකම්ම නිකං රුකඩ විතරයි. හර්ෂලා හොඳයි උසස් පෙළට ආර්ථික විද්‍යාව උගන්නන්න වගෙ වැඩකට. මහ බැංකුවෙ හිටපු කබ්රාල්, දැන් ඉන්න මහේන්ද්‍රන් වගෙ අයට කරන්න අමුතු දෙයක් නැහැ. ටොඩ්ලට අත් උදවු කරන්න විතරයි ඔවුන්ට තියෙන්නෙ,
මේ ආර්ථික ඝාතකයො!
ජාත්‍යන්තර මුල්‍ය අරමුදල කියන්නෙ ලෝකයම ගිල ගන්න හදන බිහිසුණු මෝරෙක්, ලෝක බැංකුවත් එහෙමයි, මේ යථාර්තය තේරුම්ගන්න බැරි අපේ මෝඩ බබාල කුමන්ත්‍රණ න්‍යායක් ගැන කියා කියා මෝඩ චුන් එකක් ගන්නව.
මතක තියාගන්න! අර්බුදය, මහින්ද, මෛත්‍රී , රනිල්..මේ හැමෝටම ඉහළින් වර්ධනය වෙමින් අපිව ටික ටික ගිල ගන්නව!
CHAPA
හැටි තමයි අපි සංවාදයට ගන්න ඕනෙ, එත් ඒක කොහොම කරන්නද? CHAPA
Sunday, April 17, 2016
Saturday, April 16, 2016
අපි සාකච්චා වට ගණනාවක් ඉතාමත්ම සාර්ථක විදිහට කරගෙන ගියා අවුරුද්දකට වඩා වැඩි කාලයක්.. එය වෙනස්ම අත්දැකීමක්, ඒ ගම්මානවල තාමත් තියෙන්නෙ පල්ලියෙ හෙවනැල්ල, ඒ හරහා ඔවුන් මානසිකව එක තැනකට කොටු කරල. ධීවර කර්මාන්තය සංවර්ධනය කරන්න අමාත්‍යංශ ඇතුළු ආයතන කිහිපයක් තිබුණත් ධීවරයන්ට ඒවායින් දැනෙන සේවයක් වෙන්නෙ නැහැ, ඒ මදිවට NGOs ව්‍යාපෘති! ඉතිං අපි කොච්චර සාර්ථක විදිහට මිනිස්සු එක්ක යම් ගොඩනැගීමක් කෙරුවත් එක මොහතකින් අනිත් පැත්ත හැරෙන්න ඉඩ කඩ වැඩයි. අන්තිමට බලනකොට ඒ මතකය හැර මොකුත්ම ඉතුරු නැහැ වගෙ, ඒ, මිනිස්සුන්ගෙ ප්‍රශ්නයක් වුණාට වගකියන්න ඕන රටේ පාලකයො - හැබයි පාලකයො එන්නෙත් ඒ අතරින්. ඒ සංවාදය තවම එහෙමමයි! ඒ අතර මඩු කුමාරි වහල යටට තවමත් ඉරිදාවට ඒ මිනිස්සුයි තව මිනිස්සුයි එකතු වෙනව ඇති. මුහුදෙ රළත් ඒ විදිහටම හඬ නගනවා ඇති! CHAPA
Thursday, April 14, 2016
සමාජය මේ මුහුණ දෙන මහා අර්බුදයෙන් ගොඩඑන්න නං වේගයෙන් සහ විධිමත්ව දැනුම වර්ධනය කරන්න ඕනෙ, එය දේශපාලන අර්ථයෙන් අඛණ්ඩ මැදිහත්වීමක්, 2013 - 2014
කාලයෙදී, වෙන්නප්පුව, තල්දෙක විද්‍යාලයෙදි මේ ගන්නෙ එහෙම උත්සහයක්, ශිෂ්‍ය ශිෂ්‍යාවො ඒ වැඩ සටහන් වලට සහභාගී වුණේ පුදුම උනන්දුවකින්, පාසැල ඇතුළෙත් ඒ අවටත් සෑහෙන
වෙනසක් ඇතිවෙන්නත් පටන් ගත්ත, එත් එහෙම වැඩ දිගටම කරන්න ඉඩ නොදෙන බාධක කොයි තරම්ද? මම තවම කල්පනා කරනවා, ඒ බලාපොරොත්තු සහගත ළමා මුහුණු සංවාදය මැද්දෙ විකසිත වුණ හැටි!
තැනක අපි හිරවෙනවා! ඒ කොතැනද?
CHAPA
Monday, April 11, 2016
කෘෂිකර්ම අමාත්‍යංශය, රුපියල් මිලියන 21 ක මාසික කුලී පදනම මත, රාජගිරියෙ නව ගොඩනැගිල්ලකට ගෙන එන බව මාධ්‍ය ඔස්සෙ අනාවරණය වෙනවා.මේ ගොඩනැගිල්ල අයිති, උපාලි ජයසිංහ සහ සබීතා පෙරේරා ට අයත් DP Jayasinghe Group එකට. හෙළිදරවු වන විදිහට මේ තීරණය සහ සැලැස්ම, කෘෂිකර්ම අමාත්‍ය දුමින්ද දිසානායකගේ. කෘෂිකර්මාන්තය නැත්තටම නැතිකරන, විශේෂයෙන්ම වී ගොවිතැන විනාශ කරමින් ඉන්න මේ පාලකයො මේ කරන්න හදන මහා ආර්ථික අපරාධයට කාටද වගකියන්න පුළුවන්? මේ මහා මුදල් කන්දරාවෙන් මේ රටේ ගොවිතැනට - ගොවියන්ට මොනතරං දේවල් කරන්න පුළුවන්ද ? වකුගඩු රෝගයට ගොදුරු වූ අසරණ ගොවියන්ට සහන ලබා දෙන්න, ඒ දරු පවුල් වලට යමක් කරන්න, වස විස වලින් මේ පොලව බේරගන්න පර්යේෂණ කරන්න...තව කොච්චර දේවල් කරන්න පුළුවන්ද? ඒ වගේම, කෘෂිකර්ම අමාත්‍යංශය තියෙන්න ඕන කොළඹ නෙවෙයි රජරට, අනුරාධපුරය හෝ පොළොන්නරුව වගෙ ප්‍රදේශයක! මේ එක සිද්ධියක් විතරයි. ගෙවී ගිය දශක කීහිපය පුරා රජයෙ ආයතන පවත්වාගෙන යන්න මේ විදිහට කොච්චර මුදල් කාබාසීනියා කරනවා ඇද්ද? දරාගන්න බැරි තරං මහා අය වැය පරතරයක් තියෙන මේ රටේ, උහුලන්න බැරි තරං ණය ගන්න මේ රටේ, පාලකයන්ට මෙහෙම පිස්සු කෙළින්න දෙන්න ජනයා හැටියට අපට පුළුවන්ද? දැන් ඉතිං අහන්න එපා, මහින්දගේ කාලෙ ඕව සිද්ධ උනේ නැද්ද කියල. කාගෙ හරි කාලයක, රටට උහුලන්න බැරි මේ ආර්ථික විනාශයන් කරන එක නවත්තන්න ඕනෙමයි! එත්, ඒ කොහොමද? මෙහෙම ගියොත් ලංකාව නැත්තටම නැතිවෙලා යන්න වැඩිකල් යන්නෙ නැහැ!CHAPA
Saturday, April 9, 2016
ලංකාව පිහිටා තියෙන්නෙ සුමාත්‍රා කම්පන කළාපයට වැඩි ඈතකින් නෙවෙයි, ඒ නිසාමත් මේ මුහුද මහා පරිමාණයෙන් හාරන එක අන්තිම භයානක ප්‍රතිඵල ගෙන දෙන්නක් වේවි. එත් කාටද දැන් මෙය නවත්තන්න ඕනෙ ? කාටවත් ඕන නැහැ. බැසිල් ප්‍රමුඛ රාජපක්ෂ ආණ්ඩුව, විල්පත්තු - කල් ආරු වන විනාශය පටන් ගන්න එදා බදුර්දීන්ට ඉඩ හදල දුන්න, මෛත්‍රී - රනිල් ආණ්ඩුව අදත් ඒ වැඩේට ඉඩ දීල තියෙනවා. සාගර නගර ව්‍යාපෘතිය පටන් ගන්නෙ රාජපක්ෂ ආණ්ඩුව, විමල්ලා තවමත් ඒ වෙනුවෙන් පෙනීහිටිනවා. මහින්ද, ලංකාව චීනයට විකුණනවා කියල බලය අතට ගත්ත මෛත්‍රී - රනිල්..දැන් චීනයට ගිහිං සාගර නගරය ඉදිකරන්න කියල අඬනවා - මොකද්ද මේ රට? දැන් කෝ අර පරිසර සංවිධාන? ඒවා ඔක්කොම NGO projects! බොරුවට ප්‍රශ්න හදල කෑගහල ඇත්ත ජන විරෝධයක් එන්න තියෙන ඉඩ අහුරල තක්කඩි විදිහට ඒ වැඩ ටික කෙරෙන්න අරිනවා. අපි දැන් මොකද්ද කරන්නෙ ? CHAPA
Friday, April 8, 2016
Thursday, April 7, 2016
Monday, April 4, 2016
ඒක ලොකු ප්‍රශ්නයක්!
කට්ටියක් මේ තියෙන විදිහ යහපත් කියල හිතනවා, කට්ටියක් ඊට විරුද්ධව උද්ඝෝෂණය කරනවා, කට්ටියක් විකල්පය තියන්නේ අපි ළඟ කියල විශ්වාශ කරනවා, කට්ටියකට මේ එකක්වත් වැඩක් නැහැ. තරුණ පරම්පරාවක් වැඩිහිටියෝ වෙනවා, වැඩිහිටි පරම්පරාවක් යන්නම යනවා, අලුත් පරම්පරාවක් එනවා, මේ චක්‍රය දිගටම ක්‍රියාත්මක නිසා අවසානයක් නැහැ! එත්, මේ මොහොතට අදාළව අපිට එකතුවෙලා, වඩා යහපත් පැත්තකට සමස්ත සමාජය තල්ලු කරගන්න මොනවද කරන්න පුළුවන්? දේශපාලන පක්ෂ ඇතුළෙ - එළියත් එක්ක ගලප ගන්න පුළුවන් සංවාදයක් නැහැ, උගත් කියන, බුද්ධිමත් කියන සමාජ තීරුව ඉන්නේ එක එක අරමුණු වල, ජනමාධ්‍ය ලාබ ලබන ව්‍යාපාරයක් විතරයි. පොදු ජනයාට තමන්ගේ පැවැත්ම හැර වෙන දේවල් ගැන හොයන්න ඉස්පාසුවක් නැහැ.ධනවාදය ඇතුළෙ කොහොමටවත් හිතන්න පුළුවන් මිනිස්සු හැදෙන්නේ නැහැ. උත්තරය සමාජවාදය වගේ පෙනුනට, තවමත් එය ලෝකයේ ප්‍රයෝගික ඇත්තක් නෙවයි. ප්‍රශ්නය මේකයි! ලෝකයට මෙහෙම දිගටම පවතින්න බැහැ, එන්න එන්න අර්බුධ වැඩිවෙනවා, ජෛවගෝලය ඇතුළෙ මානව ශිෂ්ටාචාරයත් බරපතළ අභියෝගයකට ලක්වෙමින් තියන්නේ! අපි හිතාගන හිටියට තනියෙන් ගොඩදාගන්න පුළුවන් අර්බුධයක නෙවයි අපි හිරවෙලා තියන්නෙ! විසඳුම් හොයන්න කලින් පවතින තත්වය පැහැදිළිව කියවගන්න බලමු!? චාපා
Sunday, April 3, 2016
MEDIA?! ඊ ළගට කරන්න ඕන මොකද්ද?
සමාජය වඩා යහපත් තැනකට ඔසවා තබන්න පුලුවං සංවාදයක් ඇතුළෙමයි. හැදැරීම, අත් හදා බැලිම, ප්‍රශ්න කිරිම, පිළිතුරු සෙවිම...මේ හැම දෙයකටම විවෘත මනසක් ඕනි. ඇත්ත උවමනාවක් තියෙන්නත් ඕනි. ඒ සදහා 'අප තුළමත්' සංවාදයක් තියෙන්න ඕනි. යහපත සදහා වන සමාජ පරිවර්තන අවම වෙලා තියෙන්නෙ අපි පොදුවේ සංවාදය ට සුදානම් නැති නිසයි. පක්ෂ
න්‍යාය පත්‍ර, NGO ව්‍යාපෘති වෙළෙඳ ව්‍යාපෘති, පුද්ගලික න්‍යාය පත්‍ර, මඩ ගැසිම්, හුදු වචන හරඹ...මේ සංවාදයක් නෙවෙයි. MEDIA කරන්නෙ විකුණන එක. ඒවා වෙළෙඳ කටයුතු. මේ සියල්ල මැද්දේ සංවාදය ගොඩනැගෙන්නෙ කොහොමද?
මගෙ පුද්ගලික අත්දැකීම මෙහෙමයි; ජනප්‍රිය මාධ්‍ය වල පෙනි හිටින කොට පොදුවේ මිනිස්සු මාව පිළිගන්නව. එක කට්ටියක් අහනව MEDIA වලට කඩේ යන්නෙ මොකද කියල.
ජනප්‍රිය MEDIA වෙනුවට පොදු ජනයා අතර වැඩ කරන්න පටන් ගන්න කොට JVP වගෙ පක්ෂ, තවත් කණ්ඩායම්, NGOs ඒ වැඩ අවුල් කරනව. ඒ ඔවුන්ගෙ කෙනෙක් නොවන නිසා. පොදු ජනයා අතරින් එන පොදු කියවීම වෙන්නෙ, දැන් මෙයාට MEDIA
වල තැනක් නැතුව ඇති වගෙ එකක්. පිළිගත් මට්ටමේ ආයතනයක් එක්ක මොකක් හරි වැඩක් කෙරුවොත්, මෙයා වැඩ කරන්නෙ ධනපතින්ට කියන මිනිස්සු 'නිදහස්' පත්තරේ අරගෙන තමන්ගෙ දොර කඩට
එන අපිව පිළිගන්නෙ නැහැ. ('නිදහස් 'කියන්නෙ Unilever සමගමේ මාබෝලේ කර්මාන්ත ශාලාවේ සේවකයෝ එළියට දාපු වේලවේ, සියලු MEDIA සමාගම පැත්ත ගත්ත වේලවේ, ඒ සේවක අරගලය වෙනුවෙන් 2001පටන් ගත්ත පත්තරයක් - 2001-2010 පුරා බරපතළ ආර්ථික අභියෝග මැද්දේ විවිධ ක්‍රියාකාරකම් සමග කරපු පත්තරයක්. හුගක් මාසවල unit cost එක 27/- 28/- වගෙ වෙද්දි දිගටම 20/- ට විකුණපුපත්තරයක් ) 'නිදහස්' අරගෙන අවුරුදු 10ක් පොදු ජනයා අතර වැඩ කෙරුවත්, පොදුවේ ජනයාට එහෙම සංවාදයක් ඕන නැති වග තේරුම් ගන්න වෙනව. ජේසුගෙ කතාවෙ, ජේසුට ඇණ ගහන්න හදන පාලකයා, එක දවසේ කුරුසෙ ඇණ ගහන්න නියමිත ජේසු සහ බරබ්බස් කියන මං පහරන්නා පෙන්නලා ජනයාට කියනව එක්කෙනාටයි ඇණ ගහන්නෙ කැමති කෙනා බේරගන්න කියල. ජනයා බේර ගන්නෙ බරබ්බස් ව. මේ පොදු ජන හැසිරිමත් - අදටත් වලංගුයි. ඉතිං දැන් අපි කරන්න ඕන මොකක්ද? fb ප්‍රමුඛ සමාජ මාධ්‍ය ජාලය ඇතුළෙත් අර කලින් කියපු වැඩ ටිකමයි පොදුවේ කෙරෙන්නෙ. ඊ ළගට කරන්න ඕන මොකද්ද? උත්තරයක් නැහැ ප්‍රශ්නයක් තියෙනව!? CHAPA
Friday, April 1, 2016
අගමැති තලගොයෙක් වෙන්නැතිලු! ජනාධිපති උගේ මැක්කෙක් වෙන්නැතිලු!!
ජාතක කතාවක් ඇසුරෙන් ඔහොම කියන්නෙ උඩුවේ ධම්මාලෝක හාමුදුරුවෝ. තමන් සිරගත කරපු එක ගැන තමයි මේ කියන්නෙ. මේ මොහොතේ යුක්තිය පසිඳලීමට මුවා වී දඩයමක් කෙරෙනව. දේශපාලනය, මානව විරෝධී විදිහට භාවිත කරමින් යටි අරමුණු ඉටු කර ගන්නයි ඒ. මේ හාමුදුරුවොත් ඔය දඩයමකට අහු වෙන්නැති. ඒක එක කතාවක්. යොජිත ප්‍රජාතන්ත්‍රවාදය එතැනදි විකෘතිය ක් වෙනව. හාමුදුරුවන්ගේ මේ හැසිරිමෙන් විකෘති වෙන්නෙ බුදු දහමේ හරය. බුදු දහම තම තමන්ගෙ වාසියට, සිවුරට මුවා වෙලා ප්‍රථමික තැනකට තල්ලු කිරිම ඒ ඊනියා දේශපාලකයන් සහ ඔවුන්ගේ දේශපාලන අවභාවිතයට ශක්තියක් නෙවෙයිද? දේශපාලනය සහ ඒ තුළ යුක්තිය වෙනමත් බුදු දහමේ ගැඹුරු හරය වෙනමත් සංවාදයට ගත යුතුයි!CHAPA
Subscribe to:
Posts (Atom)