Chapa on Kaluwara Eliya, Lakhanda fm 2015.08.08

What is SAITM at Malabe? CHAPA on Hiru Balaya, July 28, 2016, P1

   අපට යන්න බෑ!

මේ අහන්න!
අපිත් ආසයි ඔයගොල්ලො වගේම සතුටින් ඉන්න. අපේ කට්ටියත් එක්ක ගහෙන් ගහට පැන පැන ජීවිතය විඳින්න. අපි කිව්වාට තව කට්ටිය හුඟාක් ඉන්නවා. ලස්සන ලස්සන කුරුල්ලො, පාට පාට සමනල්ලු, ගොන්නු, මුවෝ, ඉත්තෑවො, දඬු ලේන්නු, ලේන්නු...බඩ ගාගෙන යන කට්ටිය, කුඹි වගෙ පුංචිම අය. එක එක විදිහෙ තව හුඟාක් සත්තු - අපි එකට ජීවත්වෙනවා. කොටියො, දිවියො, වලස්සු එහෙම නං දැන් දකින්නෙ ඉඳලා හිටලා...අලි ත් ඉස්සර වගෙ නැහැ කියලා වැඩිහිටි අය කියනවා.
අපේ සමහර අය තවත් සමහර අය එක්ක සටන් කෙරුවට, නිකං පුරුද්දට ගොදුරු කර ගත්තාට, අපි කාගෙවත් හිත්වල අනිත් අය ගැන තරහක් වෛරයක් නැහැ.  මේ කිසිම දෙයක් අයිති කරගන්න අපේ කාටවත් ඕන කමක් නැහැ. මේ වනාන්තර අපි හැමෝගෙම.
ඇයි ඉතිං ඔයගොල්ලො මේවා විනාශ කරන්නෙ?
අනේ! මොන හිතින්ද එහෙම කරන්නෙ ?
ඔයගොල්ලො හරිම නපුරුයි!
අපිට එන්න යන්න ඉන්න තැන් දැන් හුඟාක් අඩුයි. ඔයගොල්ලො එකතුවෙලා, දවසින් දවස වනාන්තර විනාශකරනවා.  ඔයගොල්ලන්ට ඕන දේවල් හදනවා. මේ වනාන්තර මැද්දෙන් ගලාගෙන ගිය ගංගා ඇළ දොළ එහෙමත් දැන් අතුරුදහන් වෙන්න පටන් අරං. අනේ ඒවායෙ ඉන්න මාළුවො, එයාලත් එක්ක තවත් අය ඉන්නවා. අපි ඔක්කොම පව්!
ඇයි අපිට මෙහෙම කරන්නෙ?
ඔයගොල්ලො දන්නෙ නැති වුණාට අපේ කට්ටියයි මේ ගහ කොළයි අතර ලොකු බැඳීමක් තියෙනවා. ගහ කොළ මරා දැම්මොත් අපිත් මැරෙයි. අපිව මරා දැම්මොත් ගහ කොළත් මැරෙයි. ඔයගොල්ලො හිතන්නෙ එතකොට ඔයගොල්ලො බේරෙයි කියලා ද? නැහැ! අන්තිමට ඔයගොල්ලන්ටත් යන එන මං නැති වෙනවා.
අපිට දැනෙන විදිහට නං මේ මුළු ලෝකයම එකට පවතින්න ඕනෙ. හැම දෙයක්ම එකට එක බැඳිලා. එකක් අනිකෙන් වෙන් කරනකොට එකක්වත් පතින්නෙ නැහැ!
අනේ මේ ගැන ටිකක් හිතන්නකො! අපිට වඩා ඔයගොල්ලන්ට මොළේ තියෙනවානෙ.
අපේ සමහරු නං කියන්නෙ, මිනිස්සුත් අපේ නෑදෑයො කියලා. ඒක නං කීයටවත් වෙන්න බැහැ. බොරු කතාවක්. එහෙම නං අපිට මෙහෙම කරයි ද?
අපිට හුඟාක් දේවල් තේරෙන්නෙ නං නැහැ. ඒත් එක දෙයක් හොඳටම තේරෙනවා. ඔයගොල්ලො මේ දැන් හිතන්න පටන් ගත්තොත්, මේ ගහ කොළ වගේම අපිත් රැකෙයි. නැත්තං ඉතිං අපිට යන්න වෙනවා.
අනේ ඉතිං මේ ලස්සන ලෝකය දාලා අපි යන්නෙ කොහොමද?
අපට මෙහෙම කරන්න එපා!
අපි, එකම රංචුවක් වෙමු!
ඒ ගොල්ලො වෙනුවෙන්...
CHAPA
2017 මාර්තු 30  

Sri Lanka protests UNESCOs statement! 2007

INSIGHT Episode 20 - Mano Ganesan

Kumara Chapa Bandara at Ada Derana Biz 24x7

..to empower the Bank Officers, 2016...

සරත් ගමගේ සමඟ...

 සරත් ගමගේ, ඔබ වරින් වර අහන ප්‍රශ්න දැන් පිළිවෙළකට සහ විධිමත්ව අහන්න! යම් වෙලාවක් අපි මෙහෙම සාකච්ඡා කරමු! එහෙම නැත්තං අනිත් අයට අදහසක් ගන්න බැහැ, ඒ වගේම, මට ඔබව මග හැරෙනවා!
CHAPA
2017 මාර්තු 27

සරත් - හොදයි ඔබට මට කාලය ඇති පරිදි කරගෙන යමු.
චාපා -  මම සුදානම්!
සරත් - රට ගොඩගන්නෙ මෙහෙමයි!
1. ආණ්ඩුව, ඇත්ත ජාතික ආණ්ඩුවක් විදිහට ක්‍රියාකරනවා, ප්‍රජාතන්ත්‍රවාදය සහ සමාජ යුක්තිය සහතික කරනවා.
2. රටට අවාසි ගෙන දෙන ඊනියා - ඉදිරි සංවර්ධන ව්‍යපෘති සියල්ල නවත්තනවා.
3. පවතින තත්වය සමාලෝචනය කරනවා
4. අරගෙන තියෙන ණය කොන්දේසි නැවත විමර්ශනය කරනවා
5. රටට හානිකරන ඒ ණය කොන්දේසි වෙනස් කරගන්න පියවර ගන්නවා.
6. රාජ්‍ය නඩත්තු වියදම් සහ නාස්තිය අවම කරගන්නවා.
7. දෙස් විදෙස් ණය අවම කෙරෙන රටට අනන්‍ය කෙටි කාලීන සහ දිගු කාලීන වැඩ පිළිවෙලක් ක්‍රියාත්මක කරනවා, කෘෂිකර්මාන්තය ජාතික ව්‍යාපාරයක් බවට පත් කරනවා. සෙසු සියළු කර්මාන්ත ත් - රාජ්‍ය, අර්ධ රාජ්‍ය සහ පුද්ගලික සම පදනමේ සංවර්ධනය කරනවා.
8. ඒ සඳහා නිශ්චිත කාලයක් නියම කරගන්නවා
9. ඊනියා ව්‍යවස්ථා කතා පැත්තක දාලා, රටේ හැම පක්ෂයක්ම, හැම ජන කොටසක්ම එකතුකරගන්න මහා බුද්ධිමය සංවාදයක් ගොඩනගනවා.රටේ ස්වීය සංවර්ධන ගමනට සමගාමී සහ වඩා සමාජ විද්‍යාත්මක අධ්‍යාපන ක්‍රියාවලියක් ස්ථාපිත කරනවා.
10. දුෂණ, වංචා සහ අක්‍රමිකතා නැතුව, අපි හැමෝම එකා වගෙ මහන්සිවෙලා වැඩ කරනවා.
CHAPA, Dec 16, 2016
ඔබගේ යොජනා යතාර්ථයත් කිරිමෙි පියවර හො අවශ්‍යතා මොනවාද?  
චාපා - පවතින රාජ්‍ය යාන්ත්‍රණය සහ ආණ්ඩුව බලගන්වන එක!
සරත් -  බලගැන්විම ?දැන් තිබෙන අන්ඩුවල බලය අඩු බවද?
චාපා -  අදාළ ආණ්ඩු, නිසියාකාරව ආණ්ඩුකරන්න පෙළඹවීම තමයි බලගන්වනවා කියන්නෙ.
සරත් -  මා ඇසුවෙ එසේ කිරිමට පලමු පියවර ⁣, අවශ්‍යතා? අපැහිදිලිද? පලමුව ඔබ මා කලයුතු දැ
චාපා -  පළමු, දෙවැනි, තෙවැනි...සියළු පියවර තමයි බලගැන්වීම.අවශ්‍යතාව, ආණ්ඩු, නිසියාකාරව ආණ්ඩුකරණය නොකිරීම! ඔබට මේ සරල කතාව තේරෙන්නෙ නැද්ද? ඔබ, ඔබ ගැන තීරණය කළ යුතුයි! මම, මා කළ යුතු දේ කරමින් ඉන්නවා...
සරත් - තේරෙනවා නොතේරෙන්නේ බලගැන්විම ලෙස ඔබ කියනදෙ සහ ආකාරය
චාපා -  රාජ්‍ය සහ ආණ්ඩුව වැඩ කළ යුතු ආකාරය ව්‍යවස්ථාපිතව තියෙනවා. එකී, ඒකාබද්ධ යාන්ත්‍රණයේ පරම කොටස් කරුවන් වූ පොදු ජනතාව, වැඩ කරමින් අවශ්‍ය අනෙක් මැදිහත්වීම් කරන්න ඕනෙ, ඔබත්, ඔබට හැකි සැම ආකාරයෙන්ම මැදිහත් වෙන්න!
සරත් -  හොදයි සුභරාතියක් නැවත කඵා කරමු ඔබට පහසු ලෙස මා දැනුනවත් කරන්න
චාපා -  ඔබටත් සුභ රාත්‍රියක්! මේ සටහන මම blog කරනවා, පසුව බලා ගන්න!
...to be continued

 

 

   මැරෙන්නම හිනාවෙමු!

මැරෙන්නම හිනාවෙමු!

එන්න! අපි හිනා වෙමු!
හැමදේටම හිනා වෙමු! අපි, අපටත් හිනාවෙමු!
සියල්ල විකුණන, සියල්ල විකිණෙන මේ මහා වෙළෙඳපොළ තුළ, ඊට වෙනස් යමක් 'පවතින්නෙ' කොහොමද?
සියල්ල අභිබවන මේ 'වෙළෙඳපොළ බලය' මේ වනවිට, සියල්ලට හිනාවෙන සහ සියල්ල හිනාවට ලක්කරන ක්‍රමවේදයක් අපට උගන්වමින් ඉන්නවා. එතකොට අපට යථාර්ථය මගහැරෙනවා. සාපේක්‍ෂ සත්‍ය සහ සාපේක්‍ෂ අසත්‍ය එකට පටලවනවා. යමක් හෝ යමෙක් මරා දාන්න ඒ තරම් සුක්‍ෂම ක්‍රමයක් තවත් කොහෙන්ද? අතීතය පුරාමත් මේ අත්දැකීම් තියෙනවා, ඒත් නුතන තාක්‍ෂණය නිසාම ඒ විධික්‍රමය අසීමාන්තික විදිහට දියුණු වෙලා.
මේ වනවිට, නුතන ධනේශ්වරය, ඉතා සංවිධානාත්මක සහ සැලසුම්සහගත ලෙස 'සියල්ල Joke කරන' ඒ නුතන දේශපාලනය, වසංගතයක් විදිහට ලෝකය පුරා පතුරුවමින් ඉන්නවා.
19 - 20 සියවස් අතර කළ තීරුව නව හාස්‍ය රසයක් ලෝකයට හඳුන්වා දුන් චාර්ලි චැප්ලින්, එක පැත්තකින්, ජර්මානු ආඥාදායකයා, ඇඩොල්ෆ් හිට්ලර් ගෙ රූපය අනුකරණය කෙරුවා කියන කතාවත් මෙතැනට අදාළයි. හිට්ලර් බිඳ වැටෙන්න ''චැප්ලින් හාස්‍යයේ දේශපාලන'' යත් බලපෑවාද නැද්ද කියන සංවාදය වෙනම තියෙනවා.
ඒ අතර තුර සංවර්ධනය වන වේදිකාව, සිනමාව, ටෙලි නාට්‍ය සහ කාටුන් සහ විශේෂයෙන්ම කාටුන් ශ්‍රව්‍ය - දෘශ්‍ය මාධ්‍ය නිසා මේ හාස්‍ය රසය වඩා දේශපාලනික මෙවලමක් බවට පත්වෙනවා. 
හොඳම උදාහරණය තමයි රෝම අධිරාජ්‍යයා, ජුලියස් සීසර් හුරතල් කාටුනයක් බවට පත්වෙලා, මුළු ග්‍රීක - රෝම ඉතිහාසයම හිනාවට ලක් කරන විදිහ. 
එය ගෝලීය මට්ටමෙන් ළමා මනස වෙනස් කරන්න හේතු වුණු බලවත් මෙහෙයුමක් බව අවිවාදිතයි. ඒ අනුව, ඉතිහාසයෙ ඉදිරි පරම්පරා තුළ යුරෝපා ඉතිහාසයම විහිළුවක් බවට පත් කෙරෙනවා. මේ එක උදාහරණයක් විතරයි.
මේ වනවිට ලෝකය අත් පත් කර ගනිමින් ඉන්න සමාජ මාධ්‍ය ජාල හරහා මේ Joke කිරිල්ල බිහිසුණු විදිහට ව්‍යාප්ත වෙන්න පටන් අරං තියෙන බව, සියල්ල පරිස්සමට නිරීක්ෂණය කරන්නෙකුට පැහැදිලි වෙනවා.
එය නුතන ධනේශ්වරය ලබන අසාමාන්‍ය ජයග්‍රහණයක්!
අපි දැන් ලංකාව දිහා බලමු!
මේ රටේ හුඟාක් අත්වල තියෙන ජංගම දුරකථන හරහා fb ඇතුළු සමාජ මාධ්‍ය ජාලා පුරා, මේ වනවිට එහා මෙහා වෙමින් තියෙන අදහස්, උදහස් සහ තොරතුර දිහා බලනකොට පැහැදිලි වෙන්නෙ, සියල්ල 'නූගත් හාස්‍යය' කට ගොදුරුවන බව. එය සමහරවෙලාවට ඉතාම ප්‍රාථමික මට්ටමකටම වැටෙනවා.
විශේෂයෙන්ම, තරුණ කොටස් මේ හරහා අත්පත්කරගන්න හදන සමාජ බලය ( දේශපාලන බලය! ) ඉතාමත්ම අනතුරුදායකයි.
වඩා භයානක වෙන්නෙ, මේ 'තරුණ නූගත් ජවය' දියුණු සහ සුක්‍ෂම ව්‍යාපාරික දේශපාලනයක් සඳහා පාවිචිවෙන්න ඉඩ තියෙන එක. 
මේ දිග කතාව දැනට කෙටි කරන්නං!
අපට, හැමදේම විකුණන්න බැහැ, හැම දේම විකිණෙන්නෙත් නැහැ!
හැම දෙයක්ම Joke එකක් නෙවෙයි, හැමදේකටම අපට හිනාවෙන්න බැහැ. අපිට, කොහොමටවත් අපටම හිනාවෙන්න බැහැ.
ඔව්! අපි දිගටම මේ ගැන කතාකරමු!
ඒත් කල්පනාවෙන්!
අපි හිනාවෙමු, ඒත් මැරෙන්නම හිනාවෙන්න නං බැහැ!
CHAPA 
2017 මාර්තු 26

 

   මගෙ සිහිනය මට දකින්න ඉඩ හරින්න...

''මගෙ සිහිනය මට දකින්න ඉඩ හරින්න...'' කියලා නන්දා මාලනී ගයන ගීතය ඔබ අහලා තියෙනවන. එයින් කියවෙන්නෙ, තමන් හදා ගත්ත සහ තමන් කැමති මනෝ ලෝකයෙම ඉන්න ඉඩ දෙන්න කියන එක. ඒක එක විදිහක ලස්සන කතාවක්.
''ඇවිදිමි මුතු පබළු වැටෙන සිහිලැල් හඳ පානෙ...'' ඇය ගයනවා.
මේ කතා නායිකාව, තම සිහින ලෝකය දිගේ ඉතිං ඇවිදගෙන යනවා.
ඇත්තටම පියවි ලෝකයට වඩා මවාගන්න සිහින ලෝක සුන්දරයි, පිවිතුරුයි. ඒත් කොහොමද, එහෙම ලෝකයක ජීවත්වෙන ගමන් ප්‍රයෝගික ලෝකය තුළ පවතින්නෙ? ඒක බරපතළ ප්‍රශ්නයක්. හේතුව, මවාගත්ත ලෝකය සහ ප්‍රයෝගිකව අත්විඳින ලෝකය අතර තියෙන පරතරය. මේ පරතරය නිසාම අර මවාගන්න ලෝක කඩා වැටෙනවා, එතකොටම ජීවිතත් කඩා වැටෙනවා. සමහරු එපාවෙලාම ජීවිතය හැරදමා යන්නෙත් එහෙම තමයි.
මත්පැන් සහ මත්ද්‍රව්‍යවලට ඇබ්බැහි වෙච්ච හුඟාක් අය ඒ හරහා මැවෙන ලෝකවලට ආශා කරනවා. ඒ ආශාව ඇබ්බැහිවීමක් බවටත් පත්වෙනවා. ඒ තත්වය නං ඉතාම අයහපත්.
හොඳම දේ, ප්‍රායෝගික ලෝකය තුළ ජීවත්වෙන එක. බුදු දහමට අනුව අට ලෝ දහම තේරුම් ගන්න පුළුවන් නං ජීවිතය සරලව විඳින්න ඉඩ හැදෙනවා. ඒ තමයි හොඳම විදිහ.
හැබැයි කෙනෙකුට ඕන නං, තමන් කැමති සිහින ලෝකයක් හදාගෙන, එය සිහින ලෝකයක් බව දැනගෙන ප්‍රායෝගික ජීවිතයට මුහුණ දෙන්න පුළුවන්.
මම පුද්ගලිකව අත්විඳින දෙයක් ඔබට කියන්න ද?
මම කියවපු සහ කියවන පොත් පත්වල ඉන්න වෙනස් චරිත සජීවීව මාත් එක්ක පවතිනවා කියල මම මවා  ගන්නවා. එය ඉතාම සොඳුරු අත්දැකීමක්. එතකොට මේ ප්‍රයෝගික ලෝකය තුළ හමුවන හිස් මිනිස්සු නිසා හිත් රිදවීම් ඇතිවෙනවා අඩුයි. කරදර මැද්දෙ හුදකලා වෙනකොටත් ඒ මවා ගන්න ලෝකය තුළ හුදකලාවක් නැහැ. හැබැයි දැනගෙන අත්විඳින්න ඕන තත්වයක් මේක.
උත්සහ කරන්න! හැබැයි දැනගෙන...
කොහොමටත්, මවාගන්න ලෝකවලට වඩා අප පවතින ප්‍රායෝගික ලෝකය අමාරු බව මතක තියාගන්න එක නං අතිශය වැදගත්!
ඔබට සුන්දර දවසක අත්දැකීම් ලැබේවා!
CHAPA
2017 මාර්තු 26

CHAPA ON Insight, Ada Derana, March 19, 2017, Episode 19

   විමල්! උපවාස එපා!! අපරාදෙ!!!

 
හිතවත් විමල්!
ඔබ මේ මොහොත වෙනකොට ආහාර පාන වර්ජනය කරමින්, තමාට ඇප දෙන ලෙස ඉල්ලමින් උපවාස කරන බව මාධ්‍ය තොරතුරු වාර්තා කරනවා.
ඔබට දැන් මෙහම ලියන්නෙ, මීට පෙර ඔබට ලියු http://chapabandara.blogspot.com/2017/01/blog-post_25.html?spref=tw දිගු සටහනේම දිගුවක් හැටියට. ඒ අතරම, ඔබ සහ රංජන් අතර ඇතිවෙමින් තිබුණු ගැටුමට අදාළව මම ඉදිරිපත්කරපු https://www.youtube.com/watch?v=xJ5fLaLkvpQ කෙටි වීඩියෝව යළි ඔබට යොමු කරන්නෙ, මේ සංවාදය තව පුළුල් කරන්න.
මම ඒ ලියැවිල්ලෙ කියලා තියෙන විදිහටම, ඔබ ඔබත් කොටසක් වන දේශපාලන දඩබිමක වර්තමාන ගොදුරක් විතරයි.
ඔබ පෙනී හිටින 'ජාතිකත්වය' සහ 'දේශප්‍රේමිත්වය' ඇත්තක් නෙවෙයි. ඔබේ අනුගාමිකයන් ඒ ගැන හිතන්නෙත් ඇත්තට නෙවෙයි. ඒ කියන්නෙ ඔබ හෝ ඔවුන් අවංක නැහැ කියන එකට වඩා වැඩි කතාවක්. නුතන වෙළෙඳපොළ චලනයන් තුළ, එහෙම 'ජාතික හෝ දේශප්‍රේමී තත්වයක්' නැති නිසා, එහෙම අවංකබවකුත් පවතින්නෙ නැහැ! කියන එක.
ඒ නිසාම ඔබ ගොඩනගන්න උත්සහ කරන 'ව්‍යාකුල ජාතික තත්වයන්ම' සමාජ යුක්තිය අභිබවා යමින් ඔබ සහ ඔබේ අනුගාමිකයන් ගොදුරු කරගන්නවා. එය ඉතිහාසය තුළ අඛණ්ඩ ක්‍රියාවලියක්.
මේ, අන්න එහෙම නිර්මාණය වුණු, කිසිදු පාලනයකට යටත් නොවන තවත් එක මොහොතක්!
ඔබ ඉතිං ඇප ඉල්ලා උපවාස කරන එකේ කිසිම තේරුමක් නැහැ. ඔබ ඇත්තටම ඒ මාරාන්තික ක්‍රමය තෝරා ගත්තොත්, ඔබ මිය යාවි. එච්චරයි!
ඔබේ අනුගාමිකයන්, ටිකක් කලබල කරලා ගෙදර යාවි. මේ දකුණු ඉන්දියාව නෙවෙයි නිසා ඔබ වෙනුවෙන් කවුරුවත් මැරෙන එකක් නැහැ. ජාතිකත්වයක් හෝ දේශප්‍රේමීත්වයක් නැති නිසා එහෙම ජනතා බලවේගයකුත් නැහැ වගේම, මියගිය ඔබේ සළකුණ අරගෙන නැගිටින්න 'ජනතාව' කුත් නැහැ.
ඔබ කරදරයක් කියල හිතන අනිත් පැත්තෙ කට්ටිය ඔබේ මරණයෙන් හොඳ fun එකක් ගනීවි. එච්චරයි!
ඔබට මේ කාලය ආපිට හිතා බලන්න හොඳ කාලයක්!
ගෝලීය ධනේශ්වරය සහ ඒ තුළ මානව ශිෂ්ටාචාරය!
අන්න ඒක තමයි ඔබ ගොඩනගා ගන්න ඕන පුළුල් සංවාදය. ඒ වෙනුවට, ජීවිතය කළකිරීමෙන් කියවන කවි පද හරහා මොකුත්ම සිද්ධවෙන්නෙ නැහැ, දේශපාලනය, හුදු සාහිත්‍යයක් බවට පත් වෙනවා වෙනුවට!
CHAPA
2017 මාර්තු 25


 

Ranjan ! DON'T !!

ප්‍රතිරා

'ප්‍රතිරා' යනු, ජීවිතය යළි කියවා බලන, සංගීතමය වැඩසටහන් මාලාවක්.
චාපාබණ්ඩාරගෙ හඬින් බලගැන්වෙන සහ චතුර පෙරේරා විසින් සත්සර හැඩ ගැන්වෙන, 'ප්‍රතිරා'
බත්තරමුල්ල, ඩෙන්සිල් කොබ්බෑකඩුව මාවතේ පිහිටි තෘප්ත art deck හිදි සෑම සිකුරාදාවකම රාත්‍රී 7 ට පැවැත්වීමට නියමිතයි.
මේ, 2017 මාර්තු 24, සිකුරාදා රාත්‍රියේ 'ප්‍රතිරා' මුල්ම වැඩසටන වර්ණවත් වූ වග... 

 

INSIGHT Episode 19 - Keheliya Rambukwella

නිදහස් by CHAPAbandara: එකඟ නැත්තං...එකඟ නැත්තං...ඒ කියන්නෙ, ඔබ යම් දෙ...

නිදහස් by CHAPAbandara:   එකඟ නැත්තං...
එකඟ නැත්තං...
ඒ කියන්නෙ, ඔබ යම් දෙ...:   එකඟ නැත්තං... එකඟ නැත්තං... ඒ කියන්නෙ, ඔබ යම් දෙයකට හෝ යම් පුද්ගලයෙකුට එකඟ නැත්තං සාමාන්‍යයෙන් මොකද්ද කරන්නෙ? ඒ පුද්ගලයෙක් නං, කියන...

  එකඟ නැත්තං...

එකඟ නැත්තං...
ඒ කියන්නෙ, ඔබ යම් දෙයකට හෝ යම් පුද්ගලයෙකුට එකඟ නැත්තං සාමාන්‍යයෙන් මොකද්ද කරන්නෙ?
ඒ පුද්ගලයෙක් නං, කියනවා '' මම නං ඔබට එකඟ නැහැ!'' කියලා. එහෙමද?
දෙයක් නං ඒත් අදාළ කෙනාට කියනවා, මේ දේට මම එකඟ නැහැ කියලා. හරිනෙ!
සමහරු හිතනවා, ඕවා කියලා වැඩක් නැහැ, සද්ද නැතුව මග හැරලා ඉන්නවා කියලා. ඔව්! ඒකත් එක වෙලාවකට හරියන්න පුළුවන්.
තව?
සමහරු, එකඟ නැති පුද්ගලයන්ට සහ දේවල් වලට, ඒ ''එකඟ නොවීම'' කියන පුද්ගලික හේතුව මත, පහර දෙන්න පටන් ගන්නවා. අන්න ඒක නං හොඳ නැහැ.සමහරු ඒ නිසාම තරහා වෙනවා, වෛර කරන්න පටන් ගන්නවා.
මේ fb ඇතුළු සමාජ මාධ්‍ය ජාලා තුළත් එහෙම අය බහුලව ඉන්නවා. තමන් එකඟ නැති අයට මඩ ගහනවා, අපහාස කරනවා, පහර දෙනවා. ඒක ඉතාම ප්‍රාථමික තත්වයක්.
තර්ක විතර්ක හරි. යෝජනා චෝදනාත් හරි. විවේචන විශ්ලේෂණ නං හොඳටම හරි.
නිකමට ඉන්න ගමන් හිතලා බලන්න, ඔබ අනිත් අයට එහෙම කරනවා ද? එහෙම නැත්තං අනිත් අය ඔබට එහෙම කරනවා ද? එහෙමත් නැත්තං එකිනෙකා එහෙම කරගන්නවා ද?
මෙහම හිතන්නකො, මේ ලස්සන සුන්දර දවසෙ ආරම්භයත් එක්ක!
ඔබ එකඟ නැති පුද්ගලයා හෝ දේ ගැන අවස්ථාවට ගැළපෙන විදිහට කියන්න, අවශ්‍ය නං, අවශ්‍ය මට්ටමෙන් වාද විවාද කරන්න. බැරි නං අත හැරලා දාන්න.
ඔය මොකුත්ම නැතුව ඉතිං, එකඟ නැති 'පුද්ගලයා' හෝ 'දේ' මුල සිටම මග හැරලා ඉන්නත් පුළුවන්.
කොහොම වුණත් ඒ එකඟ නොවීම මානසික ආරවුලක් කරගෙන, තරහා වෙලා, වෛර කරන්න හෝ පළි ගන්න හදන්න නං එපා. එතකොටනෙ රිද්දන්න හිතෙන්නෙ.
එහෙනං හරිනෙ, වෙනස් විදිහකට දවස පටන් ගන්න!
ඔබට සැනසිලිදායක දවසක්!
CHAPA
2017 මාර්තු 24

Aluth Parlimenthuwa - 2017.03.22

              අද මාර්තු 22...

අද මාර්තු 22...

උන්ගෙ, ලෝක ජල දිනය ලු!

ලෝක ජල හිඟයක් ළඟ ළඟ එනවා, ජලය කළමනාකරණය කරමු!
මරු කතාවක් නේ?
කොහොමද ජලය කළමනාකරණය කරන්නෙ?
මාර ප්‍රශ්නයක්!
ලෝකයෙ තැන තැන, වැඩිහිටියො ඒ ගැන සාකච්ඡා කරනවා, වෘත්තිකයො බැරෑරුම් මුහුණු වලින් කල්පනාකාර කර ඉන්නවා. ලෝක සමුළුවලට යනවා, විවිධ වැඩසටහන් සංවිධානය වෙනවා. ගුරුවරු ළමයින්ට කියලා රචනා ලියවනවා, කථික තරඟ පැවැත්වෙනවා. මාර වැඩ! ජනමාධ්‍ය ආයතනවලටත් හොඳ ප්‍රවෘත්ති හැදෙනවා.
හරි! මෙන්න ක්‍රමය!
''අපි ජලය ඒකක මිලකට යටත් කරනවා, විකුණුම් භාණ්ඩයක් කරනවා!''
එක්සත් ජාතීන්ගෙ කට්ටිය උත්තරය හොයාගෙන!
''එතකොට සල්ලිවලට ජලය විකුණනවා?''
නොදන්නා මිනිස්සු අහනවා.
''ඔව්! හරියට තෙල් වගෙ!''
''සල්ලි නැත්තං?''
ප්‍රශ්නයක්!
''වතුර නැහැ!''
''එතකොට අපි මැරෙනවානෙ!''
''ඉතිං මැරියල්ලා!''
උන් කියනවා.
''එතකොට අපි?''
ඒ අනිත් සත්තු.
''අපි කොහොමත් උඹලාව මරනවා!''
''මොන බොරු කතාවක් ද? නෑඹිලියෙත් කිඹුල්ලු දකිනවා, පිස්සුනෙ!''
ඒ අපේ අය.
''ඉතිං මොකද? නිකං දෙනකොට අගයක් නැහැ, ඔය නිදහස් අධ්‍යාපනය පේන්නැද්ද...සල්ලි ගන්නමයි ඕන, අපි නං කියන්නෙ වාතයත් සල්ලි වලට දෙන්න ඕන!''
ඒත් අපේ අය.
''අපි නං ඔය අනුන්ගෙ දේවල් හොයන්නෙ නැහැ, අපේ පාඩුවෙ ඉන්නවා!''
අපේ අයම තමයි.
එතකොට, ඔබ?
අනේ, උත්තරයක් නැතුවට නං කමක් නැහැ, ඔන්න ඔහේ දවස ගෙවලා දාන්න! ආයෙ මාර්තු 22 ක් එන්නෙ තව අවුරුද්දකින්නෙ, නේද?
අපි ගියා එහෙනං!
CHAPA
2017 මාර්තු 22

    ප්‍රභාකරන්!

නිදහසේ නාමයෙන්
නුඹ කරවන සටන
වළලයි නිදහසම
නැවත නොඑනා ලෙසින්
එක්සත්ව එක සිතින්
නුඹ පසු පසින් එන
තරුණ පෙළ උමතුව
සොයන මාවත, නුඹ වග
පසක් කර දුන්නා ද?
අසරණව ලතැවෙන
කුල හීන මිනිසුන්ට
උන් දවනා ගින්න
උතුරන අසහනය
දකුණේ ද නිරතුරුව
පැලපදියම්ව, ඇති බව
නුඹ වසන් කෙරුවාද
උන්ගේ ශක්තිය
නොනැමෙන ජීවිතය
තලා පන්නරය ගෙන
උන්ගෙ ගෙල සිඳුවාට
උන්ගේ හෙට දවස
වළලා දැම්මාට
සයනයිඩ් කරලක
එල්ලා තැබුවාට
නුඹට නොකරමි සාප
නුඹයි ඒ සාපය
අපේ පොදු හතුරාව
වසන් කර තැබුවාට
උතුරු නැගෙනහිර
දකුණට යා කර
අපිට අපේ වූ
ලොවක් තනන්නට
හරස් කපන නුඹ
නරුම මුරුගයෙකි
වේළුපිල්ලේ ප්‍රභාකරන්!
CHAPA
1996 ජුනි 2, ඉරිදා දිවයින, 'සංවාද'
Army ආමි, 2008 ජනවාරි, පිටු 80 - 81

උන්ගේ යුද්ධය - උන්ගේ සාමය ? Chapa, against the WAR!

We, Sinhala , Tamil and Muslim MUST work together...

If there War Crimes, How Fonseka becomes a Field Martial?

at Wennappuwa, Katuneriya Schoool

ජනාධිපති මෛත්‍රී මේ කියන්නෙ ඇත්තද? BBC interviwe with Prasident Mithree,...

රාජ්‍ය නායකයා මෛත්‍රී ද රනිල් ද? Prime Minister Ranil with Channel 4, Ja...

At last, School Children have become victims!

  නාස්තිය එපා!

නාස්තිය එපා! කියනකොට, ඔබ අහයි, ඉතිං මම මොනවද නාස්ති කරන්නෙ? කියලා.
එතකොට අහන්න වෙන්නෙ, අපි දැන හෝ නොදැන කොච්චර දේවල් නස්තිකරනවා ද? කියලා. බඩු භාණ්ඩ විතරක් නෙවෙයි, කෑම බීමත් අපි අතින් නාස්ති වෙනවා. එක එක්කෙනාගෙ නාස්තියෙ ප්‍රමාණය නං හැබැයි වෙනස්.
ගෙදර දොර බඩු මුට්ටු පරිස්සම් කරන්න. කැඩුණොත් එහෙම අලුත්වැඩියා කරගන්න උත්සහ කරන්න. ඒවා නඩත්තු කිරීමත් ඉතා වැදගත්. පාවිච්චි නොකරන දේවල් වෙන අවශ්‍ය කෙනෙකුට දෙන්න, අවශ්‍යම දේවල් විතරක් තියා ගන්න. එතකොට නාස්තිය කළමනාකරණය වෙනවා.
ඔය ගෙදර දොර ජනෙල් අරිනකොට, වහනකොට එහෙමත් පරිස්සමට අරින්න, වහන්න. එහෙම නැත්තං ඒවා හොඳ මට්ටමෙන් දිගට පවතින්නෙ නැහැ. ඒකත් නාස්තියක්නෙ.
වාහන භාවිතයත් එහෙම තමයි. පරිස්සම සහ නඩත්තුව. එතකොට වාහන නාස්ති වෙන්නෙ නැහැ.
සාමාන්‍යයෙන් පොදුවෙ හිතෙන්නෙ, තියෙන අය තමයි දේවල් නාස්ති කරන්නෙ කියලා. ඒක එහෙම ම නෙවෙයි. තියෙන නිසා නාස්ති කරන අයත් ඉන්නවා. නාස්තිය නිසා, නැතිකම වැඩිකරගන්න කට්ටියකුත් ඉන්නවා.
බලන්නකො ගෙවල්වල කෑම නාස්තිවෙන විදිහ. හුඟාක් තැන් වල ආහාර කළමනාකරණය හොඳ නැහැ. අවශ්‍ය ප්‍රමාණය විතරක් රසට උයා ගන්න එක, අවශ්‍ය ප්‍රමාණය විතරක් කන්න බෙදා ගන්න එක වගෙ සරල පුරුදු ඇතිකරගන්න එක එච්චර අමාරු නැහැ. එතකොට වීසිකරන ඉඳුල් ප්‍රමාණයත් බලාගෙන ඉද්දි අඩුවෙනවා.
එතකොට කාලය නාස්තිකරන එක?
අපිට ඇත්තටම කාලය ගැන කිසිම අදහසක් නැහැ වගෙ. මොකක් හරි වැඩක් කරගන්න, කාර්යාලයකට ගියහම තමයි තේරෙන්නෙ, කාලය කොච්චර නොසලකා හැරෙනවාද  කියලා. රජයෙ, පුද්ගලික හෝ අර්ධ රාජ්‍ය කියල නැහැ, හැම තැනම අඩු වැඩි වශයෙන් කාල නාස්තිය තියෙනවා.
ඔබේ දවස ගෙවෙන හැටිත් නිකමට කල්පනා කරලා බලන්නකො.
අපි මතක තියා ගන්න ඕන දේ තමයි, යමක් කරනකොට ඒ දේ හරියට කරන්න අවශ්‍ය දැනුම නැත්තං කාලය සහ තවත් බොහෝ දෑ නාස්ති වෙනවා.
ඇයි අපි වචන නාස්තිකරන විදිහ? නේද? කොච්චර විකාර කතාවලට අපේ කාලය සහ ශ්‍රමය වැය වෙනවාද? මේ fb ඇතුළු සමාජ මාධ්‍ය ජාලා දිහා බලනකොට ඒ නාස්තිය හොඳටම පේනවා. සමහරු කිසිම තේරුමක් නැතුව fb වගෙ තැන්වල කොටුවෙලා පිස්සු නටනවා. අයාලෙ යනවා. එතකොට එක එක computer games? ඒවා නිකං වසංගතයක් වගෙ. අපරාදෙ! ළමා මනස, තාරුණ්‍ය සහ සමහර වැඩිහිටියො පවා පිස්සු වැටිලා වගෙ. ඒ වගෙ අයගෙ මිනිස් සම්බන්ධතා පවා යම් විකෘතියකට ලක් වෙමින් තියෙනවා. ඒ නාස්තිය නං ආපිට හදාගන්න බැරි තරම්.
මත් ද්‍රව්‍ය, මත් පැන්, දුම් වැටි භාවිතය සහ තවත් අයහපත් පුරුදු නිසා නං, සමහරුන්ගෙ මුළු ජීවිතයම නාස්ති වෙනවා. ඒක බරපතළ සමාජ ව්‍යසනයක්.
පොදු දේපොළ නාස්තිය ගැන ඉතිං වෙනම සාකච්ඡාවක් තියෙනවා.
මොන වර්ගයෙ නාස්තියක් වුණත්, එය යම් පිරිහීමකට හේතු වෙනවා. ඒ නිසා අපි නාස්තිය අවම කරගන්න උත්සහ කරමු.
වැදගත්ම දේ මේකයි! කෙනෙක් නාස්තිකරනකොට එය වෙන කෙනෙකුට දරන්න වෙනවා.
එහෙම නං, මේ අලුත් දවසෙ අපි එකඟතාවකට එමු!
අපි නාස්ති නොකරමු! සිදුවන නාස්තිය අවම කරගනිමු!
එහෙම හොඳයි නේද?
ඔබට සුභ දවසක් වේවා!
CHAPA
2017 මාර්තු 21

A new Constitution? for WHAT? CHAPA at BASL 1, March 1, 2017, Part 1

   චේ වෙනුවට fb චේලා...

චේ වෙනුවට fb චේලා...

චේ ගුවාරා, අද ලෝකය පුරාමත් ඉතා ජනප්‍රිය රූපකයක්. ඔහු මෙහෙම ජනපිය වෙන්නෙ, ඔහුගෙ දේශපාලනය ට වඩා වෙනස් දේශපාලනයක් සඳහා. කොටින්ම, ඒ, ඔහු එරෙහි වූ ධනේශ්වරය(?) තුළ සහ තමනුත් එහි ගොදුරක් බව නොදන්නා පිරිස් අතර, විශේෂයෙන්ම තරුණ කණ්ඩායම් තුළ.
ආජෙන්ටිනාව, කියුබාව සහ බොලීවියාව අතර සමස්ත ලතින් ඇමරිකානු වාම දේශපාලන ස්ථාවරයක් වෙනුවෙන් සහ එතැනින් එහාට අනාගත වාම දේශපාලන ජාත්‍යන්තරයක් සඳහා සිහින මවන චේ, ඔහුගෙ සිහිනය මරා දාන දේශපාලනය විසින්, එසැණින් අයිතිකරගන්න හැටි ඉතා සියුම්. චේගෙ ආකර්ශනීය රුව සටහන් වූ ටී ෂර්ට්ස්, තොප්පි සහ වෙනත් බඩු භාණ්ඩ ජනප්‍රිය වෙළෙඳ පොළ ඉල්ලුමක් බවට පත්වෙන්නෙ එහෙමයි. ඔහු වෙනුවෙන් හැදෙන චිත්‍රපට, වාර්තා වැඩ සටහන්, වේදිකා නාට්‍ය, ගීත...මේ සියල්ලමත් අතර චේ දුක්බර විදිහට විකිණෙනවා.
ඒ අතර චේ කියන්නෙ නළුවෙක් වෙන්න ඇති කියලා හිතන අයත්, ලෝකයෙ තැන තැන ඉන්න බව පේනවා.
මේ වනවිට fb ඇතුළු සමාජ මාධ්‍ය ජාලා තුළ, තම තමන්ගෙ අනන්‍යතාව සඳහා චේ රුව යොදාගන්නා පුද්ගලයන් සහ කණ්ඩායම් සෑහෙන්න ඉන්නවා, මේ ලංකාවෙත්. ඔවුන් ලියන කියන දේවල් හරහා තහවුරු වෙන්නෙම, ඒ අති බහුතරය, චේ කියන දේශපාලන සාධකය ගැන කිසිදු පැහැදිලි කියවීමක නැහැ කියන එක.
'චේ' ට පෙර සහ පසු ලෝක දේශපාලන චලනයන් පිළිබඳ දේශපාලන හැදෑරීමක් නැති නිසාම, මේ චේ රුව සමඟ ඔවුන් කොහේදෝ තැනක අතරමං වෙනවා.
එයින්, ලෝක දේශපාලන ඉතිහාසය තුළ, සමාජවාදය, විද්‍යාත්මක සමාජවාදය, මාක්ස්වාදය, ප්‍රජාතන්ත්‍රවාදය සමඟ 'රාජ්‍ය' සහ රාජ්‍ය අභිබවා යන ධනේශ්වරයෙ නුතන තත්වයන් එකෙනෙක අභිමුඛ වෙන හැටි න්‍යායිකව විශ්ලේෂණය කරගන්න අවශ්‍ය දේශපාලන සංවාදය, ආපිට ගොඩනොනැගෙන්නම මගහැරෙනවා.
ලංකාවෙ, එන්එම් ලා ගෙ සිට වාසුලා - බාහුලා දක්වාත් වරෙක උමා මහේෂ්වරන් ලා - විජේවීර ලා දක්වාත්, මාක්ස් - එංගල්ස්, ලෙනින්, මාඕ...එකට පටලැවිලා, ලාංකේය දේශපාලන ඉතිහාසය විකෘතියක් වෙන්නෙත් අන්න එහෙම තමයි.
මේ සටහන මෙහෙම තිව්වට, මේ හරහා හෝ පුළුල් දේශපාලන සංවාදයක් ගොඩනගාගන්න පුළුවන් වෙන්නෙ නැහැ, මේ සටහන ඉතිං නිකමට ඉතිහාසය වෙනුවෙන්!
CHAPA
2017 මාර්තු 20      

Chandrika!? Is an Ecconomis Hit Woman?

   ඔබ කවුද? මොනවද කරන්නෙ?

ඔන්න දැන් ඔබ හිතන්න පටන් ගන්නවා!
මම කවුද? මම මේ මොනවද කරමින් ඉන්නෙ?
අපි සාමාන්‍යයෙන් හිත හිතා ඉන්නෙ නං, අරයා කවුද? එයා මොනවද කරන්නෙ? මෙයා කවුද? මෙයා මොනවද මේ කරන්නෙ? කියලා. එහෙම නේද?
කොහොමත් කෙනෙකුට තමන් ගැන හිතන්න, තමන්ව ප්‍රශ්න කරන්න වෙලාවක් නැහැ, ඕන කමකුත් නැහැ. එක අතකට සත්ව ලෝකයටම පොදු මේ ලක්ෂණය, ඒ සත්ව ලෝකයේම කොටසක් විදිහට මිනිස්සු වෙච්ච අපටත් පොදුයි. ජීව විද්‍යාත්මකව හැදිලා තියෙන්නෙ ආත්මාර්ථය මත. 'මම' මත තමයි මම පවතින්නෙ! අන්න එහෙම.
ඒත් මොළය සහ හිත දියුණු කරගත් නිසාම මිනිස්සු සංස්කෘතික වෙලා පස්සෙ කාලයක පොදු සමාජයක් බවට පත්වෙනවා. ඒත් තවමත් සමහර සත්ව ලක්ෂණ අපට තියෙනවා වගේම, අනෙක් සත්තු ළඟ තියෙන ඇතැම් ලක්ෂණ මේ මිනිස්සු විදිහට දියුණු වුණු අපට වඩා ඉදිරියෙන් තියෙනවා.
මේ සාකච්ඡාව ටිකක් ගැඹුරු එකක්, ඒ ගැන පුළුල් විදිහට අධ්‍යනය කරන්න ඕන.
ඒ අතර, නිකමට හිතල බලන්න, ඇත්තටම මම කවුද? මට මොනවද ඕන? මම මේ මොනවද කරන්නෙ? කියලා.
fb ඇතුළු මේ සමාජ මාධ්‍ය ජාලා නිසාම, හුඟාක් මිනිස්සු මෙතෙක් හංගාගෙන හිටපු සමහර කැත ලක්ෂණ, ජුගුප්සාජනක ගති ගුණ සහ සමහර මානසික විකෘතීන් හෙළිදරවු කරන්න පටන් අරං. කොටින්ම හුඟාක් අය මේ අවකාශය තුළ නිරුවත් වෙන්න පටන් අරං.
අද මේ අලුත් දවසෙ නිකමට පොඩි වෙලාවක් වෙන් කරලා, තමන් ගැන හිතන්න පටන් ගන්න. සමහර විට ඔබටම ලැජ්ජා හිතෙයි. සතුටු හිතෙන්නත් පුළුවන්. හැබැයි ඒ ඔබ ඔබ ගැන - ඔබ,  හිතන්න පටන් ගන්න විදිහත් එක්ක. නිකං බොරුවට, ''අනේ ඉතිං මම කොච්චර හොඳ ද? අනිත් අය වගෙ ද මං?'' කියලා තමන්ව ම රවට්ට ගත්තොත් ඉතිං වැඩක් නැහැ.
ඇත්තටම හිතන්න පටන් ගන්න, නිකමට.
බලන්නකො, එහෙම හිතන්න පටන් ගත්තොත් දවස කොච්චර මිහිරි ද කියලා!
එහෙනං ඔන්න ඔබට මිහිරි දවසක්!
මිහිරි දවසක්!! ෂාඃ කොච්චර ලස්සන ද?
CHAPA
2017 මාර්තු 20

   ප්‍රතිරා!

Gee Dam Pada - 12th March 2017

  Dear Doctors!

දයාබර රජයේ වෛද්‍යවරුන්ට ලියමි.
ආමන්ත්‍රණයේදීම 'රජයේ වෛද්‍යවරු!'' යනුවෙන්, සමස්ත වෛද්‍යවරුන්ගෙන් කොටසක් වෙන්කරගෙන කතා කරන්න සිද්ධවුණත්, මේ ආමන්ත්‍රණය සමස්ත වෛද්‍යවරුන්ටම අදාළයි.
රජයේ වෛද්‍යවරු මෙතැනදි විශේෂ වෙන්නෙම, ශ්‍රී ලංකා රජයේ වෛද්‍යවරුන්ගේ සංගමය නිසා. ඒ සංගමය මේ මොහොතේ වැදගත් වෙන්නෙම, SAITM ජාවාරම කේන්ද්‍ර කරගත්, ලාංකේය වෛද්‍ය සේවාවට ඍජුවම සම්බන්ධ මහා අර්බුදය නිසා.
ඉස්සර වෙලාම ලියන්න ඕනෙ, ඔබ සහ ඔබේ පෙර පරම්පරාවන් අඛණ්ඩව, මහන්සියෙන් සහ කැපවීමෙන් වැඩකරලා තමයි රටේ සමස්ත වෛද්‍ය සේවාව මේ තත්වයට ගෙනල්ලා තියෙන්නෙ. යම් යම් අඩු පාඩු තිබුණා වුණත්, ලෝකයෙ හුඟාක් රටවල්වලට වඩා අපි සෑහෙන දුරක් ඉස්සරහින් ඉන්නවා. ඒ, ප්‍රමිතියෙන් ඉහළ සහ ජනතාවාදී වෛද්‍ය සේවාවක් දීර්ඝ කාලයක් තිස්සේ පවත්වාගෙන යමින්. එහි පදනම තමයි නිදහස් අධ්‍යාපනය සහ සුභ සාධන රාජ්‍ය ක්‍රමය තුළ ගොඩ නැගුණු සමාජ හර වටිනාකම් පද්ධතිය.
ඉතිං මේ විවෘත ලියැවිල්ල සකස්කරන්න හේතුව, මීට පෙර, ශ්‍රී ලංකා රජයේ වෛද්‍යවරුන්ගේ සංගමයෙ සභාපති, විශේෂඥ වෛද්‍ය අනුරුද්ධ පාදෙණිය ට, මේ සමාජ මාධ්‍ය ඔස්සේ ඉදිරිපත් කළ විවෘත ලියැවිල්ලට (http://chapabandara.blogspot.com/2017/03/dr.html?spref=tw), දිවයිනේ විවිධ ප්‍රදේශවල සේවය කරන රජයේ වෛද්‍යවරු, දුරකථන මාර්ග ඔස්සේ පවා දක්වමින් තිබෙන ප්‍රතිචාර නිසා.
ඔබ බොහෝ දෙනෙක් කියන පරිදි, ශ්‍රී ලංකා රජයේ වෛද්‍යවරුන්ගේ සංගමය, SAITM ජාවාරම සම්බන්ධයෙන් පෙනී සිටින ආකාරය පිළිබඳ යම් අවිනිශ්චිත තත්වයක් දැන් දැන් මතුවෙමින් තියෙනවා. විශේෂයෙන්ම, වෛද්‍ය පාදෙණිය, ජනාධිපති මෛත්‍රී සමඟ පුද්ගලික සම්බන්ධතාවක් පවත්වාගනිමින්, SAITM ජාවාරමට එරෙහිව ගොඩනැගී ඇති විරෝධතාව ක්‍රමානුකුලව දියකර හරින්නේද යන සැකය ඇත්තටම දැන් විධිමත්ව හොයා බලන්නම වෙනවා.
විශේෂයෙන්ම, වෛද්‍ය පාදෙණිය උනන්දුවෙන් කතාකරන, ''වෛද්‍ය අධ්‍යාපනයෙ අවම ප්‍රමිතිය'' ප්‍රකාශයට පත්කිරීම සහ SAITM ජාවාරමට එරෙහිව නීතිමය පියවර ගැනීම අතර කිසිදු ආකාරයක සම්බන්ධතාවක් නැහැ. මේ ගැන මගේ අර කලින් ලියැවිල්ලෙ ප්‍රශ්න කර තිබු නිසාම, මට පුද්ගලිකව කතා කරපු ඔබ කීප දෙනෙක්ම මේ ගැන යළි යළිත් කතා කෙරුවා.
SAITM ජාවාරමට එරෙහිව ක්‍රියාත්මක විය යුතු ආකාරය මෙතැන දි නැවත අවධාරණය කරන්න දැන් ඉඩ දෙන්න;
( උපුටා දැක්වීම)
1. SAITM, ජාවාරමක් නිසා එහි ක්‍රියාන්විතය වහාම අත් හිටුවිය යුතුයි!
2. SAITM ජාවාරමට එරෙහිව නීතිය ක්‍රයාත්මක කළ යුතුයි! සහ අදාළ ඇමතිවරු ප්‍රමුඛ එකී ජාවාරමට සම්බන්ධ පුද්ගලයන්ට එදිරිව නීතිමය පියවර ගත යුතුයි!
3. SAITM ජාවාරම තුළ අගතියට පත්වන ශිෂ්‍ය ශිෂ්‍යාවන් සම්බන්ධයෙන් අවශ්‍ය සහ සුදුසු පියවර ගැනීමට, පහහ සඳහන් පාර්ශයන් සම්බන්ධ කෙරෙන කමිටුවක් බලගැන්විය යුතුයි;
A ) ශ්‍රී ලංකා වෛද්‍ය සභාව
B ) විශ්ව විද්‍යාල ප්‍රතිපාදන කමිෂන් සභාව
C ) උසස් අධ්‍යාපන අමාත්‍යාංශය
D ) සෞඛ්‍ය අමාත්‍යාංශය
E ) ශ්‍රී ලංකා රජයේ වෛද්‍යවරුන්ගේ සංගමය
F ) විශ්ව විද්‍යාල උපකුලපතිවරු සහ
G ) තවත් අවශ්‍ය වගකිව යුතු පාර්ශව
CHAPA in Kandy, Feb 28, 2017
( උපුටා දැක්වීම අවසන් ) 
මේ ගැන, මෙතෙක් කතා කළ ඔබ හැමෝම එකඟයි. SAITM ජාවාරමට විරුද්ධ, අනෙක් වෛද්‍යවරුන්ටත් මේ සම්බන්ධයෙන් විරුද්ධ අදහසක් නැතුව ඇති.
කොහොම වුණත්, දැන් ඔබ සියළු දෙනා ක්‍රියාත්මක විය යුතුයි!
වෛද්‍ය පාදෙණිය මත විශ්වාසය තියලා ඔහේ බලාගෙන ඉන්න පුළුවන් පුංචි ප්‍රශ්නයක් නෙවෙයි මේ. SAITM ජාවාරම් කරුවන්, විෂය භාර කැබිනට් ඇමතිවරු, ජනාධිපතිවරු, පොලිසිය - අපරාධ පරීක්ෂණ දෙපාර්තමේන්තුව සහ විශේෂයෙන්ම අධිකරණය පවා එකට එකතුව ශක්තිමත් ආරක්ෂක යාන්ත්‍රණයක් සකස්කරමින් ඉන්න මේ 'මහා අපරාධය' රට තුළ නීත්‍යනුකුලව ස්ථාපිත වුණොත්, දැනටමත් පිඹුරුපත් සකස්කොට තිබෙන, ''නිදහස් අධ්‍යාපන අවස්ථා සියල්ල සහ සෞඛ්‍ය සේවාව මුළුමනින්ම අහෝසිකරන'' ඊනියා ආර්ථික ප්‍රතිසංස්කරණ ක්‍රියාවලිය ක්‍ෂණිකව ශක්තිමත්ව, හිතාගන්න බැරි වේගයකින් මේ රට අඳුරු දිශාවකට තල්ලු කරනවා.
ඉතිං ආදරණීය වෛද්‍යවරුණි!
ඔබ අතර තිබෙන විවිධ වෙනස්කම් මේ ඉලක්කය වෙනුවෙන් අත් හරින්න. ඔබ පුද්ගලික ප්‍රතිකාර ( PP ) කරනවාද! නැද්ද! අදාළ නැහැ. වහාම එකතුවෙන්න, සංවිධානය වෙන්න! ශ්‍රී ලංකා රජයේ වෛද්‍යවරුන්ගේ සංගමය, මේ මොහොතේ යා යුතු දිශාවට ගමන්කරනවා ද? පීල්ල මාරු කරනවා ද? වහාම නිරීක්ෂණය කරන්න, මැදිහත්වෙන්න. මේ දැන්ම වෛද්‍ය පාදෙණිය ප්‍රමුඛ අදාළ සංගම් නිලධාරීන් සමඟ සංවාදයක් ගොඩ නගාගන්න. මහා සභාවක් කැඳවා ගන්න!
රජයේ නොවන වෛද්‍යවරුන්ට මේ කියන්නෙ!
ඔබට අවශ්‍ය ජීවිතය ඔබ දැන් ගතකරනවා. රජයේ වෛද්‍ය සේවාව ගැන ඔබේ කිසිම උනන්දුවක් නැතුව ඇති. ඒත් ඔබ ඔතැනට ආවෙ, රටේ ජනයාගෙ මුදලින් ඉගෙනගෙන නේද? ඒ අවස්ථාව ඊළඟ පරම්පරාවලටත් ලබා දෙන්න අධිෂ්ඨාන කරගන්න.
හොඳයි! ඔබ සල්ලිකාර පවුලක කියලා හිතමු, පුංචි කාලයේ සිටම ඉගෙන ගත්තෙ පිට රටවල හෝ මෙරට පුද්ගලික පාසල් වල, තම පවුලේ ධනයෙන් කියලා මොහොතකට හිතමු. ඒත්, ඔබ ඔහොම සදාකාලිකව ඉන්නෙ නැහැ, ඔය හැමදේම දාලා යන්නම යන්න වෙනවා. ඇස්දෙක පියාගෙන දැන් හිතන්න, මරණයෙන් මතු යළි උපදින්නෙ කැලෑබද පුංචි ගම්මානයක දුප්පත් අම්ම කෙනෙකුට දාව කියලා, එහෙම වුණොත් එදාට ඔබ නොවන ඔබට වෙන්නෙ මොකද්ද කියලත් නිකමට හිතන්න.
එන්න! හැමෝම එකතුවෙන්න!
හෙට පමා වැඩි වෙනත් පුළුවන්!
මේ අපේම රට,  අපේම මිනිස්සු, අපේම අනාගතය!
CHAPA
2017 මාර්තු 18

         

CHAPA on Derana Gee Dam Pada, March 12, 2017, Part 1

  අවස්ථාවෙන් ප්‍රයෝජනය ගන්න, ඒත්...

අවස්ථාවෙන් ප්‍රයෝජනය ගන්න, ඒත්...
ඔන්න ඔබ හිතනවා, ඇයි ඒත් කියල නැවැත්තුවෙ කියලා නේද?
මෙහෙමනෙ, අවස්ථාවෙන් ප්‍රයෝජනය ගන්න කියනකොටම වෙන තේරුමකුත් එනවා. ඒ කියන්නෙ ''අවස්ථාවෙන් අයුතු ප්‍රයෝජනය'' ගන්නවා වගෙ එකක්. අර 'අයුතු' කෑල්ල නැති වුණත් ඒ අදහසම තියෙනවා වගෙ එකක්. ඔබට එහෙම හිතෙන්නෙ නැද්ද?
'අවස්ථාවාදී' කියන ගතියත් ඉතිං මෙතැනට අදාළයි. ඔය ජීවිතය ජයගත්ත හැමෝම වගෙ තම තමන්ට ලැබෙන අවස්ථා උපරිම වශයෙන් පාවිච්චි කරපු අය. ඒත් ඒ කොහොමද කියන එක නං හරිම වැදගත්.
ඇත්තටම මෙතැනදි වෙන්නෙ, යුතු - අයුතු දෙපැත්තම වෙන් කරගන්න අමාරු එක.
ඔබ කල්පනා කරලා තියෙනවාද?
අවස්ථාවක් කියන්නෙම සාධක ගණනාවක් එකතුවෙලා හැදෙන එක විදිහක මොහොතක්!
ජීවිතයෙ උදාවෙන සමහර අවස්ථා තමන්ට යහපත් වෙනවා වගෙම වෙන කෙනෙකුට අයහපත් වෙන්නත් ඉඩ තියෙනවා. කෙනෙකුගෙ ජීවිතය සහ අනෙකෙකුගෙ මරණය තරමටම මේ අවස්ථා සංකීර්ණ වෙන්න පුළුවන්. ඇත්තටම ඔය හුඟාක් මිනි මැරුම් ඇතුළු අපරාධ වලටත් ඔන්න ඔය 'අවස්ථාව' ගන්න යන එක බලපානවා. මේ අවස්ථාවෙ මම එයාව මැරුවෙ නැත්තං එයා ඊළඟ අවස්ථාවෙදි මාව මරයි! කියලා කෙනෙක් ඉක්මන් වෙන අවස්ථා ඕන තරම් තියෙනවා.
මේ උදේ පාන්දර මිනිස්සු මරන ඒවා ගැන මොකටද අපි කතා කරන්නෙ, නේද?
ම්ම්ම්...මෙහෙම බලමු!
ඔබට එන අවස්ථා හොඳට කල්පනා කරලා, ඒත් පමා නොවී ගන්න. අදාළ අවස්ථාව ගත්තට පස්සෙ ලැබෙන්නෙ අයහපත් දෙයක් නං ඒ අවස්ථාව කොච්චර හොඳ වුණත් ගන්න එපා. අපට වරදින්න මහා ලොකු වෙලාවක් යන්නෙ නැහැ. එහෙම නේද?
හොඳ පරිස්සමට අවස්ථා තෝරාගෙනම ගන්න. මොකද, සමහර අවස්ථා යන්න ගියහම ආයෙ කවදාවත් එන්නෙ නැහැ.
වැදගත්ම දේ මේකයි. අර කලින් කියපු විදිහට, කෙනෙකුට වැරැද්දක් වෙන අවස්ථා නං කොහොමත්ම ගන්න එපා.
''අයුතු ප්‍රයෝජනය'' කියන තැනට වැටෙන්නත් එපා. සාමාන්‍යයෙන් හුඟාක් අය බලාගෙන ඉන්නෙම අනිත් අයගෙන් අයුතු ප්‍රයෝජන ගන්නම තමයි. ඒක තිත්ත ඇත්තක්!
එහෙම නං අපි අද දවසටත් උනන්දුවෙන් සහ සතුටින් මුහුණ දෙමු. එළඹෙන අවස්ථා ගැනත් අවධානයෙන් ඉම්මු. එතකොට අවස්ථා මඟහැරෙන එකකුත් නැහැ.
හොඳයි! ඔබට සුභ පැතුම්!
CHAPA
2017 මාර්තු 18

ද.මු. දසනායකලා පාර්ලිමේන්තුවට! Nirmal Ranjith Dewasiri in 2001

Jala Rakusanta Erehiwa Book Launch at Daduru Oya

    විශේෂඥ වෛද්‍ය 
    අනුරුද්ධ පාදෙණියට ලියමි!

හිතවත් Dr. පාදෙණිය!
ඔබ මේ මොහොතෙ, ලාංකේය සමාජ පැවැත්මට අතිශය තීරණාත්මකයි!
ඒ, ඔබ විශේෂඥ වෛද්‍යවරයෙක් වීම නිසාම නෙවෙයි. ශ්‍රී ලංකා රජයේ වෛද්‍ය නිලධාරීන්ගෙ සංගමයෙ, සභාපතිවරයා වීම නිසා.
මේ වෙලාවෙ, ඔබත් ඍජුවම සම්බන්ධ ''SAITM ජාවාරම පිළිබඳ ප්‍රශ්නය'' අප ඉදිරියේ තවමත් නොවිසඳී පවතිනවා. ඒ ප්‍රශ්නය, ජනාධිපතිවරයා පාමුළ තබා, විසඳුමක් ලැබෙයි කියලා බලාගෙන ඉන්න සමහර අය විශ්වාස කරන්නෙ, ඔබ.
නිදහස් අධ්‍යාපන අවස්ථාවෙන්, ගමේ ඉස්කෝලෙදි ඉගෙනගෙන, උපරිම දක්ෂතා පෙන්නලා, දවසක, විශේෂඥ වෛද්‍යවරයෙක් බවට පත්වුණු අනුරුද්ධ පාදෙණිය ව.
ඔබ දැන් සැලකියයුතු කාලයක්, ශ්‍රී ලංකා රජයේ වෛද්‍යවරුන්ගෙ සංගමයටත් නායකත්වය දෙනවා. ඔව්! ඔබ නායකත්වය පිළිබඳ සම්මානලාභී වෘත්තිකයෙක්. ඒ අතර ඔබ, පැවති රාජපක්‍ෂ පාලනය සමඟත්, දැන් මෛත්‍රී - රනිල් පාලනය සමඟත් හොඳ සමීප සම්බන්ධයක් පවත්වාගෙන තියෙනවා. එදා ජනාධිපති මහින්දට වගේම මෙදා ජනාධිපති මෛත්‍රීටත් ඔබ සමීපයි.
මට, ඔබ මුලින්ම පුද්ගලිකව හම්බ වෙන්නෙ, සති කීපයකට කලින් දෙරණ නාලිකාවෙදි. ඒ, Insight වැඩසටහන සඳහා ආපු වෙලාවෙ. ඊට පස්සෙ සතියක, ඒ කියන්නෙ, හරියටම පෙබරවාරි 28 දා ( 2017) මහනුවර පැවති SAITM විරෝධී රැළියට ආමන්ත්‍රණය කරන්නත් අපි දෙන්නා ගියෙ කෝච්චියෙ, එකට. ආපහු ආවෙ, වෛද්‍ය රමේෂ් පතිරණගෙ වාහනයෙ. එන ගමන් ඔබේ මහා ගෙදරටත් ගියා. ඔබට මතකනෙ.
අපි ඒ ගමන පුරාවට විවිධ මාතෘකා ඔස්සෙ අදහස් හුවමාරු කරගත්තා, නිදහස් අධ්‍යාපනය සහ සෞඛ්‍ය සේවාව ගැනත් සෑහෙන්න දේවල් සාකච්ඡා කෙරුවා.
මම මේ දේවල් මෙහෙම ලියන්නෙ ඇයි?
මේ, රටේ පැවැත්ම භයානක අනතුරකට මුහුණ දෙන මොහොතක්!
එක පැත්තකින් ලංකාව ව්‍යුහාත්මකව වෙනස් කරමින් දුර්වල රාජ්‍යයක් බවට පත්කරන්න සැලසුම් ක්‍රියාත්මක කරමින් ඉන්න එක්සත් ජාතීන් සහ ඔවුන්ගෙ ඒජන්තවරු විදිහට වැඩ කරන දෙමළ ඩයස්පෝරාව සහ NGOs ජාලය. අනෙක් පැත්තෙන්, ලංකාව ණය උගුලක හිර කොට, ඊනියා ආර්ථික ප්‍රතිසංස්කරණ ක්‍රියාවට නැංවීමට බලකරන, ආසියානු සංවර්ධන බැංකුව සහ විශේෂයෙන්ම ලෝක බැංකුව - ජාත්‍යන්තර මුල්‍ය අරමුදල. මේ සියළු ව්‍යපෘති සඳහා ඒකාබද්ධ මෙහෙයුමක් දියත්කරන යුරෝපා සංගමය. ඒ සියල්ලට සමගාමීව, රසායනික, බීජ, ඖෂධ සහ තවත් වෙළෙඳ මාෆියා භාරව සිටින බහු ජාතික සමාගම් ජාලය.
මේ පසුබිම තුළ, රටේ රාජ්‍ය ව්‍යවසායන් සියල්ල විකුණා දැමෙනවා, මුල්‍ය සහ විනිමය නීති ලිහිල් කෙරෙනවා. කොටස් වෙළෙඳපොළ ඇතුළු දේශසීමාවන් බිඳගෙන හැසිරෙන මුල්‍ය ව්‍යපෘති තව තවත් ව්‍යාප්ත කෙරෙනවා. රටට අනන්‍ය ආර්ථිකය බිඳ දැමෙනවා, විදේශිකයන්ට අවැසි පරිදි තම තමන්ගෙ වෙළෙඳ අරමුණු ඉටුකරගන්න පොළොව සකස් කෙරෙනවා.
ඒ සඳහා වැඩකරන ජනතා බදු මුදලින්, ඊනියා ජනතා නියෝජිතයන් 225 ක් සහ ජනාධිපතිවරයෙක් සැප දී නඩත්තු කෙරෙනවා. ඔවුන්ගෙ සහයට නිලධාරීන් - විවිධ වෘත්තිකයන් සහ ඊනියා බුද්ධිමතුන් රොත්තකුත් නඩත්තු කෙරෙනවා.
මේ, 1977 න් ආරම්භවන ගෝලීයකරණ මහා කොල්ලයෙ අවසන් කාලපරිච්ඡේදය.
1940 දශකයෙන් පස්සෙ ලංකාව, සුභ සාධන - ජනතාවාදී රාජ්‍ය ආකෘතියක් තුළ අත්පත් කරගත් ජනතාවාදී ජයග්‍රහණ සියල්ල සහ විශේෂයෙන්ම රටේ හදවත බඳු වූ,  නිදහස් අධ්‍යාපන සහ සෞඛ්‍ය සේවා අවස්ථා සියල්ල පියවරෙන් පියවර අහෝසි කරන්න සැලසුම් ක්‍රියාත්මක වෙන්නෙත් ඒ අනුව.
SAITM ජාවාරම නීතිගත කරගන්න මේ 'හැමෝම' දඟලන්නෙත්, ඊට පුර්ණ රාජ්‍ය ආරක්ෂාව ලැබෙන්නෙත්  අන්න ඒ ඓතිහාසික දේශපාලන සන්දර්භය තුළ තමයි.
ඔබට මම දැන් කෙළින්ම කියන්නං!
ජනාධිපති මෛත්‍රී ඉන්නෙත් SAITM පැත්තෙ.  මේ ජාවාරම පටන් ගන්න කල්ලියෙ එදා සහ අදත් ඔහු ප්‍රබල සාමාජිකයෙක්.
ඔබ ප්‍රමුඛ ශ්‍රී ලංකා රජයේ වෛද්‍ය වරුන්ගෙ සංගමය, ඔහුගෙන් මොනවද බලාපොරොත්තු වෙන්නෙ?
මහින්ද, මෛත්‍රී, SB, කිරිඇල්ල, රාජිත සහ තව සෑහෙන නඩයක් ඔය SAITM වටේ ඉන්නවා. අර ඊනියා ආර්ථික කොල්ල කරුවන්ට නෙවිල් ප්‍රනාන්දුලා - සමීර සේනාරත්න ලා තව තවත් ඕනෙ.
මේක සෙල්ලමක් නෙවෙයි. SAITM එකට දරුවො දාපු අය වගේම මිලියන ගණනින් අල්ලස් ගත්ත මහා කල්ලියක් එක්ක කොහොමද අපි ගනු දෙනු කරන්න ඕන?
බරපතළ විදිහට හිතන්න! තීරණය කරන්න!
ඔබට රජයේ සහ තවත් වෛද්‍යවරු දහස් ගණනකගෙ ශක්තිය ලැබෙනවා. මම වගෙ තවත් දේශපාලන ක්‍රියාකාරිකයොත් අලුතෙන් හැදෙන්න පටන් ගනියි. අපි ඉස්සරහටම යමු! කඩාගෙන යමු!
ඒත්, මට ඔබෙන් අහන්න වැදගත් එක ප්‍රශ්නයක් තියෙනවා. වෛද්‍ය අධ්‍යාපනයට අදාළ 'අවම ප්‍රමිතිය' ප්‍රකාශයට පත්කිරීම ගැන ඔබ හුඟාක් උනන්දු වෙනවා, ඒ ඇයි? ඒ හරහා SAITM නීත්‍යානුකුල කරන්න ඔබ උතසහ කරනවා කියලා කෙනෙක් චෝදනා කෙරුවොත්?
බලාගෙන! බොරු වලවල් හැමතැනම...
ඇත්තටම මොකද්ද මේ වෙමින් තියෙන්නෙ?
SAITM සම්බන්ධයෙන් කරන්න තියෙන්නෙ මෙච්චරයි;
( උපුටා දැක්වීම)
එහෙම නං කරන්න තියෙන හදිසි සහ විධිමත්ම දේ තමයි, SAITM විරෝධය ඉලක්ක ගතකරන එක.
ඔව්! අපට මෙන්න මෙහෙම ඒ යෝජනාව ගොනු කරන්න පුළුවං;
1. SAITM, ජාවාරමක් නිසා එහි ක්‍රියාන්විතය වහාම අත් හිටුවිය යුතුයි!
2. SAITM ජාවාරමට එරෙහිව නීතිය ක්‍රයාත්මක කළ යුතුයි! සහ අදාළ ඇමතිවරු ප්‍රමුඛ එකී ජාවාරමට සම්බන්ධ පුද්ගලයන්ට එදිරිව නීතිමය පියවර ගත යුතුයි!
3. SAITM ජාවාරම තුළ අගතියට පත්වන ශිෂ්‍ය ශිෂ්‍යාවන් සම්බන්ධයෙන් අවශ්‍ය සහ සුදුසු පියවර ගැනීමට, පහහ සඳහන් පාර්ශයන් සම්බන්ධ කෙරෙන කමිටුවක් බලගැන්විය යුතුයි;
A ) ශ්‍රී ලංකා වෛද්‍ය සභාව
B ) විශ්ව විද්‍යාල ප්‍රතිපාදන කමිෂන් සභාව
C ) උසස් අධ්‍යාපන අමාත්‍යාංශය
D ) සෞඛ්‍ය අමාත්‍යාංශය
E ) ශ්‍රී ලංකා රජයේ වෛද්‍යවරුන්ගේ සංගමය
F ) විශ්ව විද්‍යාල උපකුලපතිවරු සහ
G ) තවත් අවශ්‍ය වගකිව යුතු පාර්ශව
මෙතැනින් එහාට, නිදහස් අධ්‍යාපන අවස්ථා, සෞඛ්‍ය සේවාව සහ තවත් ජනතාවාදී - සුභසාධන රාජ්‍ය අවශ්‍යතා පිළිබඳ පුළුල් සංවාදය ගොඩනැගෙන්න ඕන!
ඒ, මේ අරගලයෙ ඊළඟ සහ ඉදිරි තත්වය!
CHAPA in Kandy, Feb 28, 2017
( උපුටා දැක්වීම අවසන් ) 
Dr. පාදෙණිය!
අපි ඔබ දිහා කල්පනාවෙන් බලාගෙන ඉන්නවා!
ඒ වගේම ඉතිහාසය මේ සියල්ල වග විභාග කරන අනිවාර්ය මොහොතක් උදාවෙනවා, එදාට මේ වැරදිකරුවන් සහ අපරාධකරුවන් ජීවතුන් අතර නැති වේවි, හැබැයි උන්ගෙ ළමයි, ළමයින්ගෙ ළමයි නියත වශයෙන්ම දඬුවම් ලබාවි! 
ඉතිං මේ අවස්ථාව ගන්න! අපි ඔබ සමඟයි!
( උපුටා දැක්වීම)
 "...අපට ඉතා ආදරණීය විදිහට සංග්‍රහකරන අතරෙ, පාදෙණියගෙ අම්මා මට හෙමින් මෙහෙම කිව්වා, '' අනේ ඉතිං පුතේ..මම නිතරම ඉතිපිසෝ භගවා...ගාථාව කියා කියා ඉන්නෙ...අපේ පුතාට කරදරයක් වෙන්න එපා කියලා..එයා tv එකේ කියන ඒවා මම බලනවා...''
තමන් කවදාවත් දැකපු නැති පුතෙකුට, තමන්ගෙ පුතා ගැන ගමක අම්මා කෙනෙක් කියන අහිංසක විදිහ!
''බය වෙන්න එපා, හොඳ දේවල්නෙ කියන්නෙ...'' මමත් ඇයට හෙමින් කිව්වා.
ලංකාවෙ මිනිස්සු!''
- ලංකාවෙ මිනිස්සු, මාර්තු 1, 2017- 
( උපුටා දැක්වීම අවසන් )
CHAPA
2017 මාර්තු  17

WHAT is goig on in he world? back to 2000!

CHAPA on Derana Gee Dam Pada, March 12, 2017, Part 3

CHAPA on Derana Gee Dam Pada, March 12, 2017, Part 2

CHAPA on Derana Gee Dam Pada, March 12, 2017, Part 1

    නොමඟ නොයවන්!

 

නොමඟ නොයවන්! කිව්වම නිකං භාෂාමය වැරැද්දකුත් කරනවා වගෙ නේද?භාෂාමය කෙසේ වෙතත් අපි සාමාන්‍යයෙන් ඔය වැරැද්ද නං කරනවා.
වැඩේ තියෙන්නෙ, නොමඟ කියනකොටම, එහෙනං මොකද්ද හරි මඟ කියලා දැනගන්නත් ඕනෙ. හරි වැරැද්ද ඉතිං සාපේක්‍ෂ නිසා මෙන්න මේක තමයි හරි මඟ, මෙන්න මේක තමයි වැරදි මඟ කියලා කෙනෙකුට එක පාරටම පෙන්නන්න අමාරුයි.
ඒත්, මේ ප්‍රයෝගික ලෝකය තුළ, ඒ ඒ සිද්ධීන්වලට අදාළව, අපිට සාමාන්‍ය අදහසක් තියෙනවානෙ. අන්න ඒ සම්මතය තුළ තමයි මේ සාකච්ඡාව ගෙනියන්න වෙන්නෙ. සමහර තැන් නං ඉතිං, කවදාවත් හරි - වැරැද්ද වෙන් කරගන්න බැරි තරමට සංකීර්ණයි.
අපි මේ සුන්දර උදෑසන මෙහෙම සරල තැනකට එමු!
ඔබ දැනුවත් ව, කෙනෙක් නොමඟ යවන්න එපා! ඒ කියන්නෙ, ඔබ දන්නවා, ඔබේ උපදේශය ලබන කෙනා, අවශ්‍ය ඉලක්කයට යන්න නං, කරන්න ඕන දේ. ඒ කියන්නෙ ඔහු හෝ ඇය යා යුතු මඟ.
ඔබ එහෙම දැනගෙන, මොකක් හරි යටි හිතේ තියාගෙන වෙන පාරක් පෙන්නනවා, මෙන්න මෙහෙම කරන්නකො! කියලා.
එක්කෝ ආත්මාර්ථකාමීකම, එක්කෝ කුහක කම, එක්කෝ ඊර්ෂ්‍යාව, එක්කෝ වෙන කාගේ හරි කොන්ත්‍රාත්තුවක්, 'නොදන්නාකම' නොදන්නා නිසා...ඔය ඕන විදිහකට කෙනෙක් තව කෙනෙක් නොමඟ යවන පුළුවන්.
එය කෙනෙකුගේ හැසිරීමෙන් තව කෙනෙක් ලබා ගන්න පෙළඹවීමක් වෙන්නත් ඉඩ තියෙනවා. උදාහරණයක් විදිහට අයහපත් හැසිරීමක් තියෙන තාත්තා කෙනෙක් දකින ඔහුගේ දරුවා ඉබේම ඒ පර දිගේ යන්න හුඟාක් දුරට ඉඩ තියෙනවා. 
උදේ පාන්දර, ඔළුව නරක කරන දේවල් කියනවා කියලා හිතන්නෙ නැතුව, ටිකක් හිතලා බලන්නකො.
එහෙනං හරිනෙ?
අනෙකාට මඟ පෙන්වන්න. නොමඟ පෙන්වන්න එපා. මඟ දන්නෙ නැත්තං නිකං ඉන්න, එක්කෝ, ඒ බව කියන්න.
ඒ වගේම, අනෙකා නොමඟ යන විදිහට හැසිරෙන්න නං එපා ඔන්න, හොඳේ?
ඔබට මඟ පෙනෙන, අනෙකාටත් මඟ පෙන්වන්න පුළුවන් යහපත් දවසක්!
CHAPA
2017 මාර්තු 17

CHAPA on Insight, Ada Derana, March 12, 2017, Episode 18

Sri Lanka! in the grip of IMF!

        අන්තරේ ළහිරු ට...

සහෝදරත්වයෙන් ලියමි!
ළහිරු, ඔබ සහ ඔබ ප්‍රමුඛ අන්තර් විශ්වවිද්‍යාලයිය ශිෂ්‍ය බල මණ්ඩලයෙ ක්‍රියාකාරකම් ගැන, මේ වනවිට රට තුළ විශේෂ උනන්දුවක් ඇතිවෙලා තියෙනවා. ඊට ආසන්නතම හේතුව වෙන්නෙ SAITM විරෝධී සටන. ඒ ජනතා උනන්දුවට ප්‍රධාන හේතුව මාධ්‍ය මැදිහත්වීම, විශේෂයෙන්ම රුපවාහිනී චැනල සහ ඊට සමගාමීව සමාජ මාධ්‍ය ජාලා ඔස්සේ මැවෙන උණුසුම් ප්‍රවෘත්ති.
මේ හොඳ දේශපාලන ප්‍රවණතාවක්!
ලෝක ඉතිහාසය පුරාවට, රටවල් කීපයකම ඉතා ප්‍රබල ශිෂ්‍ය ව්‍යාපාර ක්‍රියාත්මක වුණා විතරක් නෙවෙයි, ඒ දේශපාලන මැදිහත්වීම් නිසා ඉතිහාසය වඩා ජනතාවාදී ලෙස වෙනස් වුණා. මේ ශිෂ්‍ය අරගල පසුබිමේ තියෙන්නෙ විද්‍යාත්මක සමාජවාදය. අධ්‍යාපනය කියන්නෙ ජනතාවගෙ පරම අයිතියක්! කියන තේමාව දේශපාලනිකයි, ඒ නිසාම ඓතිහාසිකයි.හේතුව, අධ්‍යාපනය තමයි 'දැනුම' සම්පාදනය කරන්නෙ.
දැනුම තමයි ලෝකය වෙනස් කරන ගමක බලවේගය.
නුතන ධනේශ්වරය හෙවත් ගෝලීයකරණය හරහා දැනුම උත්පාදනය කරන අධ්‍යාපනය මුළුමනින්ම පොදු ජනයාගෙන් ගැළවෙනවා සහ එය ධනේශ්වරයෙ හිමිකරුවන්ට සහ ඔවුන්ගෙ නියෝජිතයන්ට සීමා වෙනවා. දුප්පත් කම සහ නුගත්කම එකට ගමන්කරන නිසා ධනේශ්වරය ඉදිරියට පවතින්න නං එහෙම කරන්නම වෙනවා.
මේ වනවිට, ලංකාව වගෙ රටවල් ණය උගුලක හිර කරලා, ''උඹලා, අතට අහුවෙන හැම දෙයක්ම විකුණාපල්ලා!අපේ ණය වාරික ගෙවාපල්ලා, අපේ එවුන්ට උඹලගෙ සම්පත් කොල්ල කන්න ඉඩ දීපල්ලා!'' කියලා දෙන උපදෙස් තමයි, JR ලා, ප්‍රේමදාස ලා, චන්ද්‍රිකා ලා, මහින්ද ලා, මෛත්‍රී - රනිල් ලා... සහ උන්ගෙ ගෝල බාලයන් දිගටම කරන්නෙ.
මේ අතර, රටේ පැවැත්මට අතිශය තීරණාත්මක, නිදහස් අධ්‍යාපනය සහ සෞඛ්‍ය සේවාව මුදලාලිකරණය කරලා ඉවරකරන එක විශේෂ මෙහෙයුමක් හැටියටම, පියවරෙන් පියවර ඉස්සරහට යනවා.
SAITM ජාවාරම සඳහා මෙච්චර සංවිධානාත්මක රාජ්‍ය ආරක්ෂාවක් ලැබෙන්නෙත් අන්න ඒ නිසා. අර කියන ඊනියා ජාත්‍යන්තරයට සහ ඒ වෙනුවෙන් කැපවන අපේ ඊනයා දේශපාලන නියෝජිතයන්ට නෙවිල් ප්‍රනාන්දු ලා - සමීර සේනාරත්න ලා තව තවත් ඕන!
පාර්ලිමේන්තුව නියෝජනය කරන එක ඊනියා ජනතා නියෝජිතයෙක්වත් ඊට ඇත්තට විරුද්ධ නැහැ. ජනතා විමුක්ති පෙරමුණ ඊට එරෙහිව පෙනී හිටියත්, ඔවුන් තම පක්ෂ ආකෘතිය තුළම සිරගතවීම නිසා, අද වෙනකොට, නොදැනුවත්ව ම රටේ අර්බුදයෙ ප්‍රධන කොටසක් බවට පත් වෙලා.
ඔබට මේ සටහන ලියන්න ඉතිහාසය බලකරන්නෙ අන්න ඒ වට පිටාව තුළ.
ළහිරු!
මේ වනවිට ඔබ නොදැනුවත්ව ම, මේ ජනමාධ්‍ය වෙළෙඳපොළ තුළ ඔබ සහ ඔබ නායකත්වය දෙන මහා ශිෂ්‍ය ව්‍යාපාරය විකිණෙන්න පටන් අරං. හොඳට බලන්න! විවිධ සමාජ ක්‍රියාකාරිකයන් ඔබේ SAITM විරෝධී සටන සමඟ සම්බන්ධ වී සිටින බව කියවෙන ප්‍රවෘතිවල බොහෝ විට පේන්නෙ ඔබේ මුහුණ විතරයි, ඇහෙන්නෙ ඔබේ හඬ විතරයි. ඒ ඔබට තියෙන ජනප්‍රියත්වය නිසා කියලා වගෙ පෙනුණාට ඒකෙන් කෙරෙන්නෙ ඔය සටන් පෙරමුණ හකුළුවන එක.
ඒ අතරම, ඔබේ වේදිකාවට ගොඩවන හැම කෙනෙක් ම, නිදහස් අධ්‍යාපනය සහ සෞඛ්‍ය සේවාව ආරක්ෂාකොට පෝෂණය කිරීම ගැන ප්‍රධාන - මූලික එකඟතාවක ඉන්නවා ද කියන ප්‍රශ්නයත් මෙතැනදී ම එනවා. හේතුව, ඒ සමහර අය මෙතෙක් කාලයක් ඒ වෙනුවෙන් පෙනී නොහිටපු සහ මේ ධනේශ්වර මෙහෙයුම වෙනුවෙන් පෙනීහිටපු අය.
මේ තත්වය ඉතාම සංකීර්ණයි!
රජයේ වෛද්‍ය නිලධාරීන්ගේ සංගමයටත් ඒ ඒ ප්‍රවෘතිවල සමාන ඉඩක් ලැබෙනවා වුණත් ඔවුන් පෙනී හිටින්නෙ, SAITM, එහි ප්‍රමිතිය සහ ශ්‍රී ලංකා වෛද්‍ය සභාව අතර දෝලනය වන කාරණා සීමිත ප්‍රමාණයකට. නිදහස් අධ්‍යාපනය සහ සෞඛ්‍ය සේවාව ගැන ඔවුන්ගෙ ලොකු දේශපාලන මැදිහත්වීමක් නැහැ. ඒ නිසාමත් තත්වය තව තවත් හැකිළෙන්න ගන්නවා.
ඔබට තවත් වැදගත් යමක් කියන්න තියෙනවා!
මාධ්‍ය කරුවෙක් සහ දේශපාලන ක්‍රියාකාරිකයෙක් හැටියට, මම, රාවය සහ TNL ප්‍රමුඛ ප්‍රකට මාධ්‍ය ආයතන සමඟ සහ ඉන් අනතුරුව 'නිදහස්' නවමු මාධ්‍යයක් හඳුන්වාදෙමින්, මේ රටේ නිදහස් අධ්‍යාපනය සහ සෞඛ්‍ය සේවාව ආරක්ෂාකරමින් පෝෂණය කිරීම ඇතුළු ජනතාවාදී රාජ්‍ය මැදිහත්වීමේ අවශ්‍යතාව වෙනුවෙන් දීර්ඝ කාලයක් අරගල කරමින් ඉන්නවා.
එහි උපරිම අවස්ථාව තමයි, මෙරට සියළු භූගත සහ මතුපිට ජල සම්පත් ඒකක මිලකට යටත්කොට විකුණා දැමෙන අතිශය මාරාන්තික වෙළෙඳ කුමන්ත්‍රණයට එරෙහිව, වසර 2000 පටන් සටන් කරන එක. ''ජල රකුසන්ට එරෙහිව...'' යනුවෙන් ඒ ගැන ලියැවෙන කෘතියට, NGOs ඒජන්තවරු 5 දෙනෙක් කෝටි 15 ගණනෙ අපහාස වන්දි ඉල්ලලා නඩු පැවරුවා.
ඔබ දන්නවා ද? මේ කිසිම ජනමාධ්‍යක් ඒ නඩුව ගැන වාර්තා කෙරුවෙ නැහැ. ඒ නඩුව ඇහෙනකොට, උසාවිය තුළ ඉතුරු වෙන්නෙ මමයි මගෙ නීතීඥ මිත්‍රයයි විතරයි. අවුරුද්දකට වැඩි කාලයක් උසාවියෙ රස්තියාදු ගහලා, තාක්ෂණික හේතු මත නඩුව ඉවත්කරවන්න අන්තිමට අපිට පුළුවන් වුණා. මුළු මානව ශිෂ්ටාචාරයටම අතිශය බලපාන සහ මේ ව්‍යාපෘතිය ලංකාවෙ ක්‍රියාත්මක වෙන්න පටන් ගත්තොත් නැති බැරි එවුන්ට සා පිපාසාවෙ මැරෙන්න සිද්ධවෙන, මේ මහා අවනඩුව මගෙ පුද්ගලික වැඩක් වුණේ කොහොමද?
මිනිස්සු දැන් ඉන්නෙ වෙළෙඳපොළ තුළ පිස්සු වැටිලා! උන්ට මොකුත්ම ඕන නැහැ. ජනමාධ්‍ය කියන්නෙත් මේ මාර්කට් එකේ ප්‍රබල කොටසක්. ඉතිං උන් වෙනුවෙන් ( අපි වෙනුවෙන්! ) කරන දේශපාලන අරගලය උන්ට ඕන නැහැ. අපට ඕන නං, ඒ ඕනකම වඩා විද්‍යාත්මකව වටහා ගන්න ඕනෙ. ඒ මත විධිමත්ව සංවිධානය වෙන්න ඕනෙ.
ළහිරු!මේ අත්දැකීම ඔබත් එක්ක බෙදාගන්න ඕන වෙන්නෙ, ඔබ ප්‍රමුඛ ශිෂ්‍ය අරගලය ගැන ආපිට හිත බලන්න ඔබට යෝජනා කරන්න!
මේ මොහොත ඉතාමත්ම හොඳයි! පවතින තත්වයන් ගැන ඔබේ හැදෑරීම් තීව්‍ර කරන්න. රටේ ඉදිරි ගමන් මඟ ගැන, ජනමාධ්‍ය ජනප්‍රියත්වය අභිබවා යන පුළුල් සංවාදයක් ගොඩනගන්න මැදිහත් වෙන්න. නිශ්චිත තේමාවන් ඔස්සේ ජනයා දැනුවත් කරන්න පුළුල් වැඩ පිළිවෙළකට මාරුවෙන්න.
මේ දැන්ම, මේ මොහොතේම...
එහෙම නැත්තං ඉතාමත්ම කෙටි කාලයක් තුළ ඔය අරගලය සාමාන්‍ය සිද්ධියක් බවට පත්වෙනවා. සමහරවිට, මේ ඔබට, මට සහ අපට ලැබෙන අන්තිම අවස්ථාව වෙන්නත් පුළුවන්.
ඔබට සහ ඔබ ප්‍රමුඛ ලාංකේය ශිෂ්‍ය ව්‍යාපාරයට ජය!
CHAPA
2017 මාර්තු 16

  හිත හදා ගන්න!

හිත හදා ගන්න! කියලා ඔබ කාට හරි කියන්නෙ මොන වගෙ අවස්ථාවක ද? හොඳට මතක් කරලා බලන්න, එක එක අය ඔබටත් එහෙම කියලා ඇති.
ජීවිතය සමහර වෙලාවට දුෂ්කර වෙනවා. අපි කැමතිම දේවල් සිද්ධ වෙන්නෙ නැහැ. නොහිතන දේවලුත් ඕන තරම් වෙනවා. එහෙම සිද්ධවෙන දේවල් නවත්තන්නම බැරි වග තේරුණොත් ''හිත හදා ගන්න'' වෙනවා.
''කමක් නැහැ! මොනවා කරන්නද?''
''එහෙනං එහෙමයි...''
''එන විදිහකට මුණ දෙනවා..''
ඔහොම තමයි ඉතිං අපි සාමාන්‍යයෙන් හිත හදා ගන්නෙ. ඒකත් එක විදිහක උපේක්ෂාවෙන් හිතන් විදිහක්. ඇත්තටම, පහසුවෙන් ජීවිතය ගෙනියන්න නං මේ භාවිතය ඕන. එය පුරුද්ද විදිහට හදා ගන්න ඕන.
හැබැයි මෙයින් කියවෙන්නෙ, අර සමහරු කරනවා වගෙ වැඩ අත හැරලා දාන එක නෙවෙයි. ඒ කියන්නෙ, අපේ සමහරු උනන්දුවක් නැති කම සහ විශේෂයෙන්ම කම්මැලිකම නිසා, ''ඔන්න ඔහේ ඉන්නවා!'' කියලා කරන්නං වාලෙ වැඩ කරගෙන යනවා.
මේ යෝජනාව ඊට වෙනස්.
මෙහෙම හිතන්න, යමක් සඳහා උපරිම කැපවීමෙන් සහ උනන්දුවෙන් වැඩ කරලත්, අවශ්‍ය ඉලක්කයට යා ගන්න බැරි වුණොත්? අඬලා දොඩලා දුක් වෙලා වැඩක් නැහැනෙ. ඊළඟ තත්වයට මුහුණ දෙන්න ඕන. ඒ අතර, වෙච්ච වැරැද්ද නැවත නොවෙන්න පරිස්සම් වෙන්න කල්පනා කරන එක, යම් පාඩුවක් හෝ අවාසියක් වුණා නං එය ආවරණය කරගන්න හැටි හිතන එක වැදගත්. ඉතිං එහෙම කරන්නත් හිත අවුල් කරගෙන බැහැනෙ.
හිත හදා ගන්න කියන්නෙ අන්න ඒකයි!
මතක තියා ගන්න, හිත හදා ගන්නවා කියන්නෙ පරාජයක් නෙවෙයි. පසුගාමී මානසික තත්වයකුත් නෙවෙයි. ඒත් එය නිර්මාණශීලී විදිහට කරන්න ඉගෙන ගන්න ඕන!
ඔන්න මේ අලුත් දවස, එහෙම නං හිත හදාගෙනම පටන් ගන්න! අලුත් විදිහකට...
ඔබට සුභ ගමන්!
CHAPA
2017 මාර්තු 16

INSIGHT Episode 18 - Wasantha Samarasinghe

නිදහස් by CHAPAbandara: ගරු කරන්න! ඒත්... ගරු කරන්න! ඒත්...ඇයි ඒත් කි...

නිදහස් by CHAPAbandara:    ගරු කරන්න! ඒත්...
ගරු කරන්න! ඒත්...
ඇයි ඒත් කි...:    ගරු කරන්න! ඒත්... ගරු කරන්න! ඒත්... ඇයි ඒත් කියලා නැවැත්තුවේ? නේද? ගරු කරන්න කිව්වාට, කාට ද? කොහොම ද? ඒවා ලොකු ප්‍රශ්න. ඇත්තටම &...

   ගරු කරන්න! ඒත්...

ගරු කරන්න! ඒත්...
ඇයි ඒත් කියලා නැවැත්තුවේ? නේද?
ගරු කරන්න කිව්වාට, කාට ද? කොහොම ද? ඒවා ලොකු ප්‍රශ්න.
ඇත්තටම ''ගරු කිරීම'' කියන්නෙ මොකද් ද? එනකොට ඉඳගෙන ඉන්න තැනින් නැගිටින එක, ඔළුව ටිකක් නවලා ආචාර කරන එක, වඳින එක, ජපානය වගෙ රටවල් වල නං සම්ප්‍රදාය වෙන්නෙ ශරීරයම නවලා ආචාර සමාචාර කරන එක.
ඔය වඳින එකත් එක එක රටවල දි වෙනස් අරුත් ගන්නවා. ඊළඟට, කෙනෙකුට ගරු කරන ආමන්ත්‍රණ එහෙමත් තියෙනවා. ඒ අතර, 'ගරු' අහවලා කියලත් කියනවා.
සමාජය තුළ ප්‍රභූ තත්වයක් හදාගෙන ඉන්න අයට ගරු කරන්න ඕන කියන සම්මතය ලෝකය පුරාම වගෙ තියෙනවා, ඒ අතර පූජක පක්ෂය විශේෂයි. සමහර වෘත්තීන් තියෙනවා අනිවාර්ය ගරු කිරීම අයිති. හොඳම උදාහරණය විනිසුරුවරු. විනිසුරුවරයෙකුට ගරු කිරීම සඳහා සෙස්සන් නීතියෙන් පවා බැඳෙනවා.
මානව සමාජය පවතින්නෙ එකිනෙකාට ගරු කිරීම මත කියලා කෙනෙකුට කියන්නත් පදනමක්තියෙනවා. ''ගරුත්වයක් ඇතුව ජීවත් වෙන්න හැම කෙනෙකුටම අයිතියක් තියෙනවා!'' කියලා තර්ක කරන්නත් ඊලඟට පුළුවන්. 
ඔය ඔක්කොම ඔහොමම තියෙද්දි, අපි ආදරය කරන අයට සහ සමීපතයන්ට ගරු කරන එක ගැන ටිකක් හිතලා බලමු ද?
ඇත්තටම ඔබ එහෙම අයට ගරු කරනවා ද?
ගෙදර අය! අම්මලා තාත්තලා, සහෝදර සහෝදරියො, බිරිඳ සැමියා සහ දු දරුවො...තවත් නෑදෑයො, මේ එකිනෙකා ගැන, එකිනෙකාට තියෙන ගරු කිරීම කොයි වගේ ද? කොටින්ම, ඔබ ඔබේ පවුල තුළ දකින ගරුත්වය ගැන සතුටු ද?
සාමාන්‍යයෙන් වෙන්නෙ නං සමීප අයට තියෙන ගරු කිරීම, කාලයත් එක්ක අඩුවෙලා යන එක. ආදරයෙන් බැඳෙන දෙන්නෙක් අතර, කාලයක් යනකොට එකිනෙකාට තියෙන පිළිගැනීම වගේම ගරු කිරීමත් අඩුවෙලා දවසක නැත්තටම නැති වෙන්නත් ඉඩ තියෙනවා.
ම්ම්ම්..මෙහෙම කිව්වාට, ගරු කිරීම කියන්නෙ මොකද්ද කියලා, අපි හරියටම කල්පනා කරන්න ඕනෙ.
අර කලින් කියපු, එනකොට නැගිටින එක වගෙ දේවල් නං ඉතිං සංස්කෘතික පුරුදුනෙ. ඔහේ කරනවා. සමහරු සමහර වෙලාවට බයටත් කරනවා. කරන්නම වෙන නිසාත් කරනවා.
ගරුකිරීම තුළ ඇත්තටම දියුණු මට්ටමෙන් 'ආදරය' ගැබ්වෙලා තියෙනවා, හෙමින් හිතන්න!
ගරු කිරීම කියන්නෙ ආදරයෙම උපරිම අවධියක්.
හරියටම ගත්තොත්, ආදරය වැඩි වෙනකොට ගරු කිරීම වැඩි වෙනවා.
අපේ සම්ප්‍රදායික ගොවිතැන් බත් කරන ගැමියන්, තවමත් ස්වභාධර්මයට ගරු කරන හැටි බලන්න. ඔවුන් පොළොවට වඳිනවා, හරකා බානටත් වඳිනවා. කෘෂි උපකරණ වලටත් වඳිනවා. ගහ කොළ වලටත් වඳිනවා. ඒ කවුරුවත් කියන නිසා නෙවෙයි.
ඔවුන්ට බත සරි කරන දේ ගැන ඔවුන්ට තියෙන්නෙ අසීමිත ආදරයක්. බැඳීමක්.
මානව ශිස්ටාචාරය ආරම්භක අවධියේදී, නොතේරෙන දේවල් අදහන්න පටන් ගන්න එක නෙවෙයි මේ කියන්නෙ. ඒ අර්ථයෙන් ගස් ගල් වලට වඳින්න පුරුදු වෙච්ච එකත් නෙවෙයි. මේ, ආදරය සහ පිළිගැනීම එක්ක මුහු වුණු වෙනස් හැඟීමක්.
ඔබත් උත්සහ කරලා බලන්න, ''ආදරයට ගරුකිරීම සහ ගරුකිරීමට ආදරය'' එකතු කරන්න.
මෙහෙම කියන නිසාම බලන්නකො, ඔබට හිතා ගන්න බැරි තරමට ඔබේ ජීවිතය සුන්දර වෙයි!
සුභ දවසක් එහෙනං!
CHAPA
2017 මාර්තු 15

Chapa against So called water management

නිදහස් by CHAPAbandara: SAITM ජාවාරමට මෙච්චර රාජ්‍ය ආරක්ෂාවක්? ලංකා ඉතිහ...

නිදහස් by CHAPAbandara:   SAITM ජාවාරමට මෙච්චර රාජ්‍ය ආරක්ෂාවක්? ලංකා ඉතිහ...:   SAITM ජාවාරමට මෙච්චර රාජ්‍ය ආරක්ෂාවක්?   ලංකා ඉතිහාසයෙ, එදා මෙදා තුර, කිසිම පක්ෂ භේදයකින් තොරව, යම් ජාවාරමකට උපරිම රාජ්‍ය ආරක්ෂාව ලබ...

  SAITM ජාවාරමට මෙච්චර රාජ්‍ය ආරක්ෂාවක්?

 ලංකා ඉතිහාසයෙ, එදා මෙදා තුර, කිසිම පක්ෂ භේදයකින් තොරව, යම් ජාවාරමකට උපරිම රාජ්‍ය ආරක්ෂාව ලබා දෙන්න විවිධ පාර්ශ්ව එකතු වුණා නං නං, ඒ SAITM සඳහාමයි.

හිටපු ජනාධිපති මහින්ද රාජපක්ෂ, එවකට සෞඛ්‍ය ඇමති සහ වත්මන් ජනාධිපති මෛත්‍රීපාල සිරිසේන, එවකට උසස් අධ්‍යාපන ඇමති SB දිසානායක, මෙදා ඒ ඇමති ධුරයම දරන ලක්ෂ්මන් කිරිඇල්ල, අද සෞඛ්‍ය ඇමති රාජිත සේනාරත්න...ප්‍රධන වශයෙන් මේ කණ්ඩායම සහ වෛද්‍ය නෙවිල් ප්‍රනාන්දු එකට එකතුව අරඹා පවත්වාගෙන යන මේ SAITM ජාවාරම හරහා තවත් විශාල පිරිසකට මිලියන ගණනින් මුදල් වරදාන ලැබෙන නිසා තත්වය තවත් සංකීර්ණයි. මේ අතර වෛද්‍යවරු ප්‍රමුඛ වෛද්‍ය සේවාවට සම්බන්ධ විවිධ වෘත්තිකයන් කල්ලියකුත් ඉන්න නිසා තත්වය භයානකයි.
මෙහෙම වෙන්න ප්‍රධන හේතුව තවම හරියට පොදු සංවාදයකට ඇවිත් නැහැ.
ලංකාව ණය උගුලක හිරකරන ලෝක බැංකුව සහ විශේෂයෙන්ම ජාත්‍යන්තර මුල්‍ය අරමුදල, දශක ගණනාවක් තිස්සෙ උපදෙස් දෙමින් ඉන්නෙ, රටේ රාජ්‍ය සුභ සාධනය අහෝසි කරන්න කියලා. නිදහස් අධ්‍යාපනය සහ සෞඛ්‍ය සේවාව අහෝසි කරන්න කියන කොන්දේසිය ඔවුන් එකාබද්ධව පනවලා තියෙන්නෙ.
චන්ද්‍රිකා බණ්ඩාරනායක, සරත් අමුණුගම, බන්දුල ගුණවර්ධන සහ තවත් අය, සිය කැමැත්තෙන්ම කාලයක් තිස්සෙ මේ ජනතා විරෝධී ක්‍රියාවලිය ඉස්සරහට අරගෙන යනවා.
නෙවිල් ප්‍රනාන්දුලා සහ සමීර සේනාරත්නලා වගෙ කට්ටිය එකතුවෙලා, ජනයා නොමග යවා, වංචා කොට SAITM පටන් ගත්තෙත්, මහින්ද රාජපක්ෂ ජනාධිපතිවරයාගෙ අනුග්‍රහය මත ලංකා බැංකුව රුපියල් මිලියන 600 ක ණයක්, ඒ ජාවාරමට ලබා දුන්නෙත් ඒ පසු බිම තුළයි.
තාජුඩීන් ඝාතන සිද්ධියත් මෙතැනට සම්බන්ධ වෙනකොට, ඉතාම ජනතා විරෝධී පාදඩ දේශපාලනයක් එතැනින් ඉස්මතු වෙනවා.
ඉතිං, මේ ශිෂ්‍ය ව්‍යාපාරයට හිතාගන්වත් බැරි මට්ටමේ දුෂ්ට සතුරු කඳවුරක් රට තුළම දැන් තියෙනවා.
බලන්න! බයියො - ටොයියො වෙනසක් නැහැ, එජාප - ශ්‍රීලනිප වෙනසක් නැහැ. ඔක්කොම එකයි. මහින්දවාදියො, යහ පාලනකාරයො, පුරවැසිකාරයො, NGO කාරයො, බෞද්ධ බලවේග, අර බලවේග, මේ බලවේග...ඔක්කොම එකතුයි.
පුදුමෙ කියන්නෙ, සල්ලි කාරයො නං හරි කියමුකො, එදා වේල කාගන්න බැරි දුප්පත් එවුණුත් SAITM ජාවාරම වෙනුවෙන් පෙනී ඉන්නවානෙ!
අනේ! අපේ රට!
CHAPA
2017 මර්තු 14

   වගකීම් දරන්න ඔබ සුදානම් ද?

එතකොට ඔබ කියයි, ඔව්! මොකද නැත්තෙ? මම වගකීම් දරනවා නේන්නං! කියලා.
ඇත්ත! ඔබ උපතින්ම බැඳෙන වගකීම් සමූහයක් තියෙනවා තමයි. ගෙදර ඉන්න කට්ටියත් එක්ක විශේෂයෙන්ම. ඊළඟට නෑදෑයො සහ හිතවතුන් සමඟ, පාසල් ජීවිතය තුළ, උසස් අධ්‍යාපන කටයුතු වලදි, වැඩකරන තැන්වල...ඔන්න ඔහොම එක එක විදිහෙ වගකීම් ඔබට ඇති.
මේ හැම වගකීමක්ම ඔබ හරියට දරන්න ඇති, දැනටම දරනවාත් ඇති. ඒත්, යම් යම් වෙලාවල් වල ඔබෙන් ගිලිහුණු වගකීම් ගැන ඔබට අවබෝධයක් තියෙනවා ද?
පුද්ගලික ජීවිතයෙ වගේම පොදු - සමාජ ජීවිතයෙත්!
විශේෂයෙන්ම හුඟාක් අයගෙන් ගිළිහෙන්නෙ පොදු වගකීම්. සමහර වෙලාවට පුද්ගලික ජීවිතයෙ වගකීම් දරන්න ගිහින් පොදු වගකීම් නොසලකා හරින හොඳ තාත්තලා, හොඳ අම්මලා, හොඳ අයියලා, හොඳ අක්කලා...හොඳ අහවලා! එහෙමත් කට්ටිය ඉන්නවා.
නිකං හිතන්න, තමන්ගෙ පවුලට උපරිම වගකීම් ඉටුකරන සහ සමාජ යුක්තිය මගහරින විනිසුරුවරයෙක්, දුෂණ, වංචා සහ අක්‍රමිකතා හරහා මුදල් උපයා පවුලට සලකන දේශපාලඥනයෙක්. රෝගීන් ගැන වැඩි උනන්දුවක් නැති, එහෙත් තමන්ගෙ දරුවො මල් වගෙ බලා ගන්න වෛද්‍යවරයෙක්.
ඔබ එහෙම කෙනෙක් නෙවෙයි වෙන්න පුළුවන්, ඒත් එහෙම අය ඉන්නවා. හරියටම බැලුවොත් එහෙම අය වැඩියි.
එතකොට, පොදු - සමාජ වගකීම් නොසලකා හරින ලෝකයක පුද්ගලික ජීවිත යහතින් පවතියි කියලා ඔබ විශ්වාස කරනවා ද? නැහැ! එහෙම වෙන්නෙ නැහැ. පොදුවෙ හිතන්න, එතකොට ඉබේම තම දරු පවුල් රැකෙන්න පටන් ගන්නවා.
හොඳයි! එදා මෙදා අපෙන් ගිලිහුණු වගකීම් අමතක කරමු! ඒ වෙනුවට නැවත එහෙම නොවෙන්න වග බලා ගන්න එකනෙ වැදගත්. නේද?
එහෙම නං අපි මේ  අලුත් දවසෙ අලුත් විදිහකට වැඩ පටන් ගම්මු!
මම ගෙදරට වගේම පොදු සමාජයටත් වගකීම් වලින් බැඳෙන කෙනෙක්, ඒ නිසාම මම ඒ හැම වගකීමක්ම දරනවා, ඒවා ඉටු කරනවා! අන්න එහෙම හිතලා ඉස්සරහටම යමු.
ගමන සුබයි!
CHAPA
2017 මාර්තු 14

Chapa on RIGHT CLICK- Ran fm 2015.03.21

   සුහදව වෙන් වෙමු!

නැහැ, නැහැ! ඔබට නෙවෙයි මේ කියන්නෙ!
දැන් මෙයත් එක්ක එකට ඉන්න බැහැ, අපෝ! මෙයත් එක්ක දැන් වැඩ කෙරුවා ඇති! මම හිතුවෙ එයා හොඳ කෙනෙක් කියලා...ඔන්න ඔහොම හිතලා - කියලා සමහරු එකිනකාගෙන් වෙන් වෙන්න හදනවානෙ. ඉතිං එහෙම වෙලාවක තරහා වෙන්නෙ නැතුව,  සුහදව එකතු වෙනවා වගේම ඕන නං සුහදව වෙන් වෙන්නත් පුළුවං.
අන්න ඒකයි මේ කියන්නෙ.
යාළු මිත්‍රයන් ට, කොටස් කරුවන් ට, ප්‍රේමවන්තයන් ට, විවාහකයන් ට...ඕන කෙනෙකුට මේ 'සුහද ක්‍රමය' අනුගමනය කරන්න පුළුවං, තව දුරටත් එකට ඉන්න හෝ වැඩකරන්න කැමැත්තක් නැත්තං.
දැන් සාමාන්‍යයෙන් වෙන්නෙ, එකට ඉඳලා මොකක් හරි හේතුවකට වෙන් වෙනකොට තරහකාරයො බවට පත්වෙන එක. වෛරක්කාරයො බවට පත්වෙන එක. සමහරු අර ආදරය කරපු, ලෙන්ගතු පාපු විදිහටම හෝ ඊටත් වැඩියෙන් ද්වේශ කරන්න ගන්නවා, වෛර කරන්න ගන්නවා.
ඇයි එහෙම වෙන්නෙ?
එහෙම වෙන්න බැහැ! සුහදව එකට වැඩ කරලා, එකිනෙකාට ආදරය කරලා, පස්සෙ පළිගන්න හිතෙන්නෙ කොහොමද? ඒ මනුෂ්‍ය ලක්ෂණයක් නං නෙවෙයි. අනෙක් සත්තු වුණත් එහෙම කරන්නෙ නැහැ, සාමාන්‍යයෙන්.
අපි මේ දැන් ඉඳලා වෙනස් විදිහකට හිතන්න පටන් ගම්මු!
අදාළ සම්බන්ධතාව ගොඩනගාගෙන - පවත්වාගෙන යන්න උපරිම අවස්ථා අරගෙන - අරගෙන බැරිම තැනදි අත හරින්න, හැබැයි සුහදව.
හොඳට මතක තියාගන්න! ඔබ, ඔබට සමීපව හිටපු කෙනෙකුට ද්වේශ කරනකොට - ඒ කෙනාගෙන් පළිගන්න හදනකොට, ඔබ සහ ඒ කෙනා වටේ ඉන්න දන්නා කියන බුද්ධිමත් අය, කෙළින් ඔබට නොකිව්වත් හිත යටින් හරි ඔබව ප්‍රතික්ෂේප කරනවා.
''අපෝ! මහා ජරා එකෙක් ( එකියක් )!'' කියලා හිත යටින් හරි ඔබට දොස් නගනවා. කෙනෙක් ඔබේ ඒ වැඩ පිලිගන්නවා නං, පරිස්සමින්! ඒ, වෙන යටි අරමුණක් ඇතුව.
අද මේ අලුත් දවසෙ, පටන් ගත්තෙ ලොකු කතාවක් වුණාට, කල්පනාවෙන් වැඩකෙරුවොත්, අමාරු වෙන්නෙ නැහැ.
මතකනෙ! සමුගන්නවා නං ඒ සුහදව විතරයි!
CHAPA
March 13, 2017
  

SAITM විරෝධය! Fort, March 8, 2017 ( X )

SAITM විරෝධය! , Fort, March 8, 2017

   මැදින් පෝය, අද!

මැදින් පෝය, අද!
'පෝය' කියන්නෙ හඳ එළිය හරහා 'බුදු දහම' පිළිබඳ මඟ සළකුණු වන විදිහ.
බුදු දහම කියන්නෙ ආයෙත්, හඳ ඇතුළු අනන්ත අප්‍රමාණ විශ්වය ජීවිතය හරහා තේරුම් ගන්න දහම, අවිද්‍යාව දුරුකරන විද්‍යාව.
බෞද්ධ බෞද්ධ කිව්වට මේ යථාර්ථය වටහා ගන්න උත්සහ කරන්නෙ කොච්චර සුළු පිරිසක් ද?
එකම ප්‍රශ්නය, බුදු දහම 'ආගමක්' බවට පත්වෙලා, දේශපාලන මෙවලමක් වන තැනදිම එහි ගැඹුරු සහ පුළුල් අන්තර්ගතය සීමාවකට කොටු වෙනවා. එය එතකොට, එක විදිහක භෞතික ලෝකයක්. කෙනෙක් තර්ක කෙරුවොත්, මේ බුද්ධාගම නිසා තමයි බුදු දහම පිළිබඳ දැනුම් පද්ධතිය, ආරක්ෂා වෙලා ඉදිරියට පවතින්නෙ කියලා ඒ තර්කයත් හරි.
ඒ අනුව තමයි, ලංකාවෙ දි, බුද්ධාගම ට රාජ්‍ය ආරක්ෂාව ලැබීම වැදගත් වෙන්නෙ.
කොහොම වුණත්, බුදු දහම පිළිබඳ ජීවන අත්දැකීම සරලයි, ඒත් සංකීර්ණයි. එය භාවිත අරුතෙන් අත්පත්කරගන්න ඕන දැනුමක් මිස කට පාඩමෙන් හෝ වචන හරඹයකින් දිනා ගන්න පුළුවං යමක් නෙවෙයි.
ඔබට කියන්නද, වෙනස් කතාවක්?
පහුගිය දවසක, මේ fb හරහාම, බුදු දහම පිළිබඳ පුළුල් සංවාදයක් ගොඩනගාගන්න උත්සහ කෙරුවා, සමහර විට ඔබට මතක ඇති. අන්තිමට බුද්ධගම අයිතිකරගෙන ඉන්න කට්ටියක් නිසා බුදු දහම පිළිබඳ ඒ සංවාදය දියවෙලා ගියා.
දන්නවා ද? එක මිත්‍රයෙක් ඉන්නවා, මේ සංවාදය ගැන සෑහෙන්න උනන්දු වුණු. අන්තිමට ඔහු එක තැනක හිර වුණා. ඒ, සත්තු මරණ එක තමයි අකුසල කර්මය, ඒවා කන එක ප්‍රශ්නයක් නැහැ! කියලා කට්ටියක් තර්ක කරන්න ගන්නකොට.
''මමත් මේ කල්පනා කරන්නෙ ඔහොම එකක් එක සුත්‍රයක තියෙනවා වගෙ මතකයි...'' ඔහු කල්පනා කරන්න පටන් ගත්තා. දහම් පාසල් මට්ටමෙන් පටන් අරගෙන ශාස්ත්‍රාලීය දහරාවෙ ඉහළට බුද්ධාගම ඉගෙන ගෙන, යම්  විදිහක ධර්මානුකුල ජීවිතයක් ගතකරන ඔහු, මෙහෙම හිරවෙන්නෙ ඇයි?  මස් මාළු වලට තදින් ප්‍රිය කරන කෙනෙක් ඔහු. අන්න ඒ නිසා.
මෙතැනින් ඉස්මතුවෙන්නෙ මොකද්ද? බුදු දහම කියන්නෙ භාවිතයක් මිස වෙන යමක් නෙවෙයි කියන එක. මේ හරිම සරල තත්වයක්. මේ ප්‍රශ්නය බේරගන්න සුත්‍ර අදින්න ඕන නැහැ.
සියළු සත්වයන්ට නිදුක් නිරෝගී බව ප්‍රර්ථනා කරන අතර මොනම විදිහකටවත් සත්තු මරාගෙන කන්න බැහැනෙ. තමන්ගෙ ආරක්ෂාවටත් බැහැ. මේ සනාතන දහම ඒ පැත්තෙන් සරලයි.
ජීවිතයක, ඉපදීම, පැවතීම, මරණය...මේ සියල්ල දුකක් වෙන්නෙ, ඔය පරම යථාර්ථය ප්‍රයෝගික ලෝකය තුළ පවත්වාගන්න බැරි නිසා. එහෙම නං, ඔය මස් මාංශ අනුභවය ගැන, අපි මුළු හිතින්ම පිළිගන්න ඕන, මම මේ කරන්නෙ වැරද්දක් කියලා. එතකොට හිතට සහනයක් දැනෙයි.
එහෙම නැත්තං, බුදු දහම අමතක කරලා සාමාන්‍ය මිනිස් ලෝකයට මුහුණ දෙනවා, ඒකත් එක විදිහක්.
මේ මැදින් පෝය දවසෙ, ඔබට යෝජනා කරන්නෙ සරලම සරල දෙයක්.
බුදු දහම, ආගමක් කරලා, දේශපාලන මෙවලමකුත් කරලා තමන්ට ඕන ඕන දේවල් නොකර, බුදු දහම තුළ ගැඹුරින් ජීවිතය හසුරුවන්න උත්සහ කරමු. මෙතැන තර්කයක් හෝ ඒ හරහා ලැබෙන ජය - පරාජයක් නැහැ! ජීවිතය කියව ගන්නවා විතරයි.
අඩුම තරමෙ, මම කරන්නෙ වැරැද්දක් කියලා එකිනෙකාට දැනෙන්න පටන් ගත්තොත්, අපේ මේ ලෝකය කොච්චර වෙනස් වෙයිද? නේද?
CHAPA
March 12, 2017   

මතක නෑ? අයියෝ!

ඔබ හොඳ මතකයක් තියෙන කෙනෙක් ද? නැද්ද?
මතකය ගැන විවිධ විද්‍යාත්මක සොයාගැනීම් තියෙනවා, තවම විවිධ පරීක්ෂණත් කෙරෙනවා. කොහොම බැලුවත්, කෙනෙකුගෙ මතකය සාධක ගණනාවක් මත රඳා පවතින බව නං පේනවා.
සාමාන්‍යයෙන්, සමහරුන්ට උපතින්ම හොඳ මතක ශක්තියක් තියෙනවා. තවත් සමහරු ඒකෙ අනිත් පැත්ත. ඒ දෙවිදිහටම මැද්දෙ වගෙ ඉන්න කට්ටියකුත් ඉන්නවා. කෙනෙකුට, තම මතක ශක්තිය යම් ප්‍රමාණයකට දියුණු කරගන්න පුළුවං යම් යම් අභ්‍යාස ගැනත් අහන්න ලැබෙනවා.
සමහරු අනං මනං හොඳට විස්තර ඇතුව මතක තියාගන්න දන්නවා, අවශ්‍යම - වැදගත්ම දේ මතක තියාගන්නෙ නැහැ කියලත් අනිත් අයගෙන් බැණුම් අහනවා.
ඔය අස්සෙ වැඩ වැඩි කමට, කලබලයට දේවල් අමතක කරන අයත් ඉන්නවා. වයසත් එක්ක මතකය ගිලිහෙන බව නං ප්‍රකට කරුණක්. එක වයස් සීමාවකදි කිසිම දෙයක් මතක නැතුව යන බව අපි හොඳාකාරවම දන්නවා. යම් යම් අසනීප තත්වයන්, අධික මත්පැන් පානය සහ විශේෂයෙන්ම මත් ද්‍රව්‍යයට ඇබ්බැහි වීම නිසාත් මතකය නැතිවෙලා යන්න ඉඩ තියෙනවා.
''අපෝ! එයාට අවාසි දේවල් තමයි ඔය නිතර අමතක වෙන්නෙ...''
සමහරු ඔහොම  කියනවා අහලා තියෙනවා ද? ඒ ඔබ ගැන නං වෙන්න බැහැ, ඒත් ඇත්තටම එහෙම බොරු කරන අයත් ඉන්නවා, අපි අතරම.
ම්...කියන්න අමතක වුණා,  කෙනෙක් යම් අනතුරකට මුහුණ දීලා, යම් කම්පනයක් නිසා මතකය නැතිවෙලා යන්න පුළුවං බවත් අපි අමතක කරන්න හොඳ නැහැ.
ඔය ඔක්කොම එහෙමම තියෙද්දි, අමතක වීම අවම කර ගන්න අපට යම් යම් අත් හදා බැලීම් කරන්න පුළුවං.
ප්‍රකට විදිහක් තමයි, ආපස්සට පිළිවෙළින් මතක් කරගෙන, ඒ අමතක වෙච්ච තැන හොයාගන්න එක. ඒක හොඳ අභ්‍යාසයක්. ඊළඟට අමතක වෙන බව දැනගෙන, කල්පනාවෙන් වැඩ කරන එක.
අපට, අත්‍යවශ්‍ය දේවල් සටහන් කරගෙන මතකය සංවිධානය කරගන්න අවස්ථාවකුත් තියෙනවා. දැන් නූතන තාක්ෂණය නිසා, තමන්ගෙ ජංගම දුරකථනය පවා ඒ සඳහා යොදා ගන්න ලේසියෙන් පුළුවං.
යම් වෙලාවක් හෝ භාවනාකරන එකත් එක විදිහක හොඳ අභ්‍යාසයක්.
අනෙක, තමන් නිතර පරිහරණය කරන දේවල් ඒ ඒ තැන්වලම තියන්න පුරුදු වෙන්න. ඒක එතකොට හරිම ලේසියි.
අපි නිකමට බලමු, අමතකවීම ගැන ලියන්න අමතක වුණේ මොනවා ද? කියලා..
ම්ම්ම්...අපි අවශ්‍ය දේවල් නං කතා කරලා තියෙන්නෙ. දැන් ඉතිං හොඳ මතකයක් හදා ගන්න උත්සහ කරමු!
මතකනෙ?
අද තවත් අලුත් දවසක්!
එහෙම නං අද ඔබට හොඳට මතක හිටින සතුටුදායක දවසක් වේවි!
CHAPA

26-02-2017 - SAITM in 18min

University Students! මේ අහපල්ලා!

  විකල්ප?

විකල්ප?

ඔව්! ජීවිතයට නෙවෙයි ජීවත් වෙන්න හුඟාක් වෙලාවට විකල්ප ඕනෙ.
කන බොන දේවල්, අඳින පළඳින දේවල්, පරිහරණය කරන තවත් දේවල්...මේ හැම දෙයකටම විකල්ප ඕන වෙනවා. ඒ කියන්නෙ, කෑම වෙනුවට ඇඳුම් කියන එක නෙවෙයි. ඒ ඒ දෙයට ගැළපෙන සහ අදාළ දේවල්.
කොහොමත් හුඟාක් වෙලාවට, එකම දෙයක් මත පවතින්න බැහැ.
විශේෂයෙන්ම, බලාපොරොත්තු ඇතිකර ගන්න අතරෙත්, ඒවාට විකල්ප තියෙනවා නං ඉතාම ලේසියි. මට අහවල් දේ ලැබෙනවා, හැබැයි බැරිවෙලාවත් ඒක  නොලැබුණොත් ඊළඟට මෙහෙම කරනවා! කියල හිතලා තිබුණොත්, කිසිම අවදානමක් නැහැ.
යම් වැඩක් කරන්න පටන් ගන්නකොටත් විකල්ප ගැන හිතලා ඉන්න. එතකොට සිත් තැවුල් ඇතිවෙන්නෙ නැහැ, කාලය නාස්ති වෙන්නෙත් නැහැ.
හැබැයි මිනිස් සම්බන්ධතා පවත්වද්දි නං ඉතිං විකල්ප නැහැ. විශේෂයෙන්ම සමහර අනිවාර්ය සම්බන්ධතා සම්බන්ධයෙන්.
අම්මා! විකල්පයක් තියෙනවා ද? නැහැ! කොහෙත්ම නැහැ. කෙනෙකුට අම්මලා නැහැ, ඉන්නෙ එක අම්මා මයි.
නෑදෑයො ගත්තත් එහෙම තමයි.
ඒ වුණාට, දරුවන්ට විකල්ප අම්මලා වුණු කාන්තාවො ලෝකය පුරා කොච්චර ඉන්නවා ද? විකල්ප තාත්තලා, විකල්ප දරුවො, විකල්ප සහෝදර සහෝදරියො. තැන තැන ඕන තරං ඇති.
විකල්ප ආදරවන්තයො, විකල්ප අදරවන්තියො? ම්...ඔව්! එහෙමත් ඉන්න පුළුවං...
මෙහෙම ලියනකොට, කෙනෙක් වැරදියට හිතයි ද දන්නෙ නැහැ, ඒ කතාව නිසා අසම්මත ප්‍රේම සම්බන්ධතා ප්‍රවර්ධනය වෙනවා කියලා. මේ එහෙම පටු අදහසක් නෙවෙයි, පුළුල් විග්‍රහයක්. හැබැයි කොහොම වුණත්, මිනිස් සම්බන්ධතා අතර නං 'විකල්ප' හෙවීම සාර්ථක වෙන එකක් නැහැ, වෘත්තීය මට්ටමේ උවමනාවක් නෙවෙයි නං.
අද මේ අලුත් දවසෙ, අපි මෙහෙම හිතන්න පටන් ගම්මුකො. අපේ සාමාන්‍ය වැඩ කටයුතු වලදි සහ විශේෂයෙන්ම ප්‍රශ්න වලට උත්තර හොයද්දි, අනිවාර්යයෙන්ම, විකල්ප තියාගෙන ඉම්මු....
හොඳයි නේද, යෝජනාව!
එහෙම නං ඔබට විකල්ප සිතුවිලි සමඟ අපුරු දවසක්!
විකල්ප දවසක් නෙවෙයි, තවත් අලුත් ලස්සනම ලස්සන දවසක්!
CHAPA
March 10, 2017

CHAPA on Insight, Ada Derana, March 5, 2017, Episode 17

රුහුණ විශ්වවිද්‍යාලයීය මහා ශිෂ්‍ය සංගමය: අද පැවැත්වෙන සයිටම් විරෝධී උද්ඝෝෂණයට ජනතා බලවේග සම...

රුහුණ විශ්වවිද්‍යාලයීය මහා ශිෂ්‍ය සංගමය: අද පැවැත්වෙන සයිටම් විරෝධී උද්ඝෝෂණයට ජනතා බලවේග සම...: නිදහස් අධ්‍යාපනයත්, නිදහස් සෞඛ්‍යයත් වනසන මාලබේ සයිටම් හොර උපාධි කඩය අහෝසි කරනු! යන සටන් පාඨය යටතේ 2017 මාර්තු 08 (අද) දින ප‍්‍රධාන මාවත්...

ගී දම් පද...CHAPA also on Derana, Poya Day, March 12, 2017

  Yes! YOU CAN! ඒත්!

Yes! YOU CAN! ඒත්!

ඔබට මතකනෙ, ඇමරිකානු හිටපු නායකයා, බැරක් ඔබාමා එදා බලයට එන්න, ඇමරිකානුවන් ට කිව්වෙ Yes! WE CAN! කියලා, ඔහු මෙදා ඩොනල්ඩ් ට්‍රම්ට් ට බලය දීලා ගෙදර යනකොටත් කිව්වෙ, ඒ කතාවමයි.
Yes! WE CAN!
ඔව්! අපට පුළුවං!
මෙහෙම කියනකොට ඇඟට පොඩි ගතියක් එනවා නේද? නිකං විශ්වාසයක් වගෙ එකක්.
එහෙම නං, තමන්, තමන්ටම Yes! I CAN! කියාගන්නත්, අනිත් අයට Yes!YOU CAN! කියන්නත් අපි පුරුදු වෙමු.  ජීවිතයට මුහුණ දෙන්න, අභියෝග ජය ගන්න ඒකත් හොඳ මානසික මෙහෙයුමක්.
හැබැයි, මෙහෙම කියන ගමන් ඇත්තටම හිතන්නත් ඕනෙ. හිතුවොත් තමයි වැඩේ සාර්ථක වෙන්නෙ. ඒ කියන්නෙ, 'පුළුවං' කියන සිතුවිල්ල - හැඟීම විසින් කෙනෙක් ඉබේම ඉස්සරහට තල්ලු කරවනවා.
විශේෂයෙන්ම පුංචි ළමයින්ට නං, පුරුද්දක් විදිහට, ඔයාට බෑ! කියලා කියන්නම එපා. එයින් එයාලා ජීවිතය පුරාවටම අධෛර්යමත් වෙන්න ඉඩ තියෙනවා.
තවත් වැදගත් දෙයක් හැබැයි මෙතැන තියෙනවා.
'පුළුවං' කියලා වැඩකරගෙන යනකොට, යමක් වැරදුණොත්, පරාජය වුණොත් සහ නොහිතපු දෙයක් වුණොත් මානසිකව නොවැටී ඉන්නත් මේ ක්‍රමයම යොදා ගන්න ඕනෙ. ඒ කියන්නෙ, සාමාන්‍යයෙන්, තමන් ගැන දැඩි විශ්වාසයකින් කටයුතු කරන කෙනෙක්, යමක් හදිසියෙ වැරදෙන මොහොතක දරුණු විදිහට කඩා වැටෙන්න ඉඩ තියෙනවා. ඒ ගැනත් කල්පනාවෙන් ඉන්න ඕනෙ.
ඉතිං 'පුළුවං!' කිව්වට පස්සෙ තවත් මොනව ද?
අපි වැඩ පටන් ගම්මු!
ඔහොම යමු! ඉස්සරහටම යමු!
Yes! YOU CAN!
CHAPA
March 9, 2017  

INSIGHT Episode 17 - Pubudu Jayagoda

   ඔබ හිතේ අමාරුවෙන් ද?

ඔබ හිතේ අමාරුවෙන් ද?
ඇඟේ අමාරුව කියනකොට, අපට තේරෙනවා. ඒත් හිතේ අමාරුව?
සමහර විට මේ දැනුත්, ඔබ මොකක් හරි දේකට හිතේ අමාරුව හදාගෙන ඇති.
ම්...එහෙම කිව්වට, මොකද්ද මේ හිතේ අමාරුව?
මොකක් හරි ප්‍රශ්නයක් නිසා ඇතිවන තැවීමක්, කරපු කියපු දෙයක් ගැන පසු තැවීමක්, කරන්න බැරි වෙච්ච දෙයක් ගැන සංතාපයක්...
''අනේ! මම කරපු දේ නිසා එයා කරදරේ වැටුණා!'' අන්න එහෙම හිතෙන විදිහක්.
හිතේ අමාරුව කියන්නෙ ඇත්තටම දුකක්!
ඉතිං හිතේ අමාරුවක් නැතුව මිනිස්සු හැටියට අපට නං ඉන්න බැහැ. මොකකින් හරි, මොන මොහොතක හරි හිතේ අමාරුවක් එන්න පුළුවං. එතකොට කොහොමද අපි හිතේ අමාරුව අවම කර ගන්නෙ? තුනී කර ගන්නෙ?
සමහර වෙලාවට හිතේ අමාරුවක්, දවස් ගණන් තියෙන්න පුළුවං. වරින් වර මතු වෙවී ජීවිත කාලය පුරාම තියෙන්නත් පුළුවං.
එකම දේ, තමන්ට හිතේ අමාරුවක් තියෙන බව, තමන් දැන ගන්න ඕනෙ. පුළුවං කමක් තියෙනවා නං තමන් විශ්වාස කරන කෙනෙකුට ඒ ගැන කියන්න උත්සහ කරන්න. හැබැයි, එහෙම වෙලාවක අනවශ්‍ය ප්‍රශ්න ඇතිවෙන අවදානමකුත් තියෙන බව අමතක කරන්න එපා. සමහර අය, අනෙකාගෙ හිතේ අමාරුව, තමන්ගෙ වාසියට හරවා ගන්නවා. ඒ ගැනත් කල්පනා කරන්න. අඩුම තරමෙ, ''මං අද ඉන්නෙ පොඩි හිතේ අමාරුවක!'' කියලා කෙනෙකුට කියන අතරෙත්, හිතේ අමාරුව තියෙන කෙනාට, හිතට යම් සැහැල්ලුවක් දැනෙනවා.
ඒ අතර තුර, හෙමින් කල්පනා කරලා බලන්න, ඇයි මෙහෙම හිතේ අමාරුවක් හැදුනෙ කියලා.
හේතු හොයන්න. හේතු වලට පිළියම් යොදන්න පුළුවං ද කියලා බලන්න. නැවත නැවත හොඳ සිහියෙන් වෙච්ච දේ ගැන හිතන්න. ඔබට හදන්න පුළුවං, වැරදිච්ච් තැන් තියෙනවා නං, හදන්න දෙපාරක් කල්පනා කරන්න එපා!
වෙච්ච සමහර දේවල් නං ආයෙ කවදාවත් හදන්න බැහැ! කියන කටුක යථාර්ථයත් අමතක කරන්න එපා. ඒ නිසා එහෙම දේවල් වලට කොහොමත් ඉඩක් දෙන්නම එපා!
හිතේ අමාරුව තුනී වෙන්න, කාලය කියන සාධකයත් එක වෙලාවක උදව් කරනවා තමයි!
මොකුත්ම හිතන්නෙ නැතුව හොඳට නිදා ගන්න එක, විනෝදාංශ හෝ දවසේ වෙන වෙන ක්‍රියාකාරකම් වල යෙදෙන එකත් සමහර වෙලාවට හිතේ අමාරුව අඩු කරන්න හේතු වෙනවා.
මතකනෙ, අනෙකාගෙ හිතේ අමාරුව නං තමන්ගෙ වාසියට ගන්න එපා!
හරි! දැන් ඔබේ, හිතේ අමාරුවක් තියෙනවා නං මෙහෙම අලුතෙන් පටන් ගන්න.
ඔව්! මේ දැන්ම...
ඒ වගේම, හිතේ අමාරු නොහැදෙන සතුටුදායක දවසක් ඔබට!
CHAPA
March 8, 2017

මිත්‍රවරුණි! මේ පරණවිතානලගෙ බොරු වැදගත් පෙනුමට රැවටෙන්න එපා!

Karu Paranavithana on Hiru news, 7pm, Nov 23, 2016

   ඇයි අවුල් ද?

ඇයි අවුල් ද?

'අවුල්' කියන යෙදුම, වෙනස් අදහසකුත් එක්ක මේ මෑත කාලයක තමයි ජනප්‍රිය වුණේ.
''ඇයි අවුල් ද?'' කියලා අහනකොට, තේරුම් කීපයක්ම ඒ හරහා එනවා වගෙ.
ඔබට මේක ප්‍රශ්නයක් ද? ඔබට මාව ප්‍රශ්නයක් ද? ඔබට වෙන මොකක් හරි ප්‍රශ්නයක් ද? මේ වැඩේ හරි නැද්ද?...ඔය වගෙ තේරුම් කීපයක්.
ඒ ජනප්‍රිය කතාව පැත්තක තියෙද්දි, ඔය අපි සාමාන්‍යයෙන් 'අවුල්' වෙන එක ගැන දැන් හිතමු!
කෙනෙකුට ප්‍රශ්නයක් එන එක නෙවෙයි අවුල, ඒ ප්‍රශ්නය නිසා, අදාළ පුද්ගලයා අවුල් වෙන එක. ඒ කියන්නෙ, ප්‍රශ්නය තුළ පටලැවෙනවා වගෙ එකක්. අපි කියන්නෙ නිකං ඔළුව අවුල් වෙලා! කියලා.
ප්‍රශ්නයෙ අග මුල හොයා ගන්න බැරි වුණාමත් ඔලුව අවුල් වෙනවා, ලේසියෙන් උත්තරයක් හොයාගන්න බැරි වුණාමත් ඔළුව අවුල් වෙනවා. එක වෙලාවක 'අප්සෙට්!' වගෙ කියන්නෙත් එහෙම තත්වයක්.
කෙනෙක් අවුල් වුණාම, කරන්නෙ - කියන්නෙ මොකද්ද කියලත් දන්නෙ නැතුව යනවා. වෙන වෙලාවකට නොකරන දේවල් වුණත් කරන්න ඉඩ තියෙනවා. සමහරු නිතර නිතර අවුල් වෙනවා, පොඩි පොඩි දේවල් වලටත්. ප්‍රශ්නය තියෙන්නෙ, කෙනෙක් අවුල් වෙනකොට ඒ පුද්ගලයාට සහ තවත් අයට හුඟාක් පාඩු දේවල් වෙන්න පුළුවං.
ඒ, අනිත් අයගෙ හාස්‍යයට ලක් වෙනවාට අමතරව.
වැඩේ බරපතළ වෙන්නෙ, කෙනෙක් හොඳටම අවුල් වෙලා ජීවත්වීමේ ආශාව ඇත හරින්නත් ඉඩ තියෙනවා.
ඔබ දන්නවාද? ඔය අවුල් වෙනවා කියන එක එච්චර සරල නැහැ. ඒ වෙලාවට ඒ අදාළ පුද්ගලයාගෙ ශරීර රසායනය වෙනස් වෙනවා. ඒ කියන්නෙ හිත ශරීරයට සම්බන්ධ නිසා ඒ එකිනෙක, එක මත එක ක්‍රියා කරනවා.
අපි මෙහෙම කරමු!
ඔබ මොනම දේකටවත් අවුල් නොවී ඉන්න උතසහ කරන්න, ඔව්! ඔබට පුළුවං. හිත ඔබේ නෙ...
ඒ වගේම අනිත් අයව අවුල් කරන්නත් එපා! එහෙම නිතර අවුල් වෙන කෙනෙක් ඉන්නවා නං, අනේ! අවුස්සන්නෙ නැතුව උදවු කරන්න.  එහෙම කෙනෙක් අවුල් වෙනකොට සමීප වෙලා අවුල ලෙහා ගන්න මැදිහත් වෙන්න, දැනගෙන සහ සත්භාවයෙන්.
හරිනෙ?
එන්න! දැන් අපි වැඩ කරගෙන යමු, තවම දවස පටන් ගත්තා විතරනෙ, ම්...විදේශගත සහෘදයන් නං සමහර විට දවස සෑහෙන්න ගෙවලත් ඇති, නේද? කමක් නැහැ!
කොහොමත් ඔබට සුභ පැතුම්!
CHAPA

CWW කන්නංගර ට ලියමි, 

හඃ! අපේ මිනිස්සු ඔබව ප්‍රතික්ෂේප කෙරුවා එහෙනං!

ලංකාවෙ අපට, ඔබ මග හැරුණා! ඇත්තමයි!
අපි හරිම මෝඩ, තකතීරු සහ ගොන්ම ගොන් රැළක්. අපට වැරදුණා විතරක් නෙවෙයි, ඔබ මේ රටෙන් සදහටම සමු අරගෙන අවුරුදු 48 ක් පමණ ගෙවී ගියත් ඔබ එදා රට වෙනුවෙන් ඉදිරිපත් කරපු, ''නිදහස් අධ්‍යාපනය'' පිළිබඳ ඓතිහාසික යෝජනාව ගැන අපේ අති බහුතරය, එදා වගේම අදත්, 2017 මාර්තු 6 දා, මේ දහවල වනවිටත් කිසිම උනන්දුවක් දක්වන්නෙ නැහැ.
මම මතක් කරලා දෙන්නං!
ක්‍රිස්ටෝපර් විලියම් විජේකෝන් කන්නංගර, ඔබ ඉපදුණේ 1884 ඔක්තෝබර් 13 දා. ඒ බලපිටිය ප්‍රදේශයෙ, රන්දොඹේ ගමේ දි. මිෂනාරි පාසලෙන් ගාල්ල, රිච්මන්ඩ් විද්‍යාලයට එන ඔබ, හොඳ ක්‍රීඩකයෙක්, කථිකයෙක් සහ නළුවෙක්. ගුරුවරයෙක් විදිහට වෘත්තීය ජීවිතය පටන් ගන්න ඔබ පසුව, නීතිඥයෙක් සහ දේශපාලනඥයෙක් බවට පත්වෙනවා.
ඇත්තටම ඔබ දේශපාලනය පටන් ගන්නෙ, අනගාරික ධර්මපාල ව්‍යාපාරය සමඟ සම්බන්ධවෙමින්, නිදහස් ලංකාවක් වෙනුවෙන්. පසුව, රාජ්‍ය මන්ත්‍රණ සභාවෙ ( State Council of Ceylon ) ප්‍රථම අධ්‍යාපන අමාත්‍යවරයා බවට පත්වෙන්නෙ ඔබ.
ඔබට මතක ද?
1942 දි ඔබේ සභාපතිත්වයෙන්, රටට නව අධ්‍යාපන ප්‍රතිසංස්කරණ හඳුන්වාදෙන විශේෂ කමිටුවක් පත් කෙරුණා. ඒ වාර්තාව ප්‍රකාශයට පත් වෙන්නෙ, 1943 දි.
ඒ වාර්තාව අනුව;
1. හැම ළමයෙකුටම, බාලාංශයේ සිට විශ්ව විද්‍යාලය දක්වා නොමිළේ අධ්‍යාපනය ලබා දෙන්න ඕනෙ.
2. ප්‍රාථමික පාසල් මට්ටමේදී, තම මව් බසින් අධ්‍යාපනය ලබා දෙන්න ඕනෙ.
3. iii වැනි අදියරේ සිට ඉංග්‍රීසි අධ්‍යාපනය ලබා දෙන්න ඕන.
4. ඔළුව, හදවත සහ දෑත් ශක්තිමත් කරන සහ එමඟින්, යහපත් දරුවෙක් නිර්මාණය කෙරෙන අධ්‍යාපන ක්‍රියාවලියක් ක්‍රියාවට නැංවිය යුතුයි.
මෙහි අරමුණ, ජාතියට නිශ්චිත වටිනාකමක් දීම බව, ඔබ ප්‍රමුඛ, කමිටුව නිර්දේශ කරනවා.
ඉතිහාස සටහන් වලට අනුව, මේ පනත සම්මත කරගන්න, ලංකාවෙ ප්‍රථම අගමැති, DS සේනානායක සමඟ, පැය 6 1/2 ක දීර්ඝ සාකච්ඡාවක් කරන්න ඔබට සිද්ධ වෙනවා.
ඊට සමගාමීව ආචාර්ය EW අධිකාරම්, මහාචාර්ය GP මලලසේකර සහ LH මෙත්තානන්ද ඇතුළු කණ්ඩායමක්, නිදහස් අධ්‍යාපනය වෙනුවෙන් මහජන ව්‍යාපාරයක් දියත් කෙරුවා. කොහොම හරි, HW අමරසූරිය, ඩඩ්ලි සේනානායක, JR ජයවර්ධන, ඔලිවර් ගුණතිලක සහ ආචාර්ය NM පෙරේරා, එදා මේ පනතට පක්ෂව ඡන්දය දීපු බව ඉතිහාසයෙ සටහන් වෙනවා.
එදා මේ ආරම්භය නොවෙන්න, අපි තවමත් නූගත්ම නූගත් ගෝත්‍රික රටක් වෙන්නත් ඉඩ තිබුණා. මේ නූතන තාක්ෂණය හරහා ඔබට ලියන්න, මට පුළුවං වෙන්නෙත් ඒ නිසාම තමයි.
ඔබ නොදන්නවා වුණාට, මමත් නිදහස් අධ්‍යාපනයෙ දරුවෙක්!
ඇත්තටම, මට තාමත් හිතාගන්න බැරි කාරණය තමයි, ජාතියට මෙච්චර නායකත්වයක් දීපු  ඔබ, 1947 දි පැවති මැතිවරණයෙන්, ඔබ තරඟ කළ මතුගම ආසනය පැරදුණු විදිහ!
හඃ! අපේ මිනිස්සු ඔබව ප්‍රතික්ෂේප කෙරුවා එහෙනං!
මතුගම මිනිස්සු, එදා දිනවන්නෙ විල්මට් පෙරේරාව. ඒ කවුද? ඒ තමයි, ශ්‍රී පාලි පුද්ගලික විද්‍යාලයෙ හිමිකරු! ඒ කියන්නෙ, මතුගම මිනිස්සු කිව්වා, ''අපිට නිදහස් අධ්‍යාපනය නං එපා! අපෙන් සල්ලි ගනිල්ලා!'' කියලා.
මාර වැඩක් තමයි!
ඊට පස්සෙ 1950 - 1952 කාලය තුළ, ඔබට ඉන්දුනීසියාවේ තානාපති හැටියට වැඩකරන්න සිද්ධ වුණා. 1952 දී නං අගලවත්ත ආසනයෙන් තරඟ කරලා, ජයග්‍රහණය ලැබුවා, එතකොටත් ඔබ ඉල්ලුවෙ අධ්‍යාපන ඇමති ධුරය. ඒත්, ඔබට ඒ බලය ආයෙ කවදාවත් ලැබුණෙ නැහැ. ඔබට ලැබුණෙ, නිවාස හා ස්වදේශ කටයුතු ඇමති ධුරය.
ඉතිං ඔබ මොනවා කරන්නද?
1956 දි විශ්‍රාම ගන්න ඔබ, 1969 සැප්තැම්බර් 23, රටෙන්ම නෙවෙයි මුළු ලෝකයෙන්ම සදහටම සමු ගත්තා.  ඔබ යන්න ගියත්, ඔබේ ඒ ශක්තිමත් ආරම්භයත් එක්ක, අපි රටක් හැටියට සෑහෙන ජයග්‍රහණ ලැබුවා. රට පුරා විහිදුණු රාජ්‍ය මධ්‍යම මහා විද්‍යාල ජාලයක් සහ රාජ්‍ය විශ්ව විද්‍යාල පද්ධතියක්. ඒ හරහා, එදා මෙදා තුර මිය ගිය සහ තවමත් ජීවත් වන උගතුන් සහ බුද්ධිමතුන් (?) විශාල පිරිසක්.
ඔව්! මේ අපේ රට!
ඒ අතර...
''සිරි ලක දේ සිරි සැප දේ'' කිව්වාට, ඒ වනවිටත් ලෝක බලවතුන්, ලෝකය පුරා, ජාතික රාජ්‍ය පෙරළාගෙන, තම වෙළෙඳ දැළ එළමින් හිටිය වග අපේ අය හරියටම තේරුම් ගත්තෙ නැහැ, ලෝකයෙ බොහෝ රටවල අය වගෙම.
ඒ අනුව දන්නෙම නැතුව 1977 උදා වුණා!
'ගෝලීයකරණය' හෙවත් විචෘත ආර්ථික ක්‍රමය වෙනුවෙන් අපේ රටේ දොර කවුළුත් ඉබේම වගෙ විවෘත වුණා. එය කොන්දේසි විරහිත යටත්වීමක්.
''අතට අහුවෙන ඕන දෙයක් විකුණාපල්ලා!'' ඒක තමයි රට හදන විදිහ!
උන් අපට කිව්වා, අපේ එවුනුත් ඒකම කරනවා! මේ දැනුත්.
ඔබ එදා නිර්මාණය කරන ''නිදහස් අධ්‍යාපනය'' ත් දැන් කෑලි කෑලි වලට කපලා මුං විකුණන්න පටන් අරන්, දැන් ඒ 'නිදහස' පණ අදිනවා. ඊට පණ දෙන්න ඔබ වගෙ උගත්තු - බුද්ධිමත්තු දැන් නං නැහැ. හැම එකාම විකිණිලා. උන් තමයි මේ මහා අපරාධයට නායකත්වය දෙන්නෙ.
මේ ඓතිහාසික - දේශපාලන විකෘතියක්!
1971, 1988 - 89 තුළ, මේ දේශපාලන විකෘතිය නිසා තරුණ ජීවිත දස දහස් ගණන් විනාශ වුණා, දැනුත් ඒ මිනි පිච්චෙන පුළුටු ගඳ දැනෙනවා දැනෙනවා වගෙ. නැවත නැවතත් ඒ ඓතිහාසික වැරැද්දම සිද්ධවෙනවා, අනිවාර්යයෙන්ම.
නිදහස් අධ්‍යාපනය සහ ඊටම සම්බන්ධ නිදහස් සෞඛ්‍ය වෙනුවෙන්, මේ දැනුත් විශ්වවිද්‍යාල ශිෂ්‍යයො දස දහස් ගණනින් වීදි බැහැලා. මේ පාලකයන් ට ගණනක්වත් නැහැ.
හිතේ වේගයට මෙහෙම ලියාගෙන ලියාගෙන ගියාට, ඔබට දැන් යමක් කරන්න බැහැ කියලා දන්නවා.
ඒත් මේ අවනඩුව කාට කියන්න ද?
ඒත් එක දෙයක් කියන්නං!
එදා ඔබ, මතුගම ආසනය පැරදුණා වගෙ, අපට රටම පරද්ද ගන්න බැහැ!කොහොම හරි දිනන්න ඕනෙ!
ඒත් ඒ කොහොම ද?
CHAPA