Saturday, February 18, 2017

                           ඔබත් ''චුරු චුරු'' ගාන කෙනෙක් ද?


''චුරු චුරු'' ගානවා කියන්නෙ, හැම වෙලාවෙම, කට කියවනවා.
සාමාන්‍යයෙන් නං හොඳ දේවල් නෙවෙයි. නැති දේවල්, එක එක කරදර, කරන්න බැරි වෙච්ච දේවල්, කරන්න තියෙන දේවල්...ඔන්න ඔය වගෙ!
තරහා වෙන්න එපා! ඔහොම කරන්නෙ වැඩි පුරාම නං කාන්තාවො, හැබැයි පිරිමිත් ඉන්නවා. වයස්ගතවීම නිසා කරන වැඩක් නෙවෙයි මේ. සාමාන්‍ය චරිත ලක්ෂණයක්, සමහරුන්ගෙ.
ඔබ එහෙම කෙනෙක් ද? එක්කෝ ඔබේ ගෙදර එහෙම අය ඉන්නවා ද? නෑදෑයො - යාළුවො?
වැඩේ කියන්නෙ, මෙහෙම අය වෙනස් කරන එක සෑහෙන්න අමාරුයි. හේතුව, ඒ කෙනා දන්නෙ නැහැනෙ, තමන් කරන දේ. ඒ අයට සාමාන්‍ය දෙයක්. තමන්ගෙ සාමාන්‍ය ජීවිතය.
ඔබ එහෙම කෙනෙක් නං, දැන් හිතන්න, මම දැන් ඉඳලා කණස්සල්ලෙන් ඉන්නෙ නැහැ, හැම වෙලාවෙම ප්‍රශ්න ගැන කියව කියව ඉන්නෙත් නැහැ, මම වෙනස් වෙනවා කියලා. ඒ, වෙන කෙනෙක් නං, ටිකක් සමීප වෙලා ඒ ගැන හෙමින් හෙමින් කියන්න.
''බලන්න! ඔයා කොච්චර වාසනාවන්ත කෙනෙක් ද? මොනවද අනේ ඔයාට තියෙන කරදර? එහෙනං ඉතිං අපි මැරෙන්න එපා යැ අපට තියෙන ප්‍රශ්න වල හැටියට..'' කියලත් කියන්න.
උත්සහ කරලා බලන්න! හැබැයි ඔබත් ඒ ගැන චුරු චුරු ගාන්න ගත්තොත් වැඩේ ඉවරෙටම ඉවරයි!
ඒ නිසා පරිස්සමට!
ඉතිං ඔබට ''චුරු චුරු'' නැති අපූරු දවසක්!
CHAPA

No comments:

Post a Comment